ჯეიკ ჯილენჰოლი

ვიკიპედია-შე
Jump to navigation Jump to search
ჯეიკ ჯილენჰოლი
Jake Gyllenhaal 2019 by Glenn Francis.jpg
დაბადებაშ ჯოხო ჯეიკობ ბენჯამინ ჯილენჰოლი
დაბადებაშ აბანილოს-ანჯელესი, ააშ
დებადჷ 19 ქირსეთუთა, 1980 (1980-12-19) (39 წანერი)
საქვარუა არტისტი
აკოქიმინჯალაშ წანეფი 1991-ასეშა
BAFTA ჯილდოეფი
BAFTA

ჯეიკობ ბენჯამინ "ჯეიკ" ჯილენჰოლი (Jacob Benjamin "Jake" Gyllenhaal; დ. 19 ქირსეთუთა, 1980) — ამერიკალი არტისტი. რეჟისორი სტივენ ჯილენჰოლიშ დო სცენარისტი ნაომი ფონერიშ ქომოლსქუა.

ბიოგრაფია[რედაქტირაფა | წყუშ რედაქტირაფა]

თიში მაართა შანულამი როლი კინოფილმის 2001 წანას ოკულტე ჰიტი „დონი დარკო“ რდჷ, ნამუსჷთ თიქი ფსიქოლოგიური პრობლემეფით ხარგელი მარდუშ როლი ილაჸაფჷ. 2004 წანაშ დენის ქუეიდწკჷმა ართო ილაჸაფჷ ბლოკბასტერს „გეღანი“, ნამუსჷთ კატასტროფული გლობალური გონქირაფაშ პერიოდის სტუდენტიშ როლი ასახიერჷ.

კარიერა[რედაქტირაფა | წყუშ რედაქტირაფა]

მელენ დღარი არტიტის ფილმეფი და როლეფიშ ლაჸაფი დუდშეშე მიკიჭოფანდჷ. მართალი რე, მასქერეფს ვაკოდეს სქუაქ არტისტიქ იჸუკონ, მორო ჯეიკიშო თე პროფესია ღანკო გინირთჷ დო თიში პერსონაჟეფით მაჯინეეფს დუდი მაეჩა უკუნიშ ბოლო წანეფს გაჩინებაფჷ. 2000-იანი წანეფშე ჭიი-ჭიეთ, ფილმეფს მაართა ნობიჯგეფიშ უკულჷ, თიქ ედომუშამ მოსოფელს ჩინებული ჰოლივუდარი არტისტო გინირთჷ. ფილმეფს გჷშარჩქინაქ თის შარა თეატრალური ოქიანუჸურე ხოლო გუნწყჷ დო 2004 წანას მუსხირენ როლი ლონდონიშ თეატრის ხოლო ილაჸაფჷ. თიშ კარიერაშ გიშნაგორა ეულა დო მოსოფლიშ მაჯინეეფშო თიში გოჩინებაფა გიშეწვჷ 2005 წანას გინოღალირ ფილმიქ „პუხუამი გვალა, ნამუსჷთ თიქ თარი როლი ჰით ლეჯერწკჷმა ართო ილაჸაფჷ. ათე ფილმიქ, ნამუქჷთ ჟირხოლო არტისტის დიდი პოპულარალა მოუღჷნ, ჯილენჰოლი ლაჸაფენს ჯეკ ტვისტიშ, გეი კოვბოიშ როლს. არტისტშო ხოლო ძამი წჷმოძინელქ იჸუ ფილმეფქ: „გეღანი“ (2004), „ჯალეფი“ (2013), „სერიშ ქვერქვენწი“ (2014), „ევერესტი“ (2015), „აკორღვაფა“ (2016) დო „რინა“ (2017), ბორბოლია კოჩი:ჸუდეშე შორს (2019). კარიერულ წჷმოძინაქ თიშ ფინანსურ ამბეს ხოლო გიოდოხოდჷ, კერზოთ, ჟურნალ People-იშ ნარაგადუთჷ ჯილენჰოლი ჰოლივუდიშ მაღალ გინაგაფალი არტისტეფს შქას ართ-ართი მაართა რე დო თიში საბანკე ანგარიში, 2017 წანაშ მუნაჩამეფით, 96 მილიონ ააშ დოლარს რე გამანგებული.

მუში დო საჯარო რინა[რედაქტირაფა | წყუშ რედაქტირაფა]

უმკუჯინუო თიშ, ნამდა ჯილენჰოლს წანეფიშ გოძვენას ქიანაში რომანი უღუდუნჷ, ათეჟამო ხვალე რე. არტისტი ირო კამერეფი გოურენა დო თის ჩინებულ სახეეფწკჷმა ართო შხირო აფიქსირენა. თის სიხოლა უღუდჷ ხოლო ჰოლივუდარ არტისტი კირსტენ დანსტიწკჷმა დო მაბირე ტეილორ სვიფტწკჷმა. თის დარე ირიათო ჸუნდჷ დო ჸუნს მაჸალე ოსური, მორო უმკუჯინუო ათეშ, თინა დაგურგინაფილი დღას ვაჸოფე დო დიო-დიო ვართ სქუალეფი ჸუნს. ჯილენჰოლი უმოსო ბორჯის პროფესიას უყურენს დო ახერხენს, ნამდა ირ წანას ფილმეფს მინიმუმ ჟირ ახალ სახეს ორთჷ. პროფესიაშ მეტი არტისტი ხოლო დაინტერესაფილი რე პოლიტიკითათ.

ფილმოგრაფია[რედაქტირაფა | წყუშ რედაქტირაფა]

წანა მარგალურო ოდაბადური ჯოხოდვალა როლი
2001 დონი დარკო Donnie Darko დონი დარკო
2004 გეღანი The Day After Tomorrow სემ ჰოლი
2005 პუხუამი გვალა Brokeback Mountain ჯეკ ტვისტი
2007 მორსკულა Zodiac რობერტ გრეისმიტი
2010 ჸოროფა დო შხვა წამალეფი Love and Other Drugs ჯეიმი რენდალი
2013 ჯალეფი Prisoners დეტექტივი ლოკი
2013 ნტერი Enemy ადამი/ენტონი
2014 სერიშ თუდომალი Nightcrawler ლუის ბლუმი
2015 მეკვარჩანე Southpaw ბილი ჰოუპი
2015 ევერესტი Everest სკოტ ფიშერი
2019 ბორბოლია კოჩი:ჸუდეშე შორს Spider-Man: Far From Home მისტერიო

რესურსეფი ინტერნეტის[რედაქტირაფა | წყუშ რედაქტირაფა]

Commons-logo.svg
ვიკიოწკარუეს? რე ხასჷლა თემაშენ: