ჰამად იბნ ისა ალ-ჰალიფა

	ჰამად იბნ ისა ალ-ჰალიფა
	არაბ. حمد بن عيسى آل خليفة‎‎
	ბაჰრეინიშ მაფა
დუდალ. დაჭყაფუ:	6 მელახი, 1999
დუდალ. დათებუ:	ასეშა
წიმოხონი:	ისა იბნ სალმან ალ-ჰალიფა
მონძე:	სალმან იბნ ჰამად ბინ ისა ალ-ჰალიფა
დაბ. თარიღი:	28 ღურთუთა, 1950 (74 წანერი)
დაბ. აბანი:	რიფა, ობჟათე მუჰაფაზა, ბაჰრეინი
ალმასქუ:	საბიკა ბინთ იბრაჰიმი ; ხოლო 3 ალმასქუ
სქუალეფი:	ქომოლსქუალეფი: სალმანი, აბდალა, ჰალიფა, ნასერი, ხალიდი, ფესიალი დო სულთანი; ცირასქუალეფი: ნაჯლა, შეიჰა ნურა, შეიჰა მუნირა, შეიჰა ჰესა დო შეიჰა რიმა
დინასტია:	ალ-ჰალიფა
მუმა:	ისა იბნ სალმან ალ-ჰალიფა
ნანა:	შეიჰა საბიკა ბინთ იბრაჰიმ ალ-ჰალიფა
რელიგია:	ისლამი (სუნიტი)
გონათაფა:	ააშ-იშ არმიაშ ოგენშტაბე კოლეჯი ; The Leys Schoo

ჰამად იბნ ისა ალ-ჰალიფა (არაბ. حمد بن عيسى آل خليفة‎‎; დ. 28 ღურთუთა, 1950) — ბაჰრეინიშ ამირა 1999 წანაშე დო მაფა 2002 წანაშე.

მაფა ჰამად იბნ ისა ალ-ჰალიფაქ დებადჷ 1950 წანაშ 28 ღურთუთას რიფას, ბაჰრეინს. 1964 წანას, ოშქაშე სკოლაშ თებაშ უკული გჷმიცხადჷ ომაფე ხვისტაშ უშქაშე მონძეთ. უკული გურაფა გაგჷნძორჷ ლიშ სკოლას, კემბრიჯის. ოურდუმე გონათუას ეზიარჷ გოართოიანაფილი ომაფეს დო ააშ-ა. მაფას სუმი ალმასქუ ჸუნს.

მაფაშ მაართა ალმასქუ რე შეიჰა საბიკა ბინთ იბრაჰიმ ალ-ჰალიფა, ნამუშათ 1968 წანაშ 9 გჷმათუთას იგურგინჷ. მაფას ოთხი ქომოლსქუა დო ცირასქუა ჸუნს, თინეფს შქას ხვისტაშ ბონი მონძე სალმან იბნ ჰამადი, ნამუქჷთ 1969 წანას დებადჷ. მონარქიშ უკულაშ ქომოლსქუა ფეისალქ ავტოკატასტროფას დოღურჷ 2006 წანაშ 12 ღურთუთას ბაჰრეინს, ზალაქიშ გოხოლუას.

2002 წანაშე ამირას უღუ მაფაშ ტიტული. თინა ჩინებული რე მიარე დემოკრატიული რეფორმათ, სამანგათ, მაფაქ პოლიტიკური ამნისტია გჷმაცხად დო მიარე პოლიტპატიმარი გოუტუ, ოსურეფს ხონარიშ მეჩამაშ ნება მეჩჷ დო 2002 წანას მანჯჷ (დახე 20 წლიანი სვანჯიშ უკული) დემოკრატიული ოპარლამენტე გიშაგორუეფი. მონარქიშ გალენური პოლიტიკა პრობჟადალური რე, გიშაკერძაფილო არხო ურთიართობეფი უღუ ააშ დო გოართოიანაფილ ომაფეწკჷმა.

მაფა გჷშაკერძაფილ ინტერესის ირჩქინანს ქიანაშ კულტურული მონძალაშო დო სპორტიშო. 1978 წანას, მაფაშ ზოჯუათ, ისტორიული დოკუმენტაციაშ ცენტრიქ დირსხჷ, ნამუთ მაფაშ დოხორეს იდვალუაფჷ დო უშქაშეთ მონარქიშ გჷშაკერძაფილი ჩინორუათ ფუნქციონირენს. მონარქის მოწონს შარდენეფიშ მაჯინობა, ჩხომუა, ჩოგანბურთი დო კუჩხბურთი. თის გჷშაკერძაფილო ოინტერესჷ არაბული ცხენეფიშ დოჭყანაფა, თიქ თე ღანკიშო გაჭყჷ არაბული ცხენეფიშ ცხენსაბეკი, 1977 წანას. მუმალი მონარქის ბაღანობაშე ოინტერესუდჷ ავიაცია. 1975 წანაშე ქჷდიჭყჷ მუჭოთ თეორიული, თეშ პრაქტიკული მუჭუტუა ავიაციას დო ქჷდიგურუ ვერტფურინჯიშ მართუაშ მოხელობა დო ქიანაშ ოჰეერე ნძალეფს დუდი გუჭყჷ.

ლიტერატურა

გ. ჭანტურია, ს. ჭანტურია - მსოფლიოს მონარქები, თბ., 2008 წ.