ამერიკაშ კონფედერაციული შტატეფი
|
ამერიკაშ კონფედერაციული შტატეფი | |||||||||
| |||||||||
|---|---|---|---|---|---|---|---|---|---|
| |||||||||
| დევიზი ღორონთი, ჩქინი მათხილარი | |||||||||
| ჰიმნი ღორონთი, დოთხილე ობჟათე (ვაოფიციალური) დიქსი (პოპულარული, ვაოფიციალური) | |||||||||
.svg) აკშ 1862 წანას | |||||||||
| ნანანოღა | მონტგომერი (1861 წანაშ 29 მესიშახ) რიჩმონდი (1865 წანაშ 2-3 პირელიშახ) დანვილი (1865 წანაშ 10 პირელიშახ) | ||||||||
| ნინა | ინგლისური, ფრანგული, ამერიკაშ ინდიარეფიშ ნინეფი | ||||||||
| ფარაშ ართური | დოლარი | ||||||||
| მახორობა | 9,103,332 (1860-იანი წანეფი) 3,521,110 დოლმახორე | ||||||||
| დუდალაშ ფორმა | ზოხორინელი შტატეფიშ კონფედერაცია (1861-1862) ფედერალური საპრეზიდენტო კონსტიტუციური რესპუბლიკა (1862–1865) | ||||||||
| პრეზიდენტი | |||||||||
| - 1861-1865 | ჯეფერსონ დეივისი | ||||||||
| ვიცე პრეზიდენტი | |||||||||
| - 1861-1865 | ალექსანდრე სტივენსი | ||||||||
.svg)
ამერიკაშ კონფედერაციული შტატეფი, კონფედერაციული შტატეფი, კონფედერაცია, ობჟათე (ინგლ. Confederate States of America) — ააშ-იშ აკოდგინალუაშე გიშულირი შტატეფიშ კონფედერაცია, ნამუთ არსებენდჷ 1861 წანაშ 8 ფურთუთაშე 1865 წანაშ 9 მესიშახ. შტატეფი, ნამუეფქჷთ 1861 წანაშე გჷმაცხადეს სესეცია რდეს ობჟათე კაროლინა, მისისიპი, ფლორიდა, ალაბამა, ჯორჯია, ლუიზიანა, ტეხასი, ვირჯინია, არკანზასი, ტენესი დო ოორუე კაროლინა.
ამერიკაშ ობჟათე შტატეფიშ ეკონომიკა გერსხუდჷ დოლმახორალას. ჸათე შტატეფს უმოსო გოვითარაფილი რდჷ ოფუტეშ მეურნობა, გიშაკერზაფილო ბამბეშ წარმება. ბამბეშ პლანტაციეფს ობჟათარეფი დოლმახორეეფს ომუშებაფუანდეს. მუჟამსჷთ ამერიკაშ პრეზიდენტო გიშაგორილქ იჸუ აბრაამ ლინკოლნიქ, ნამუსჷთ ოკოდჷ გაუქვუკო დოლმახორალა, ობჟათე შტატეფქ მუნეფიშ ეკონომიკაშო თენა საფრთხეთ მირჩქინეს დო გინოჭყვიდეს ააშ-იშ აკოდგინალუაშე გიშულა.
კონფედერაციაქ ოფიციალურო გიჭყჷ 1861 წანაშ 8 ფურთუთას. დუდშე თინა დარსხუეს ობჟათე კაროლინაქ, მისისიპიქ, ფლორიდაქ, ალაბამაქ, ჯორჯიაქ, ლუიზიანაქ დო ტეხასიქ. უკულ კონფედერაციას მიაძინჷ შხვა შტატეფქ ხოლო. არსებობაშ ოთხი წანაშ გოძვენას კონფედერაცია იკათუანდჷ ვითაართი შტატის. მაკათური შტატეფქ მალას დარსხუეს კონფედერაციაშ თარობა, მიღეს კონსტიტუცია დო გეგმაცხადეს ოურდუმე მობილიზაცია. კონფედერაციაშ პრეზიდენტო გინირთჷ ჯეფერსონ დეივისიქ. ააშ-იშ ფედერალური თარობაქ კონფედერაცია ვალეგიტიმურო გეგმაცხადჷ.
ამერიკაშ ომენოღალე ლჷმაქ ოფიციალურო დიჭყჷ 1861 წანაშ 12 პირელს, მუჟამსჷთ კონფედერატეფქ გეჭოფეს ფორტ სამტერი. ლჷმაშ დუდშეიანი წანეფს კონფედერატეფქ მიოჭირინეს შანულამი გომორძგუეფს. მარა უკულ, ჭიეჭიეთ წჷმოძინეფქ ოორუე შტატეფიშა გინილჷ. 1865 წანაშ 9 პირელს, კონფედერატეფიშ მანჯღვერთარქ რობერტ ლიქ კაპიტულაცია გეგმაცხადჷ. ჸათე მოლინათ გეთუ ომენოღალე ლჷმაქ, ნამუსჷთ დოხოლაფირო 600,000 ადამიერქ დოღურჷ. 1865 წანაშ 5 მესის კონფედერაციაშ პრეზიდენტიქ დეივისიქ ოფიციალურო გეგმაცხადჷ კონფედერაციაშ დათებუ.
ლჷმაშ თებაშ უკულ, რეკონსტრუქციაშ ბორჯის, ობჟათე შტატეფქ აკეთეს ამერიკაშ კონსტიტუციაშ მავითოსუმა გჷნაძინაშ რატიფიკაცია, ნამუშ ნძალათ თინეფქ ოფიციალურო გაუქვეს დოლმახორალა.