დინორეშა გინულა

AstraZeneca

ვიკიპედიაშე
AstraZeneca
ტიპი: გოხურგელი გამამინჯალაშ კომპანია
დირსხუ: პირელი 6, 1999; 25 წანაშ კინოხ (1999-04-06)
ორენი: კემბრიჯი, ინგლისი, გოართოიანაფილი ომაფე
დარგი: ფარმაცევტული
ბიოტექნოლოგიური
პროდუქცია: ფარმაცევტული პრუდუქტეფი
რთინა: 25,890 მლრდ. $ (2020)[1]
სუფთა მოგება: 3,144 მლრდ. $ (2020)
წორომოხანდე: 76 100 (2020)
სქუალაფირეფი: MedImmune
ვებ-ხასჷლა: astrazeneca.com

AstraZeneca plc — ბრიტანულ-შვედური[2][3][4] მულტინაციონალური ფარმაცევტული დო ბიოტექნოლოგიური კომპანია. შტაბ-ორენი იდვალუაფჷ კემბრიჯის (ინგლისი).[5] აწარმენს ოკურნე პროდუქტეფს, თიჯგურა შანულამი ლახარედშო, მუჭოთ რე ონკოლოგიური, გუე-ზისხირჯერღვეფიშ სისტემაშ, კუჭ-ჭჷშ, ინფექციური, ნევროლოგიური, რესპირატორული დო ანთებური.

კომპანიაქ 1999 წანას გიჭყჷ, შვედური Astra AB-შ დო ბრიტანული Zeneca Group-იშ (კინ თე კომპანია Imperial Chemical Industries-შე გეგშერთჷ 1993 წანას) ესვარუაშ შედეგო.[6][7] თეშ უკულკ, AstraZeneca მოსოფელიშ უშხუაში ფარმაცევტული კომპანიეფიშ რიცუშა გემშართჷ დო ანდა კორპორატიული მეკონი ქიჸიდჷ, თინეფს შქას: Cambridge Antibody Technology (2006 წანას), MedImmune (2007 წანას), Spirogen (2013 წანას) და Definiens (2014 წანას MedImmune-შე). თიში ორკვიალე დო გოვითარაფონი სამუშეფი აკოშაყარელი რე სუმი სტრატეგიულ ცენტრის: კემბრიჯის (ინგლისი), გეტებორგის (შვედეთი) დო მერილენდის (ააშ).[8]

AstraZeneca-შ თარი ლისტინგი ლონდონიშ ოფონდდ ბირჟას უღუ დო მიშმურს FTSE 100 ინდექსიშა. მაჟირახარისხამი ლისტინგეფი წჷმორინაფილი რე სტოკჰოლმიშ ოფონდე ბირჟას, NASDAQ-ის, მუმბაიშ დო ინდოეთიშ ერუანულ ოფონდე ბირჟეფს.

COVID-19წკჷმა ბურჯაფი

[რედაქტირაფა | წყუშ რედაქტირაფა]

კორონავირუსიშ პანდემიაშ დაჭყაფუშე (2020 წანაშ მელახის) კომპანიაქ გაცხადჷ, ნამჷ-და ინდივიდუალური თხილუაშ მეშქაშალათ, თინეფს შქას ეიოდვალარეფით მეხვარებუდჷ პანდემიაწკჷმა მანირზე ქიანეფწკჷმა.[9] პირელს გენერალურ დირექტორქ პასკალ სორიოქ ჯარალუას ოჩინებაფჷ, ნამჷ-და GlaxoSmithKlin-წკჷმა დო კემბრიჯიშ უნივერსიტეტწკჷმა ართო მუშენდჷ ახალი ლაბორატორიაშ გოჭყაფაშე, ნამუსჷთ დღაშე COVID-19-იშ 30 000 ტესტიშ წარმაფა შეალებედუ.[10] თაშნეშე გაცხადეს აკალაბრუტინიბიშ კლინიკური ცადებეფიშ გეგმეფიშ გეშა, ლახარეფიშ ოკურნალეთ თიში შილებუანი გჷმორინაფაშ ოფასებელო.[11]

2020 წანაშ მანგის, ალერგიაშ დო ინფექციური ლახარეფიშ ერუანულ ცენტრიქ (NIAID) დადასურჷ, ნამჷ-და 2020 წანაშ კვირკვეს დიჭყაფუდჷ ოქსფორდიშ უნივერსიტეტიშ დო AstraZeneca-შით აკომუშაფილი შილებუანი ვაქცინეფიშ ტესტირაფაშ მასუმა ეტაპი.[12] თინეფშე ართ-ართიქ, AZD1222-ქ, წუმოძინელო ქემიოჭირინჷ ცადებეფიშ მასუმა ფაზას.[13] 2020 წანაშ 23 გერგობათუთას, ოქსფორდიქ დო AstraZeneca-ქ ვაქცინაშ ცადებაშ წუმოძინაშ გეშა გაცხადეს; ცადებეფიშ შედეგეფიშ მეჯინათ, თიქ მაკათურეფიშ 70%-ის გეშახინტკჷ სიმპტომეფიშ გოვითარაფა.[14] მარკვიალეფიშ არზით, დოზაშ თირუაშ შვანს თე მაძირაფალქ 90%-შახ შილებე მიძინასჷნ.[15]

2021 წანა 19 ღურთუთას, ევროპაშ მედიკამენტეფიშ ოაგენტექ (EMA) 18 წანაშ ეშე ხანიშ ადამიერეფშო AZD1222-იშ გჷმორინაფაშ ნება გინოჩჷ.[16]

COVID-19-იშ აწმარენჯი ვაქცინეფშე საქართველოშა მაართათ ოქსფორდ–AstraZeneca-შ AZD1222 გემშეღეს. 43 200 დოზაქ ქვეყანაშა 13 მელახის გემშართჷ.[17]

რესურსეფი ინტერნეტის

[რედაქტირაფა | წყუშ რედაქტირაფა]

სქოლიო

[რედაქტირაფა | წყუშ რედაქტირაფა]
  1. ↑ Annual Report 2020 (ინგლისური). AstraZeneca. კითხირიშ თარიღი: 24 თებერვალი, 2021.
  2. ↑ AstraZeneca > GC Powerlist: Sweden Teams 2019 (ინგლისური). კითხირიშ თარიღი: 2020-12-30.
  3. ↑ UK "will be able to get out of this by the spring," minister says after regulator approves AstraZeneca vaccine (ინგლისური) (2020-12-30). კითხირიშ თარიღი: 2020-12-30.
  4. ↑ biopharma-reporter.com. AstraZeneca's COVID-19 vaccine gets the green light in the UK (ინგლისური). კითხირიშ თარიღი: 2020-12-30.
  5. ↑ Registered office and corporate headquarters (ინგლისური). AstraZeneca. კითხირიშ თარიღი: 27 თებერვალი, 2020.
  6. ↑ “Global 500 – Pharmaceuticals“, Fortune, 20 ივლისი, 2009. კითხირიშ თარიღი: 19 აგვისტო, 2010. (ინგლისური) დოარქივაფილი რე ორიგინალშე 23 აგვისტო, 2010-ს. 
  7. ↑ Key facts (ინგლისური). AstraZeneca. დოარქივაფილი რე ორიგინალშე 8 სექტემბერი, 2010-ს. კითხირიშ თარიღი: 1 სექტემბერი, 2010.
  8. ↑ Carroll, John. “UPDATED: AstraZeneca to ax 1,600, relocate thousands in global R&D reshuffle“, fiercebiotech.com, FierceBiotech, 18 მარტი, 2013. კითხირიშ თარიღი: 13 მარტი, 2020. (ინგლისური) 
  9. ↑ “Coronavirus: AstraZeneca donates nine million face masks and steps up Covid-19 drugs research“, 30 მარტი, 2020. კითხირიშ თარიღი: 28 აპრილი, 2020. (en) 
  10. ↑ “UK coronavirus testing capacity boosted by new AstraZeneca, GSK lab“, Reuters, 8 აპრილი, 2020. კითხირიშ თარიღი: 28 აპრილი, 2020. (en) 
  11. ↑ “Cambridge-based AstraZeneca to test one of its cancer medicines for Covid-19 patients | Anglia - ITV News“, Itv.com, 14 აპრილი, 2020. კითხირიშ თარიღი: 28 აპრილი, 2020. (en) 
  12. ↑ Coleman, Justine. “Final testing stage for potential coronavirus vaccine set to begin in July“, 10 ივნისი, 2020. კითხირიშ თარიღი: 11 ივნისი, 2020. (en) 
  13. ↑ O'Reilly, Peter (26 მაისი, 2020). „A Phase III study to investigate a vaccine against COVID-19“ (en). DOI:10.1186/ISRCTN89951424. ISRCTN89951424. 
  14. ↑ “Why AstraZeneca Covid-19 vaccine approval ‘good news for whole world’? UK minister answers“, Hindustan Times, 30 დეკემბერი, 2020. კითხირიშ თარიღი: 13 მარტი, 2021. (en) 
  15. ↑ Gallagher, James. “Covid-19: Oxford University vaccine is highly effective“, BBC News, 23 ნოემბერი, 2020. კითხირიშ თარიღი: 13 მარტი, 2021. (en) 
  16. ↑ “EMA recommends COVID-19 Vaccine AstraZeneca for authorisation in the EU Share“, სამკურნალო საშუალებათა ევროპული სააგენტო (EMA), 29 January 2021. კითხირიშ თარიღი: 13 მარტი, 2021. (en) 
  17. ↑ “AstraZeneca-ს ვაქცინა საქართველოშია“, On.ge, 13 მარტი, 2021. კითხირიშ თარიღი: 13 მარტი, 2021. (ka) 
გორილი რე "https://xmf.wikipedia.org/w/index.php?title=AstraZeneca&oldid=152988"-შე