ჰებერ კერტისი
| ჰებერ კერტისი | |
| ინგლ. Heber Doust Curtis | |
 კერტისი 1918 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ღურთუთა 9, 1942 (69 წანერი) |
| ღურაშ აბანი: |
ენ-არბორი, მიჩიგანი, ააშ |
| მენოღალობა: | |
| ომენცარე სფერო: | |
| სამუშაშ აბანი : |
ლიკიშ ობსერვატორია |
| ალმა-მატერი: | |
| ჯილდოეფი დო პრემიეფი: |
მენცარობეფიშ ერუანული აკადემიაშ მაკათური |
ჰებერ დაუსტ კერტისი (ინგლ. Heber Doust Curtis; დ. 27 მანგი, 1872, მასკიგონი, მიჩიგანი, ააშ — ღ. 9 ღურთუთა, 1942, ენ-არბორი, მიჩიგანი, ააშ) — ამერიკალი ასტრონომი. გიმირკვიუ ბჟაშ გეუკუმელაფა, ჸათეშ გეშათ რდჷ 11 მენცარული ექსპედიციაშ მაკათური. კერტისი თაშნეშე რდჷ ოქიანუშ გალაქტიკური სტრუქტურაშ პროპონენტი.
ბიოგრაფია
[რედაქტირაფა | წყუშ რედაქტირაფა]ჰებერ კერტისიქ დებადჷ 1872 წანაშ 27 მანგის. გურაფულენდჷ მიჩიგანიშ უნივერსიტეტის, უკულ გურაფა გაგინძორჷ ვირჯინიაშ უნივერსიტეტის, სოდეთ მიპალუ ომენცარე ხარისხი ასტრონომიას.
1902-1920 წანეფს კერტისი მუშენდჷ ლიკიშ ობსერვატორიას, სოდეთ ნირსეულეფს ირკვიენდჷ. 1905-1909 წანეფს რდჷ ლიკიშ ობსერვატორიაშ ჩილეშ სექციაშ დირექტორი. 1912 წანას კერტისიქ გიშაგორილქ იჸუ რჩქალი ოკიანეშ ასტრონომიული ჯარალუაშ პრეზიდენტო.
1920 წანას კერტისიქ გინირთჷ ალეგეინიშ ობსერვატორიაშ დირექტორო. ჸათე წანას კერტისი ოპონირენდჷ ჰარლოუ შეპლის. თენეფიშ მენცარული დებატი, ნამუსჷთ დიდი დებატის ხოლო უძახჷნა ორხველუდჷ ნირსეულეფს დო გალაქტიკეფს, ოქიანუშ ზომას დო სტრუქტურას. კერტისიშ აზრით ჩქინი გალაქტიკაშ გარდა ოქიანუს შხვა გალაქტიკეფი ხოლო არსებენდჷ.
1930 წანას კერტისიქ გიშაგორილქ იჸუ მიჩიგანიშ უნივერსიტეტიშ ობსერვატორიეფიშ დირექტორო, მარა დიდი დეპრესიაშ პერიოდის, ფინანსური პრობლემეფიშ გურშენ, რეფრაქტორული ტელესკოპიშ ეგაფაშ პროექტიქ ბოლოშა ვემიჸაონინუ.
ჰებერ კერტისი რდჷ ალბერტ აინშტაინიშ ფარდობითობაშ თეორიაშ ოპონენტი დო თის ხშირას აკრიტიკენდჷ.
კერტისიქ ღურუ 1942 წანაშ 9 ღურთუთას, 69 წანერქ.
ჰებერ კერტისიშ ჯოხონობაშ რე ტელესკოპი პორტეჯ-ლეიკიშ ობსერვატორიას. ტელესკოპი ასეიანი პერიოდიშო ოპერირებადი ვარე. თაშნეშე, კერტისიშ ჯოხონობაშ რე ართი კრატერი თუთას.