ინდოეთიშ ოკიანე
| დიხაუჩაშ ოკიანეეფი |
|---|
ინდოეთიშ ოკიანე სიდიდათ მასუმა წყარიშ აუზი რე მოსოფელს დო დიხაუჩაშ ჟიპიჯიშ დოხოლაფირო 20%-ის ფორუნს. ოორუეშე ოთანჯჷ ობჟათე აზიას (ინდოეთიშ სუბკონტინენტის); ბჟადალშე არაბეთიშ ჩქონს დო აფრიკას; ბჟაეიოლშე მორჩილ აზიაშ ჩქონს, ინდონეზიაშ კოკეფს დო ავსტრალიას; ობჟათეშე ობჟათეშ ოკიანეს. ატლანტიშ ოკიანეშე 20° ბჟაეიოლს მერიდიანი რთჷნს, ნამუთ აგულაშ კოდმეშე ობჟათეჸურე მეჯარჯუნს, დო ხოლო რჩქალ ოკიანეშე 147° ბჟაეიოლიშ მერიდიანი. ინდოეთიშ ოკიანეშ არძაშ უმოსი ოორუე ჭურჭული სპარსეთიშ ჸუჯის დოხოლაფირო 30° ოორუეშ განედის რე.
ინდოეთიშ ოკიანე დახე 10 000 კმ-რე სიგანას აფრიკაშ ობჟათე ჭურჭულს დო ავსტრალიაშ შქას; თიშ ფართობი რე 73 556 000 კმ², ჭითა ზუღაშ დო სპარსეთიშ ჸუჯიშ მეკოროცხილო. ოკიანეშ მოცულობა გჷმოკოროცხუათ 292,131,000 კმ³ ოკო რდას. კოკეფი უმოსო მუკე-მუკე დვალირ კონტინენტეფიშ გოხოლუას რე. ოკიანეშ კოკი-ქიანეფი რე: მადაგასკარი (მოსოფელიშ სიდიდათ მაანთხა კოკი), კომორიშ კოკეფი, სეიშელიშ კოკეფი, მალდივიშ კოკეფი, მავრიკი დო შრი-ლანკა. ინდონეზია ოკიანეს ოთანჯჷ. ოკიანეშ, მუჭოთ სატრანზიტო შარაშ ნიშულობაქ, ბრელი კონფლიქტიშ მაძირაფუქ იჸუ. თიშ სიდიდაშ გეშა ნამთინ ქიანას თე ოკიანეშა ართპიროვნულ კონტროლქ ვაქიმინუ მა-19 ოშწანურაშახ, მუ ბორჯისჷთ დიდი ბრიტანეთიქ გინირთჷ დახე ნთელი ოთანჯე დიხეფიშ მადუდექ დო განმგებელქ.
რესურსფი ინტერნეტის
[რედაქტირაფა | წყუშ რედაქტირაფა]- The Indian Ocean and the Superpowers. Routledge. 1986. ISBN 0-7099-4241-9, 9780709942412
- NOAA In-situ Ocean Data Viewer Archived 2011-12-24 ვებ-ხასჷლას Wayback Machine.
- The Indian Ocean in World History: Educational Website, Interactive resource from the Sultan Qaboos Cultural Center
- The Regional Tuna Tagging Project-Indian Ocean with details of the importance of Tuna in the Indian Ocean.. Archived 2017-09-11 ვებ-ხასჷლას Wayback Machine.
- Detailed maps of the Indian Ocean Archived 2011-11-12 ვებ-ხასჷლას Wayback Machine.
- The Indian Ocean Trade: A Classroom Simulation Archived 2011-09-25 ვებ-ხასჷლას Wayback Machine.