ალბერტ აინშტაინიშ პრემია
ალბერტ აინშტაინიშ პრემია (ინგლ. Albert Einstein Award) — პრემია, ნამუთ 1951 წანაშე 1979 წანაშახ გინმაჩამუდჷ თეორიული ფიზიკაშ დარგის მოხანდე გიშარჩქინელ მენცარეფს. პრემიას აფინანსენდჷ ლუის დო როზა სტრაუსეფიშ მემორიალური ფონდი. აინშტაინიშ პრემია იკათუანდჷ ორქოშ მენდალს დო ფინანსურ ჯილდოს 15,000 ამერიკული დოლარიშ მუდანობათ. ლაურეატეფს გიშმაგორუნდჷ პერსპექტიული რკვიებეფიშ ინსტიტუტიშ სპეციალური კომიტეტი (მაართა კომიტეტიშ მაკათურეფი რდეს: ალბერტ აინშტაინი, რობერტ ოპენჰაიმერი, ჯონ ფონ ნოიმანი დო ჰერმან ვაილი). გაზეთი ნიუ-იორკ ტაიმსიშ აზრით ალბერტ აინშტაინიშ პრემია არძაშე უმოსო პრესტიჟული ჯილდო რდჷ თეორიულ ფიზიკას, ამერიკას. ნამთინე ექსპერტიშ აზრით აინშტაინიშ პრემია ნობელიშ პრემიაშ ექვივალენტი რდჷ.
ლაურეატეფი
[რედაქტირაფა | წყუშ რედაქტირაფა]- 1951: კურტ გიოდელი დო ჯულიან შვინგერი
- 1954: რიჩარდ ფეინმანი
- 1958: ედვარდ ტელერი
- 1959: უილარდ ლიბი
- 1960: ლეო სილარდი
- 1961: ლუის ალვარესი
- 1965: ჯონ არჩიბალდ ვილერი
- 1967: მარშალ როზენბლუტი
- 1970: იუვალ ნეემანი
- 1972: იუჯინ ვიგნერი
- 1978: სტივენ ჰოუკინგი
- 1979: ტულიო რეჯე
ქოძირით თაშნეშე
[რედაქტირაფა | წყუშ რედაქტირაფა]რესურსეფი ინტერნეტის
[რედაქტირაფა | წყუშ რედაქტირაფა]- Information on the Albert Einstein Award from the Jewish-American Hall of Fame
- Information about and photos of the medal awarded to Kurt Godel on the website of the Institute for Advanced Study, last accessed 2020-04-18.