ჯაშქვიდუ

ვიკიპედია-შე
Jump to navigation Jump to search
ჯაშქვიდუ
ჯაშ ჸას გეფალირი ჯაშქვიდუ
ჯაშქვიდუ
მენცარული კლასიფიკაცია
ომაფე: ჩანარეფი
გჷნართი: ფორილთასამეფი
კლასი: ჟირლებერამეფი
ფანია: ჯაშქვიდუშობურეფი
გვარი: ჯაშქვიდუ
ლათინური ჯოხო
Viscum
თხილუაშ სტატუსი

Wikispecies-logo.svg
სისტემატიკა
ვიკინერობეფს

Commons-logo.svg
სურათეფი
ვიკიოწკარუეს


ჯაშქვიდუ თაშნეშე ჯაშონა, ლიყვი, ლეყვი (Viscum) — იროწვანე, გვერდო პარაზიტული ბართვეფიშ გვარი ჯაშქვიდუშობურეფიშ ფანიაშე. წვანე ხორცამი გუნაფალეფი უღუ. ფურცელეფი ნთელუანი რე, ტყებიშობური, პიჯმანგას დვალირი. ჩანარს ართსქესამი, ჭკობა, მოწვანე, ჸვინთელი ვარდა ჩე პიოლეფი უღუ, ნამუეფით აკოშაყარელი რე ღერიშ ჟირბოჭკას. გუმნაღელი რგვალი, 1—2-თასამი, ოჭაბაია კანკარი რე, ფერო ჩე, მოჸვინთელე, ნარინჯიშფერი ვარდა ჭითა, პარაზიტენს შხვადოშხვა ფურცელამ დო წვიწვამ ჯას დო ბართვის.

ჯაშქვიდუშ გუმნაღელი

ჯაშქვიდუშ 70-შახ გვარობა ორთას რე გოფაჩილი ევროპას, აზიას, აფრიკას დო ავსტრალიას. საქორთუოს ხვალე ართი გვარობა მუთმოფხვადჷნა — ჩე ჯაშქვიდუ (Viscum album). ხვეიანო დოჸალერი იროწვანე ბართვი რე, ნამუშ სიმაღალა 1 მეტრის ანჭუ. პარაზიტენს ფარფაჯას, ცხვაცხვის, თელას, უშქურს, სხულს, სვაჭას დო შხვა. დიდ გავალს მეთმიორინუანს ხილს. ჩანარს ლაბანამი გუმნაღელი უღუ. ფურცელს ოკურნალე ნიფთიარობეფი უღუ.

ლიტერატურა[რედაქტირაფა | წყუშ რედაქტირაფა]