როდ-აილენდი

როდ-აილენდი (Rhode Island, Ri) (ედომუშამი ჯოხო: როდ-აილენდიშ შტატი) — შტატი ააშ-ს, გეოგრაფიულო არძაშე ჭიჭე შტატი რე დო იდვალუაფუ ახალი ინგლისიშ რეგიონს. როდ-აილენდი 1636 წანას დარსხუ როჯერ უილიამსიქ, ნამჷთ გინახორეს მასაჩუსეტსიშე რელიგიური უმურაგადუობაშ გეშა; 1790 წანაშე ააშ-იშ შტატი რე.

ჯოხოდვალა როდ-აილენდი ორხველჷ ნარაგანსეტიშ ლუბას უდიდაშ კოკის, ხოლო ჩინებულს, მუჭოთ აქიდნეკიშ კოკის, ნამჷსჷთ ნოღა ნიუპორტი იდვალუაფუ. ჯოხოდვალაშ გორჩქინა უგურკვიებუ რე. კანკალე ისტორიკოსიშ ჩინებათ იტალიარი მეშარექ ჯიოვანი და ვერაძანოქ კოკიშ მეგორაფას თის როუდ აილენდი გიოდჷ თიში საბერძნეთიშ კოკი როდოსწკჷმა მოგეობაშ გეშა. შხვა ისტორიკოსეფს ჯერა, ნამდა კოკიშ ჯოხოდვალა მოურს ჰოლანდიარი მეშარეშ ადრიენ ბლოკიშ გეშა გედვალირი ჯოხოდვალაშე Roodt Eylandt, მუთ ჰოლანდიურო „ჭითა კოკის“ შანენს, თიშენ ნამდა კოკიშ წყარპიჯიშ ჭითა ჭუბერიშ ქანეფიშ გეშა.

თიშ უმიკუჯინუო, ნამდა შტატიშ ჯინჯიერი ნორთი კონტინენტის იდვალუაფუნ, თიში ჯოხოდვალაშე გიშმალე ბრელს ჩილათათ მიოჩქ, ნამდა ედომუშამი შტატი კოკის იდვალუაფუ.

ფართობი – 3,140 კვ.კმ.; სიდიდათ 50-ა ამერიკაშ შტატეფს შქას; მაქსიმალური სიგანე 60 კმ, მაქსიმალური სიგირძა 77 კმ.; წყარიშ თია ფართოფს 13.9%.
მახორობა – 2011 წანაშ მეჯინათ 1,051,302 (ჩეკანამი 91,4 %, აფროამერიკალი 3,9 %, ლათინოამერიკალი 4,6 %); მახორობაშ მუდანობაშ მეჯინათ 43-ა შტატი; მეჭადალათ 388 ადამიერი კვ. კილომეტრის, მეჭადალაშ მეჯინათ მაჟირა შტატი.
ნოღაშ მახორობა - 87 %.
ნოღეფი – პროვიდენსი (ნანანოღა), 153 ვითოში, უორვიკი, 84 ვითოში, კრენსტონი, 74 ვითოში.
ოფიციალური ხასჷლა – [1]

რესურსეფი ინტერნეტის

State of Rhode Island government website
Rhode Island State Databases Archived 2008-05-15 ვებ-ხასჷლას Wayback Machine.
Energy & Environmental Data for Rhode Island
U.S. Census Bureau Archived 2010-10-15 ვებ-ხასჷლას Wayback Machine.
Rhode Island laws
Scituate Art Festival
Rhode Island State Facts Archived 2013-02-27 ვებ-ხასჷლას Wayback Machine.