აბაშაშ მუნიციპალიტეტი

აბაშაშ მუნიციპალიტეტი
შილა	გერბი

აბაშაშ მუნიციპალიტეტი
ქიანა	საქორთუო
რეგიონი	სამარგალო-ჟიმოლენი შონე
ადმინისტრაციული ცენტრი	აბაშა
მახორობა	22,341 კოჩი (2014)
ფართობი	322.5 კმ²
დეპუტატი პარლამენტის	დავით დარცმელიძე
ერუანობა	ქორთუეფი 99,63 % რუსეფი 0,23 % უკრაინალეფი 0,03 % ოსეფი 0,02 %^[1]
ვებ-ხასჷლა	www.abasha.ge Archived 2017-09-16 ვებ-ხასჷლას Wayback Machine.

აბაშაშ მუნიციპალიტეტი — ადმინისტრაციულ-ტერიტორიული მუნიციპალიტეტი სამარგალო-ჟიმოლენ შონეშ აკანს. მუნიციპალიტეტიშ ტერიტორია 1917 წანაშახ ქუთეშიშ გუბერნიაშ სანაკიშ მაზრაშა მიშმეშჷ, 1917-1930 წანეფს — სანაკიშ მაზრაშა, 1930 წანაშე ზოხო მუნიციპალიტეტი რე, 1963-1966 წანეფს მიშეშ რინელ გეგეჭკორიშ (თეჟამო მარტვილიშ) მუნიციპალიტეტშა.

ორთა[რედაქტირაფა | წყუშ რედაქტირაფა]

იდვალუაფუ კოლხეთიშ რზენს, ზუღაშ დონეშე 20-50 მ-შ სიმაღალას. ტერიტორიაშ ფართობი რე 322,5 კვ.კმ., თენეფშე ოფუტეშ მეურნობაშ დიხეფს უკინებუ 210 კვ.კმ. მუნიციპალიტეტიშ ტერიტორიას მეურს წყარმალუეფი რიონი, ცხენწყარი, აბაშა, ნოღელა.

გეოგრაფია[რედაქტირაფა | წყუშ რედაქტირაფა]

აბაშაშ მუნიციპალიტეტი იდვალუაფუ ბჟადალ საქორთუოს, კოლხეთიშ რზენს, 1930 წანაშ ადმინისტრაციულ-ტერიტორიული დორთუალაშ უკული რე ზოხო მუნიციპალიტეტი დო იდვალუაფუ სანძღოეფს: ოორუეშე ომძღჷ მარტვილიშ, ბჟაეიოლშე სამტრედიაშ, ობჟათეშე სამტრედიაშ დო ლანჩხუთიშ, ბჟადალშე სანაკიშ მუნიციპალიტეტი. ფართობი — 322,5 კმ2, ადმინისტრაციული ცენტრი — ნოღა აბაშა.

მუნიციპალიტეტის რე ლამე სუბტროპიკული ჰავა, ოშქარი წანმოწანური ტემპერატურა რე 14 ცელსიუსი, ღურთუთაშ (იანარიშ) ტემპერატურა — 4,9 ცელსიუსი, კვირკვეშ — 22,9 ცელსიუსი. ნოლექეფიშ წანმოწანური მუდანობა რე 1620 მმ, გაზარხულს უჩქჷ ულებუ ჸინუეფი. ზარხული მინშა გოლოფამი რე. ბორიეფი მუსონური რე, ფშხირი რე ფიონეფი დო ბრიზეფი.

ჰიდროგრაფიული რშვილით დიდარი რე მუნიციპალიტეტი. წყარმალეფს წყარალა ახასიათენს გაზარხულს, წყარიშ სიმორჩილე — ზოთონჯის. აბაშაშ ობჟათე-ბჟადალ ნორთის რე „სირიაჩქონიშ“ ონტყოლაშე.

ნერჩეფი უმოსო ალუვიურ-კარბონატული რე. რიონიშ კვარჩხანი ოპიჯეს ონტყოლაშეამი ნერჩეფი რე. მაფალუური ოფორუ კოლხური ტიპიშ რე.

ჯაშ ბუნეფშე ამხვადუნა:

ჭალეშ ჭყონი
ცჷ (თელა)
წიფური

ტყალეფს ხე ტურა, მელა, მუნჩქვი, კვინორი. ჭიჭე მუდანობათ რე ტყარი ღეჯი, სქვერი, ქილორი, ნამუეფიშ ოთხილარო რიონიშ პიჯის აკოქიმინელი რე „კაცობურის აღკვეთილი“.

ჯინჯი ლანდშაფტეფი რე:

რზენი-ხორგა, კოლხური მაფალუეფით, ალუვიური დო სუბტროპიკული ენწერი ნერჩეფით.
ჭალეეფი დოლო-ტყაშ ჩანარეფით დო ალუვიური ნერჩეფით.

მახორობა[რედაქტირაფა | წყუშ რედაქტირაფა]

აბაშაშ მუნიციპალიტეტის ოხორანს — 22,341 კოჩი; მეჭედალა — 69,3 კოჩი კვ.კმ-ს. მუნიციპალიტეტის 36 დოხორელი პუნქტი რე: 1 ნოღა აბაშა, 35 ოფუტე.

ეკონომიკა[რედაქტირაფა | წყუშ რედაქტირაფა]

ეკონომიკაშ მაჸონაფალი დარგი რე ოფუტეშ მეურნობა. მეჸუნა მეჩანარობას, მეორტვინობა-მებაღობას. ანდაწანამ კულტურეფიშე თარი რე ჩაი. მუნიციპალიტეტის რე ჭიჭე ოკიდანჯალე (სამშენებლო) დო ოსურსათე საწარმოეფი, ჩაიშ ფაბრიკა. მუნიციპალიტეტიშ ტერიტორიაზე მეურს ობჟათე კავკაციაშ რკინაშარაშ მაგისტრალი.