ჯეიმს ბლეკი

ვიკიპედიაშე
ჯეიმს ბლეკი
ინგლ. James Black
დაბადებაშ თარიღი:

14 მანგი, 1924

დაბადებაშ აბანი:

ადინგსტონი, ლანარკშირი, შოტლანდია

ღურაშ თარიღი:

მელახი 22, 2010 (85 წანერი)

ღურაშ აბანი:

ლონდონი, ინგლისი

მენოღალობა:

გოართოიანაფილი ომაფეშ შილა გოართოიანაფილი ომაფე

ომენცარე სფერო:

ფარმაკოლოგია

სამუშაშ აბანი :

მალაიაშ უნივერსიტეტი
გლაზგოშ უნივერსიტეტი
ლონდონიშ ოუნივერსიტეტე კოლეჯი
სენტ-ენდრიუშ უნივერსიტეტი
დანდიშ უნივერსიტეტი
ლონდონიშ ომაფე კოლეჯი

ალმა-მატერი:

სენტ-ენდრიუშ უნივერსიტეტი

ჯილდოეფი დო პრემიეფი:

ლასკერიშ პრემია (1976)
ომაფე ჯარალუაშ მაკათური (1976)
კამერონიშ პრემია (1980)
ნობელიშ პრემია ფიზიოლოგიაშ დო მედიცინაშ დარგის (1988)
ომაფე მენდალი (2004)

სერ ჯეიმს უაიტ ბლეკი (ინგლ. Sir James Whyte Black; დ. 14 მანგი, 1924, ადინგსტონი, ლანარკშირი, შოტლანდია — ღ. 22 მელახი, 2010, ლონდონი, ინგლისი) — შოტლანდიარი ფარმაკოლოგი დო ექიმი, მედიკამენტეფიშ პროპრანოლოლიშ დო ციმეტიდინიშ გოვითარაფაშ გეშა გინოჩეს ნობელიშ პრემია ფიზიოლოგიაშ დო მედიცინაშ დარგის 1988 წანას. პრემია მიპალუ ამერიკალი ფარმაკოლოგი გერტრუდ ელიონი დო ამერიკალი ექიმი ჯორჯ ჰითჩინგსიწკჷმა ართო. პროპრანოლოლი რე ბეტა-ბლოკატორი დო გიმირინუაფჷ გურიშ ლახარეფიშ კურნალობაშო. ციმეტიდინი რე H2 რეცეპტორული ანტაგონისტი, ნამუსჷთ გიმირინუანა კუჭიშ ლახარეფიშ კურნალობაშო. ჯეიმს ბლეკი გურაფულენდჷ სენტ-ენდრიუშ უნივერსიტეტის. გურაფაშ თებაშ უკულ მუშენდჷ ბრიტანულ ფარმაცევტულ კომპანია ICI Pharmaceuticals-ის დო უკულ შხვადოშხვა ომენცარე ინსტიტუტეფს. ბლეკი რდჷ ნობელიშ პრემიაშ, ალბერტ ლასკერიშ პრემიაშ დო კამერონიშ პრემიაშ ლაურეატი. 2004 წანას გინოჩეს ომაფე მენდალი. 1992-2006 წანეფს ჯეიმს ბლეკი რდჷ დანდიშ უნივერსიტეტიშ კანცლერი. ჯეიმს ბლეკიშ ჯოხონობაშ რე მენცარული ცენტრი, ნამუქჷთ დირსხუ დანდიშ უნივერსიტეტის, 2006 წანას. BBC-იშ აზრით ბლეკი რდჷ XX ოშწანურაშ ართ-ართი უდიდაში შოტლანდიარი მენცარი. The Daily Telegraph-იშ სიტყვეფით ჯეიმს ბლეკიქ ახალ წამალეფიშ გოვითარაფათ, მილიონობათ დოლარიშ მოგება მოუღუ ფარმაცევტულ ინდუსტრიას, მარა მუს გვალო ჭიჭე ფინანსური მოგებაშ მეტი მუთუნ ვემუღებუ.

რესურსეფი ინტერნეტის[რედაქტირაფა | წყუშ რედაქტირაფა]