როი გლაუბერი

როი გლაუბერი
	როი გლაუბერი
	ინგლ. Roy J. Glauber
	; როი გლაუბერი 2005 წანას
დაბადებაშ თარიღი:	1 ეკენია, 1925
დაბადებაშ აბანი:	ნიუ-იორკი, ააშ
ღურაშ თარიღი:	ქირსეთუთა 26, 2018 (93 წანერი)
ღურაშ აბანი:	ნიუტონი, მასაჩუსეტსი, ააშ
მენოღალობა:	ააშ
ომენცარე სფერო:	თეორიული ფიზიკა
სამუშაშ აბანი :	ჰარვარდიშ უნივერსიტეტი; ლოს-ალამოსიშ ერუანული ლაბორატორია
ალმა-მატერი:	ჰარვარდიშ უნივერსიტეტი
ომენცარე ხემანჯღვერი:	ჯულიან შვინგერი
ჯოხოშინელი მოგურაფეეფი:	ლეო კადანოვი; დენიელ ფრენკ უოლსი
ჯილდოეფი დო პრემიეფი:	ნობელიშ პრემია ფიზიკას (2005); ჰაინემანიშ პრემია (1996); ომაფე ჯარალუაშ მაკათური (1997); ალბერტ მაიკელსონიშ მენდალი (1985)

როი ჯეი გლაუბერი (ინგლ. Roy Jay Glauber; დ. 1 ეკენია, 1925, ნიუ-იორკი, ააშ — ღ. 26 გერგობათუთა, 2018, ნიუტონი, მასაჩუსეტსი, ააშ) — ამერიკალი ფიზიკოსი-თეორიტიკოსი, ოპტიკური კოჰერენტნოსტიშ კვანტური თეორიაშ გოვითარაფაშ გეშა გინოჩეს ნობელიშ პრემია ფიზიკაშ დარგის 2005 წანას.

ბიოგრაფია

როი გლაუბერი გურაფულენდჷ ფიზიკას ჰარვარდიშ უნივერსიტეტის. 18 წანერი რდუნ თეშ ოკათუდჷ მანჰეტენიშ პროექტის დო მუშენდჷ ლოს-ალამოსიშ ერუანულ ლაბორატორიას. ჸათაქ გლაუბერიშ მენცარული რკვიებეფი ორხველუდჷ ატომური ანჯარიშ კრიტიკული მასაშ კალკულაციას. ჟირ წანაშ უკულ გლაუბერიქ ჰარვარდიშ უნივერსიტეტიშა დირთჷ დო 1946 წანას მიპალუ ბაკალავრიშ ხარისხი. 1949 წანას თხილუ ოდოქტორე დისერტაცია. გურაფაშ თებაშ უკულ მუშენდჷ ჰარვარდიშ უნივერსიტეტის ფიზიკაშ პროფესორი დო არიზონაშ უნივერსიტეტის ოპტიკური მენცარობეფიშ პროფესორო. როი გლაუბერი რდჷ ნობელიშ პრემიაშ დო ჰაინემანიშ პრემიაშ ლაურეატი. 1985 წანას ფრანკლინიშ ინსტიტუტიქ გინოჩჷ ალბერტ მაიკელსონიშ მენდალი. 1985 წანას ამერიკაშ ოპტიკურ ჯარალუაქ გლაუბერს გინოჩჷ მაქს ბორნიშ პრემია. 1997 წანაშე გლაუბერი რდჷ ლონდონიშ ომაფე ჯარალუაშ მაკათური. როი გლაუბერიქ ღურუ 2018 წანაშ 26 ქირსეთუთას, მასაჩუსეტსიშ ნოღა ნიუტონს, 93 წანერქ. ნთხორილი რე კენსიკოშ სასაფლას, ნიუ-იორკიშ შტატის.