ჯეფერსონ დეივისი
| ჯეფერსონ დეივისი ინგლ. Jefferson Davis | ||
 | ||
| ამერიკაშ კონფედერაციული შტატეფიშ პრეზიდენტი | ||
|---|---|---|
| პოსტის გერინაშ ბორჯი | ||
| 18 ფურთუთა, 1861 – 5 მესი, 1865 | ||
| ვიცე-პრეზიდენტი | ალექსანდრე სტივენსი | |
| წიმოხონი | პოსტიქ გიჭყჷ | |
| მონძე | პოსტიქ გეუქვჷ | |
| პოსტის გერინაშ ბორჯი | ||
| 4 მელახი, 1857 – 21 ღურთუთა, 1861 | ||
| წიმოხონი | სტივენ ადამსი | |
| მონძე | ედელბერტ ეიმსი (1870) | |
| პოსტის გერინაშ ბორჯი | ||
| 10 მარაშინათუთა, 1847 – 23 ეკენია, 1851 | ||
| წიმოხონი | ჯესი სპეიტი | |
| მონძე | ჯონ მაკრეი | |
| პოსტის გერინაშ ბორჯი | ||
| 7 მელახი, 1853 – 4 მელახი, 1857 | ||
| პრეზიდენტი | ფრანკლინ პირსი | |
| წიმოხონი | ჩარლზ მეჯილ კონრადი | |
| მონძე | ჯონ ფლოიდი | |
| პოსტის გერინაშ ბორჯი | ||
| 8 ქირსეთუთა, 1845 – 28 გჷმათუთა, 1846 | ||
| წიმოხონი | ტილგმან ტაკერი | |
| მონძე | ჰენრი ტომას ელეტი | |
| დუნაბადი | 3 მანგი, 1808 ფერვიუ, კენტუკი, ააშ | |
| ნაღურა | ქირსეთუთა 6, 1889 (81 წანერი) ახალი ორლეანი, ლუიზიანა, ააშ | |
| ნთხორუ აბანი | ჰოლივუდიშ სასაფლა, რიჩმონდი, ვირჯინია | |
| მენოღალობა |  ააშ.svg){kind=small} აკშ | |
| პოლიტიკური პარტია | დემოკრატიული პარტია | |
| მუმა | სემიუელ ემორი დეივისი | |
| ნანა | ჯეინ კუკი | |
| ალმასქუ | 1. სარა ნოქს ტეილორი 2. ვარინა დეივისი | |
| სქუალეფი | 6 | |
| გონათაფა | ააშ-იშ ოურდუმე აკადემია | |
| ხეშმოჭარუა |  | |
ჯეფერსონ დეივისი (ინგლ. Jefferson F. Davis, დ. 3 მანგი, 1808 ― ღ. 6 ქირსეთუთა, 1889) ― ამერიკალი პოლიტიკოსი, ამერიკაშ კონფედერაციული შტატეფიშ მაართა დო ართკაკალია პრეზიდენტი 1861-1865 წანეფს.
დებადჷ კენტუკიშ შტატიშ ნოღა ფერვიუს. ირდუდჷ უმოსო მისისიპიშ შტატიშ უილკინსონიშ ოლქის. უნჩაში ჯიმაშ ჯოზეფ ემორი დეივისიშ ინიციატივათ, ჯეფერსონქ გემშართჷ ამერიკაშ აკოართაფილი შტატეფიშ ოურდუმე აკადემიაშა. გურაფაშ თებაშ უკულ, ამშვი წანაშ გოძვენას ნინალენდჷ ამერიკაშ არმიას, ლეიტენანტიშ ჩინით. ჯეფერსონქ არმია 1835 წანას ქიდიტუ დო ოსურო ქიმიჸონჷ ამერიკალი გენერალიშ დო ამერიკაშ მუმალი პრეზიდენტიშ ზაქარი ტეილორიშ ცირასქუა სარა ნოქს ტეილორი, ნამუქჷთ სუმი თუთაშ უკულ, მალარიათ დოღურჷ. უკულიანი პერიოდეფს ჯეფერსონქ, მუში ჯიმაშ ჯოზეფიშ დიხეფს კაბეტი ფერმა დარსხუ დო დიჭყჷ ბამბეშ წარმება. ჸათაქ თინა მუშეფო დოლმახორეეფს ირინუანდჷ დო ჸუნდჷ 113 დოლმახორე.
1845 წანას ჯეფერსონქ ოსურო ქიმიჸონჷ ვარინა ჰაუელი, ნამუწკჷმა ამშვი სქუაქ ქაშუ. 1845 წანას ჯეფერსონ დეივისი გიშაგორილქ იჸუ ააშ-იშ წჷმმარინაფალეფიშ პალატაშ მაკათურო. 1846-1847 წანეფს მონაწილენდჷ ამერიკა-მექსიკაშ ლჷმას. 1847 წანას გიშაგორილქ იჸუ სენატიშ მაკათურო. 1853 წანას ააშ-იშ პრეზიდენტიქ ფრანკლინ პირსიქ დეივისი ქუდარინუ ოურდუმე მელამოსეთ. ჸათე პოსტი თის 1857 წანაშახ უკებუდჷ. უკულ, თიქ კინ დართჷ სენატის, სოდეთ 1861 წანაშახ ნინალენდჷ. 1861 წანას, მუჟამსჷთ მისისიპიქ ააშ-იშ აკოდგინალუაშე გიშელუნჷ, დეივისიქ ქაკათჷ კონფედერაციული ჸარაფის. 1862 წანას დეივისი გიშაგორილქ იჸუ კონფედერაციული შტატეფიშ პრეზიდენტო.
ამერიკაშ ომენოღალე ლჷმაშ პერიოდის, დეივისი ხემანჯღვერენდჷ კონფედერაციული შტატეფს დო რდჷ თიში აკოანჯარაფილი ნძალეფიშ მანჯღვერთარი. 1865 წანას დემარცხჷ კონფედერაციული შტატეფქ, დეივისი ოჭოფეს, გითოჩამა ქეკადვეს დო ფორტ მონროს ქუდახუნეს. მარა ჟირი წანაშ უკულ გასამართებაშ უმუშო გადუდიშულეს. გადუდიშულებაშ უკულ, დეივისიქ შანულამი პოპულარობა მიპალუ ამერიკაშ ობჟათე შტატეფს დო გინირთჷ გერგეზო. თიში პოპულარობა მაეჩა ოშწანურაშახ იგინძარებუდჷ, მარა მერინაქ დეივისიშ მეხჷ, დითირჷ XXI ოშწანურაშე. თის, მუჭოთ დოლმახორალაშ დო რასიზმიშ მოხუჯეს ფშხირას აკრიტიკენა. ამერიკაშ მასშტაბით ეჭოფილქ იჸუ თიში ბრელი მონუმენტიქ.
ქოძირით თაშნეშე[რედაქტირაფა | წყუშ რედაქტირაფა]
ლიტერატურა[რედაქტირაფა | წყუშ რედაქტირაფა]
- Cooper, William J. Jr. (2008). Jefferson Davis and the Civil War Era. Louisiana State University Press.
- Eaton, Clement (1977). Jefferson Davis. Free Press.
- Hattaway, Herman; Beringer, Richard E. (2002). Jefferson Davis, Confederate President. University Press of Kansas.