ჯულიან შვინგერი
| ჯულიან სეიმურ შვინგერი | |
| ინგლ. Julian Seymour Schwinger | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
კვირკვე 16, 1994 (76 წანერი) |
| ღურაშ აბანი: |
ლოს-ანჯელესი, კალიფორნია, ააშ |
| მენოღალობა: | |
| ომენცარე სფერო: | |
| სამუშაშ აბანი : |
კალიფორნიაშ უნივერსიტეტი (ბერკლი) |
| ალმა-მატერი: | |
| ომენცარე ხემანჯღვერი: | |
| ჯოხოშინელი მოგურაფეეფი: |
რიჩარდ არნოუიტი |
| ჯილდოეფი დო პრემიეფი: |
ალბერტ აინშტაინიშ პრემია (1951) |
ჯულიან სეიმურ შვინგერი (ინგლ. Julian Seymour Schwinger; დ. 12 ფურთუთა, 1918, ნიუ-იორკი, ააშ — ღ. 16 კვირკვე, 1994, ლოს-ანჯელესი, კალიფორნია, ააშ) — ამერიკალი ფიზიკოსი, ნობელიშ პრემიაშ ლაურეატი ფიზიკას. უმოსო ხანდენდჷ კვანტურ ელექტროდინამიკას. შინელი რე პერტურბაციაშ თეორიათ დო კვანტურ ელექტროდინამიკაშ (კედ) რენორმალიზაციათ. მერჩქინელ რე XX ოშწანურაშ ართ-ართ უდიდაშ ფიზიკოსო.
ბიოგრაფია[რედაქტირაფა | წყუშ რედაქტირაფა]
ჯულიან სეიმურ შვინგერქ დებადჷ 1918 წანაშ 12 ფურთუთას, ნიუ-იორკის, ურიეფიშ, ბენჯამინ დო ბელ შვინგერეფიშ ფანიას. ჯულიანი გურაფულენდჷ ტაუნსენდ ჰარისიშ სკოლას დო უკულ ნიუ-იორკიშ სიტი-კოლეჯის. სიტი-კოლეჯიშე გინორთჷ კოლუმბიაშ უნივერსიტეტიშა სოდეთ მიპალუ ბაკალავრიშ ხარისხი. კოლუმბიაშ უნივერსიტეტის 21 წანერ ჯულიან შვინგერქ, 1939 წანას, თხილუ ოდოქტორე დისერტაცია ისიდორ ისააკ რაბიშ ხემანჯღვერობათ. გურაფაშ თებაშ უკულ მუშენდჷ კალიფორნიაშ უნივერსიტეტის (ბერკლი) დო პერდიუშ უნივერსიტეტის. მაჟირა მოსოფელიშ ლჷმაშ ბორჯის შვინგერი მუშენდჷ მასაჩუსეტსიშ ტექნოლოგიაშ ინსტიტუტიშ რადიაციულ ლაბორატორიას, სოდეთ დიდი თია მიშეღჷ რადარიშ გოვითარაფაშა. ლჷმაშ თებაშ უკულ, შვინქერქ ქიდიტუ პერდიუშ უნივერსიტეტი დო გინილჷ ჰარვარდიშ უნივერსიტეტიშა, სოდეთ მუშენდჷ 1945-1974 წანეფს. შვინგერიშ ხემანჯღვერობათ თხილეს 73 ოდოქტორე დისერტაცია. შვინგერიშ სტუდენტეფიშე ოთხიქ მიპალუ ნობელიშ პრემია (როი გლაუბერი, ბენ როი მოტელსონი, შელდონ ლი გლეშოუ, ვალტერ კონი). 1965 წანას შვინგერს კვანტურ ელექტროდინამიკაშ გოვითარაფაშ გეშა გინოჩეს ნობელიშ პრემია (რიჩარდ ფეინმანი დო სინიტირო ტომონაგაწკჷმა ართო). 1951 წანას შვინგერქ მიპალუ ალბერტ აინშტაინიშ პრემია დო 1964 წანას მენცარობაშ ერუანული მენდალი.
შვინგერი დო ფეინმანი[რედაქტირაფა | წყუშ რედაქტირაფა]
ჯულიან შვინგერო რო რიჩარდ ფეინმანი კოლეგეფ რდეს, ნობელიშ პრემია ხოლო ართო მიპალეს. შვინგერი დო ფეინმანი კვანტურ ელექტროდინამიკას დო კვანტურ თეორიას ჭიჭე შხვადოშხვანერო ორწყედეს. შვინგერს ვამოწონდჷ ფეინმანიშ შინელი დიაგრამეფი დო თის მუშ სტუდენტს ვაგურუანდჷ.
პერსონალური რინა[რედაქტირაფა | წყუშ რედაქტირაფა]
ჯულიან შვინგერიშ ოსური რდჷ კლერის კეროლი. ჯულიან შვინგერქ ღურუ პანკრეასიშ კიბოთ, 1994 წანაშ 16 კვირკვეს, ლოს-ანჯელესის. ნთხორილი რე მაუნტ-ობერნიშ სასაფლას, მასაჩუსეტსის.
გიშნაგორა პუბლიკაციეფი[რედაქტირაფა | წყუშ რედაქტირაფა]
- (1948) „On Quantum-Electrodynamics and the Magnetic Moment of the Electron“. Phys. Rev. 73 (4): ხს. 416–417. DOI:10.1103/PhysRev.73.416.
- (1948) „Quantum Electrodynamics. I. A Covariant Formulation“. Phys. Rev. 74 (10): ხს. 1439–1461. DOI:10.1103/PhysRev.74.1439.
- (1949) „Quantum Electrodynamics. II. Vacuum Polarization and Self-Energy“. Phys. Rev. 75 (4): ხს. 651–679. DOI:10.1103/PhysRev.75.651.
- (1949) „Quantum Electrodynamics. III. The Electromagnetic Properties of the Electron Radiative Corrections to Scattering“. Phys. Rev. 76 (6): ხს. 790–817. DOI:10.1103/PhysRev.76.790.
- Feshbach, H., Schwinger, J. and J. A. Harr. "Effect of Tensor Range in Nuclear Two-Body Problems", Computation Laboratory of Harvard University, United States Department of Energy (through predecessor agency the Atomic Energy Commission) (November 1949).
- (1951) „On Gauge Invariance and Vacuum Polarization“. Phys. Rev. 82 (5): ხს. 664–679. DOI:10.1103/PhysRev.82.664.
- Schwinger, J. "On Angular Momentum", Harvard University, Nuclear Development Associates, Inc., United States Department of Energy (through predecessor agency the Atomic Energy Commission) (January 26, 1952).
- Schwinger, J. "The Theory of Quantized Fields. II", Harvard University, United States Department of Energy (through predecessor agency the Atomic Energy Commission) (1951).
- Schwinger, J. "The Theory of Quantizied Fields. Part 3", Harvard University, United States Department of Energy (through predecessor agency the Atomic Energy Commission) (May 1953).
- Schwinger, J. Einstein's Legacy (1986). Scientific American Library. 2012 e-book
ლიტერატურა[რედაქტირაფა | წყუშ რედაქტირაფა]
- Mehra, Jagdish, and Milton, Kimball A. (2000) Climbing the Mountain: the scientific biography of Julian Schwinger. Oxford University Press.
- Ng, Y. Jack, ed. (1996) Julian Schwinger: The Physicist, the Teacher, and the Man. Singapore: World Scientific.
რესურსეფი ინტერნეტის[რედაქტირაფა | წყუშ რედაქტირაფა]
