ჭყერიაშობურეფი

ჭყერიაშობურეფი (Betulaceae) — ართჸუდეამი, ჟირლებერამი ჩანარეფიშ ფანია წიფურიშნერეფიშ რანწკიშე. ფურცელმაცჷმე ჯალეფი რე, ოშა-გოშათ ბართვეფი. მორანწკობათ დვალირი ფურცელეფი ლექინი, ყერწამი, უმოსო შხირას დოკიბირელი, ოშა-გოშათ დოკვათირელი. ართსქესიანი პიოლეფი აკოკორობილი რე ბირტყა ვარდა დუდელერ რთულ ბიბილეფო. მამრობითი პიოლეფიშ პიოროფორე ლექინი დო თხითხუ რე. მდედრობითი პიორეფი პიოროფორეშ უმუშო რენა. გუმნაღელი კაკალი რე, კანკალეშა დაცხიშნერი სუამით ანჯარელი.

ჭყერიაშობურეფიშ ფანიას ორხველჷ ჭყერიაშ დო მურყანიშ გვარეფი. ჩინებული რე დოხოლაფირო 200 გვარობა, ნამუთ თარო გოფაჩილი რე ოორუე გვერდოსფეროშ ზჷმიერ ორტყაფუს — აზიას, ევროპას, ოორუე დო ობჟათე ამერიკას, კანკალე გვარობა ოორუეშე ტუნდრაშა ანჭუ. საქორთუოს 9 გვარობა რე, თინეფშე 5 გვარობაშ ჭყერია დო 4 გვარობაშ მურყანი. ჭყერიაშობურეფი ტყაშ აკმაქიმინალი ჯალეფი რე დო უღჷნა დიდი ოტუალე-ომეუნე შანულობა. ჭყერიაშობურეფიშ მარქვა დო ნახვაცას გიმირინუანა რეწუალას. კანკალე გვარობა დეკორატიული რე.

ლიტერატურა

• ქორთული სხუნუეფიშ ენციკლოპედია, ტ. 1, ხს. 612, ქართი, 1975 წანა.