დინორეშა გინულა

ჯორჯ მაინოტი

ვიკიპედიაშე
ჯორჯ რიჩარდს მაინოტი
ინგლ. George Richards Minot
დაბადებაშ თარიღი:

2 ქირსეთუთა, 1885

დაბადებაშ აბანი:

ბოსტონი, მასაჩუსეტსი, ააშ

ღურაშ თარიღი:

ფურთუთა 25, 1950 (64 წანერი)

ღურაშ აბანი:

ბრუკლაინი, მასაჩუსეტსი, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

მედიცინა

სამუშაშ აბანი :

ჯონ ჰოპკინზიშ მედიცინაშ სკოლა

ალმა-მატერი:

ჰარვარდიშ უნივერსიტეტი

ჩინებული რე მუჭოთ:

პერნიციოზური ანემიაშ კურნალობაშ მეთოდიშ დუმარსხუაფალი

ჯილდოეფი დო პრემიეფი:

კამერონიშ პრემია (1930)
ნობელიშ პრემია ფიზიოლოგიას დო მედიცინას (1934)

ჯორჯ რიჩარდს მაინოტი (ინგლ. George Richards Minot; დ. 2 ქირსეთუთა, 1885, ბოსტონი, მასაჩუსეტსი, ააშ — ღ. 25 ფურთუთა, 1950, ბრუკლაინი, მასაჩუსეტსი, ააშ) — ამერიკალი პათოფიზიოლოგი დო ჰემატოლოგი. პერნიციოზური ანემიაშ კურნალობაშ მეთოდიშ დორსხუაფაშ გეშა, გინოჩეს ნობელიშ პრემია ფიზიოლოგიაშ დო მედიცინაშ დარგის, 1934 წანას (ჯორჯ უიპლი დო უილიამ პარი მერფიწკჷმა ართო).

ბიოგრაფია დო პროფესიული კარიერა[რედაქტირაფა | წყუშ რედაქტირაფა]

ჯორჯ რიჩარდს მაინოტიქ დებადჷ 1885 წანაშ 2 ქირსეთუთას, ბოსტონს, მასაჩუსეტსის. გურაფულენდჷ ჰარვარდიშ კოლეჯის. ჰარვარდიშ მედიცინაშ სკოლას მიპალუ მედიცინაშ დოქტორიშ ხარისხი. 1913-1915 წანეფს მუშენდჷ უილიამ ჰენრი ჰაუელიშ ლაბორატორიას, ჯონ ჰოპკინზიშ მედიცინაშ სკოლას. თაქ თინა გურაფულენდჷ ზისხირიშ მათხითხარებელ ცილეფს. 1915 წანას ომუშებუშა გინორთჷ მასაჩუსეტსიშ ჰოსპიტალშა, სოდეთ დიჭყჷ ანემიაშ დოგურაფა. მაართა მოსოფელიშ ლჷმაშ ბორჯის რდჷ ქირურგი ამერიკაშ არმიას. 1917 წანაშე მაინოტი მუშენდჷ კოლის ჰანთინგტონიშ მემორიალურ ჰოსპიტალს, ბოსტონს, სოდეთ 1934 წანაშე რდჷ თარი ექიმი. მაინოტიქ ჰარვარდიშ უნივერსიტეტის გინირთჷ მედიცინაშ პროფესორო დო დიჭყჷ მუშობა ბოსტონ-სიტი-ჰოსპიტალიშ ლაბორატორიას, დირექტორო. 1930 წანას მაინოტის გინოჩეს კამერონიშ პრემია, უილიამ პარი მერფიწკჷმა ართო. 1934 წანას მიპალუ ნობელიშ პრემია (ჯორჯ უიპლი დო უილიამ პარი მერფიწკჷმა ართო). ჯორჯ მაინოტიქ დო კოლეგეფქ აკიმუშუეს ეფექტური მეთოდი პერნიციოზური ანემიაშ კურნალობაშო. პერნიციოზური ანემიაშ კურნალობა ვაარსებენდჷ. 1920 წანეფს ანემიას შხვადოშხვა მეთოდეფით დო მედიკამენტეფით კურნალენდეს, მარა ნამთინ კურნალობა ეფექტური ვარდჷ. ჯორჯ მაინოტიშო ჯორჯ უიპლიშ ადრეიან ექსპერიმენტეფ ინტერესუან რდჷ. ჯორჯ უიპლი ჯოღორეფშე ზისხერს გუტენდჷ დო თინეფს ანემიურო გინმაშკვანდჷ, უკულ შხვადოშხვა ოჭკომალეფს: ჭითა ხორცის, ჩხონჩხის ქოჩანდჷ დო უკულ ოკვირუდჷ ჯოღორეფს, გეუჯგუშებუდესო. ჯორჯ უიპლიქ ძირუ ნამდა ჩხონჩხიშ ჭკომუნდუნჷ თი ჯოღორეფ ხელათ იუჯგუშებუდეს. მაინოტიქ დო მერფიქ გინოჭყვიდეს ჩხონჩხიშ თერაპიაშ გიმორინაფა ადამიერეფშო. მაინოტიშ კოლეგეფ ექსპერიმენტის სკეპტიკურო უჯინედეს, მარა ექსპერიმენტიქ ქიმიშუ. მაინოტიქ დო მერფიქ აკურნალეს 45 პაციენტი, არძოშო კურნალობაქ ეფექტურქ იჸუ. უკულ შხვადოშხვა მენცარეფქ ქიდიგურეს ნამდა ჩხონჩხიშ თარი ინგრედიენტი რე ვიტამინი B12, ნამუსით უღუდჷ ეფექტურობა კურნალობაშ ბორჯის. უკულიან პერიოდეფს, პერნიციოზური ანემიაშ კურნალობა რდჷ B12-შ ინექციათ.

პერსონალური რინა[რედაქტირაფა | წყუშ რედაქტირაფა]

ჯორჯ მაინოტიშ ოსური რდჷ მარიან ლინზი (1890-1979). ჸუნდეს სუმი სკუა. 1921 წანას, 35 წანერ მაინოტის, შანქარიშ დიაბეტიქ ქაღოლჷ დო კურნალენდჷ შინელ ექიმ ელიოტ პროქტორ ჯოსლინიწკჷმა. ჸათე პერიოდის დიაბეტი ფატალურ ლახალა რდჷ, კურნალობაშ მეთოდეფ ვაარსებენდჷ დო ჯოსლინი მაინოტის აკურნალენდჷ დიეტათ, მაინოტის ხვალე 530 კალორიაშ მეღება შეულებუდჷ დღიურო. მაინოტი დიაბეტით ალბათ ართ წანაშა დოღურუდჷ, მარა 1920-იან წანეფს კანადარ მენცარეფქ ფრედერიკ გრანტ ბანტინგიქ დო ჩარლზ ჰერბერტ ბესტიქ დიჭყეს ინსულინიშ გიმორინაფა დიაბეტიშ კურნალობაშო. მაინოტი ინსულინით ცხოვრენდჷ, მარა 1947 წანაშე პარალიზებულქ იჸუ დო 1950 წანაშ 25 ფურთუთას დოღურჷ, ბრუკლაინს, მასაჩუსეტსის.

ლიტერატურა[რედაქტირაფა | წყუშ რედაქტირაფა]

  • Rackemann, F M (1956). The Inquisitive Physician: The Life and Times of George Richards Minot, A.B, M.D., D.Sc. Cambridge, MA: Harvard University Press.

რესურსეფი ინტერნეტის[რედაქტირაფა | წყუშ რედაქტირაფა]