ტყვაცი დო გურგინი
ტყვაცი დო გურგინი — ატმოსფერული მოლინა, ნამუშ ბორჯისჷთ ფსქელ გორგოთია-ჭვემაშ მუნაფეფს დო დიხაუჩაშ ჟინპიჯიშ შქას წჷმიქიმინუაფუ ჭყანიერი ელექტრული გონმუხტუა — ვალუა, ნამუსთ გეჸუნს გურგინი. თე ბორჯის, რჩქვანელობურო, გემანტირეთ ჭვენს (კანკალეშა კირცხით), ინძალიერებუ ბორია.
გოვითარაფაშ მეჯინათ ართიანშე გიშმაგორჷნა დინოხოლენმასურ დო ფრონტულ ტყვაცი დო გურგინეფს. ტყვაცი დო გურგინი [დიხაუჩაშ შხვადოშხვა აბანს შხვადოშხვა სიშხირათ იმაჟირებუ: არქტიკას მუსხირენ წანმოწანაშა ართშა მუთმოხვადუ, ზჷმიერ ორტყაფუს, ირ ზოხო პუნქტის წანმოწანას თეჯგურა რე მუსხირენ ვითობათ დღა. ტყვაცი დო გურგინიშ მოსოფელიშ ცენტრეფს (ინდონეზია, ცენტრალური ამერიკა დო შხვა) თეჯგურა დღალეფიშ რიცხუ წანმოწანას 200-შე უმოსი რე.
ტყვაცი დო გურგინამი დღალეფიშ სიშხირათ საქორთუოს მაართა აბანს რე საქორთუოშ ობჟათე გვალონა (წანმოწანას ოშქაშეთ 50-56 დღა, მაქსიმალური — 82 დღა).
ტყვაცი დო გურგინი გიშაკერძაფილ გოლინას იღვენუანს ადამიერშა. ტყვაცი დო გურგნი ქვერსემი ენერგიაშ მაღვენი გიგანტური „ნაპერწკალი“ რე. თის შეულებუ დაზიანას ელექტროგნმაჩამუ ღოზეფი, გიმიჭანუას დაჩხირი, დარღვიას რსხუგობუნელობა, მოჯალაგუას ცორცხალი არსებეფი. დიხაუჩას ირწანურო 100 მილიარდშახ ტყვაცი დო გურგინი დო ვალუა ივითარებუ, მუსჷთ ოშობათ ადამიერიშ თელარა ეწირებუ. ტყვაცი დო გურგინიშ მალობა ვაშილებე გოფაჩილ, ღილე აბანს გერინა ვარდა ზოხოთ გემაჩანუ ჯაშ დუდიშმიოფორაფალო გჷმორინაფა, ემაღალაფირ აბანეფშა ეშულა დო თ.უ.
ლიტერატურა
[რედაქტირაფა | წყუშ რედაქტირაფა]- ქორთული სხუნუეფიშ ენციკლოპედია, ტ. 11, ხს. 391, ქართი, 1987 წანა.