ჰანს-ადამ II

ვიკიპედია-შე
Jump to navigation Jump to search
ჰანს-ადამ II
გერმ. Hans-Adam II
გერმ. Johannes Adam Ferdinand Alois Josef Maria Marko d’Aviano Pius von und zu Liechtenstein
Ιωάννης Αδάμ Β΄ του Λίχτενσταϊν.jpg
Staatswappen-Liechtensteins.svg
Standard of the Prince of Liechtenstein.svg ლიხტენშტაინიშ 15-ა მაფასქირი Coat of arms of Liechtenstein.svg
დუდალ. დაჭყაფუ: 1989 წანაშ 13 გერგობათუთა
დუდალ. დათებუ: ასეშა
წიმოხონი: მაფასქირი ფრანს-იოსებ II
მონძე:მაფასქირი ალოუსი
დაბ. თარიღი: 14 ფურთუთა, 1945 (1945-02-14) (75 წანერი)
დაბ. აბანი:ციურიხი, შვეიცარია
ალმასქუ:მარია კინსკი ფონ ვხინიტც დო ტეტაუ
სქუალეფი:ალოიზი, მაქსიმილიანი, კონსტანტინი, ტატიანა
ედომუშამი ჯოხო:იოჰანეს ადამ ფერდინანდ ალოიზ იოზეფ მარია მარკო დ’ავიანო პიუს ფონ უნდ ცუ ლიხტენშტაინ
დინასტია:ლიხტენშტაინეფი
მუმა:მაფასქირი ფრანს-იოსებ II
ნანა:პრინცესა ჯინა
რელიგია:კათოლიკე
გონათაფა:სანქტ-გალენიშ უნივერსიტეტი

პრინცი ჰანს-ადამ II — ლიხტენშტაინიშ მონარქი დო სახენწჷფოშ მადუდე 1989 წანაშე. მაფასქირქ 1945 წანაშ 14 ფურთუთას, ციურიხის დებადჷ. მუამუში, ლიხტენშტაინიშ მაფასქირი ფრანს-იოსებ II რდჷ, ნანა— პრინცესა ჯინა (ჯორჯიანა ვონ ვილჩექი). თინეფქ 1943 წანას დეგურგჷნეს დო ოთხი ქომოლსქუაქ დო ართი ცირასქუაქ შეძინეს, ღინეფს შქას, უნჩაში, ასეიანი მონარქი ჰანს-ადამი.

ჰანს-ადამი სახენწჷფოშ მადუდე რე 1989 წანაშე, 2003 წანაშ რეფერენდუმქ (მახორობაშ 2/3 ალარინათ) თის შანულამი ნძალაგოქუნელობა მეჩჷ. მაფასქირი ართ-ართი უდინდარაში მონარქი რე მოსოფელს. თიშ ღვენა 3,9 მილიარდ დოლარშე უმოსი რე. თიშ ოპალუეს რე LGT ბანკი (1920 წანას დირსხჷ), ხოლო ხელუანობაშ მინუშეფიშ შანულამი კოლექცია. მონარქი დუდიშულო რაგადანს გერმანულ, ფრანგულ, ინგლისურ დო იტალიურ ნინეფშა.

მაფასქირი მუში და დო ჯიმალეფწკჷმა ართო ირდუდჷ ვადუციშ ჯოხაზურგას. თიქ დაჭყაფური გონათუა ვადუცის მიღჷ დო სკაუტეფიშ ონინალეს ოკათუდჷ. 1956 წანას, მუამუშიშ მანგურო, გემშართჷსახენწჷფო „შოტენგიმნაზიაშა“, ვენას, უკული გურაფა გაგჷნძორჷ შვეიცარიას. მოგვიანაფათ მუშენდჷ ლონდონიშ ართ-ართ ბანკის. მიღჷ ეკონომიკური გონათუა სენტ გალენიშ უნივერსიტეტის. მაფასქირიშ ალმასქუ რე პრინცესა მარია აგლას ვონ ქინსკზე. ომაფე ჭკობას ოთხი სქუა ჸუნს, თინეფს შქას ხვისტაშ მონძე, პრინცი ალოუსი, ნამუქჷთ 1968 წანას დებადჷ.

ლიხტენშტაინიშ მაფასქირიშ დო თიშ ფანიაშ ოფიციალური რეზიდენცია ვადუცის რე ვადუციშ ჯიხაზურგას, ნამუთ ალპეფს იდვალუაფჷ. მართალი რე, ჯიხაზურგა ღილე ვა რე ფართო ჯარალუაშო, მარა ორენშე გიშნაველი, თინა იშენი მიარე ტურისტის მიკმინჭანს.

ლიტერატურა[რედაქტირაფა | წყუშ რედაქტირაფა]

  • გ. ჭანტურია, ს. ჭანტურია - მსოფლიოს მონარქები, თბ., 2008 წ.