ნევადა

ვიკიპედია-შე
გეგნორთი: ნავიგაცია, გორუა
ნევადაშ შტატი
ქიანაშ შილა ქიანაშ გერბი
შილა გერბი
მეტჯოხო: ვარჩხილიშ შტატი (ოფიციალური);
ლჷმას დუნაბადი შტატი
დევიზი: იფრელი ჩქინ ქიანაშო
შტატო გჷნორთაშახ ჩინებული მუჭოთ
ნევადაშ ტერიტორია
ამერიკაშ აკოართაფილი შტატეფიშ რუკა ნევადა
ოფიციალური ნინა დე-იურე: ვაუღუნა
დე-ფაქტო: ინგლისური
ნანანოღა კარსონ-სიტი
უდიდაში ნოღა ლას-ვეგასი
უდიდაში აგლომერაცია ლას-ვეგასიშ აგლომერაცია
ფართობი  7-ა ააშ-ს
 • საართო 286,367 კმ²
 • სიგანა 519 კმ
 • სიგჷრძა 788 კმ
 • წყარი % 1,971
 • განედი 35° ოორ to 42° ოორ
 • გრძედი 114° 2′ ბჟად to 120° ბჟად
მახორობა  35-ა ააშ-ს
 • მახორობა გვალო 2,700,551 (2010 წ)
 • მეჭედალა 9.02 ადმ/კმ² 42-ა
სიმაღალა  
 • უმაღალაში ჭურჭული ხურგაში პიკი ან
უილერიშ პიკი
3,982 მეტრი
 • ოშქაშე სიმაღალა 1,676 მეტრი
 • უდაბალაში ჭურჭული წყარმალუ კოლორადო
146 მეტრი
შტატო გჷნორთაშ თარიღი  31 გიმათუთა, 1864 36-ა
გუბერნატორი ბრაიან სანდოვალი ()
ლეიტენანტ-გუბერნატორი ბრაიან კროლიცკი ()
კანონმადვალუ ხეშუულება
 • ჟილენი პალატა
 • გიმენი პალატა
ააშ-იშ სენატორეფი ჰარი რეიდი ()
დინ ჰელერი ()
კონგრესიშ დელეგატეფი დელეგატეფი
ბორჯიშ ორტყაფუ UTC-8/-7
აბრევიტურა NV

ნევადა (ინგლ. Nevada /nəˈvædə/) — შტატი ააშ-იშ ბჟადალ ნორთის. თიში ფართობი 286,350 კმ² რე, მახორობა დოხოლაფათ 2.7 მილიონი კოჩი. ათე მაძირაფალით თინა სიდიდათ მაშკვითა დო მახორობათ 35-ა შტატი რე ააშ-ს. ედომუშამი მახორობაშ დოხოლაფათ 2/3 ოხორანს ლას-ვეგასიშ აგლომერაციას,[1] ნამჷთ აკმოდირთუ სუმი დიდი ნოღაშე.[2]. ნევადაშ შტატიშ ნანანოღა რე კარსონ-სიტი.

ნევადა ჯინჯიერო წჷმორინაფილი რე ტიოზეფით დო სემიარიდული ტერიტორიეფით, ნამჷეფით ჯინჯიერი ნორთი მორთილი რე დიდი ღანჩოშ ხურგეფს. დიდი ღანჩოშ ობჟათეშე რინელი რაიონეფი, იდვალუაფუ მოჰავეშ ტიოზიშ ტერიტორიას. შტატიშ დიხეფიშ 86% ააშ-იშ თარობაშ დორხველობას რე შხვადოშხვა იურისდიქციაშ გიმე, მუჭოთ ოურდუმე, თეში ომენოღალე.[3]

ჯოხოდვალა ნევადა მოურს თიშ ხოლოს დვალირი სიერა-ნევადაშ გვალეფიშე, მუთ ესპანურო გეთილი გვალეფს შანენს. ევროპელეფწკჷმა კონტაქტიშა ამდღანერი შტატიშ ტერიტორიას ოხორანდეს ამერიკაშ კვიდრი მახორობა პაიუტეფიიშ, შოშონეფიშ, დო უოშოშ თურეფი.[4] დუდშე ტერიტორია ესპანეთიშ დორხველობას რდჷ დო მიშეშჷ ალტა-კალიფორნიაშ აკოდგინალუაშა, მექსიკაშ დუდიშალაშო ლჷმასშ უკული თიქ მექსიკაშ დორხველობაშა გინორთჷ. 1848 წანაშ ამერიკა-მექსიკაშ ლჷმაშ უკული ტერიტორიაქ ააშ-იშ მაღვენჯალაშა გინორთჷ დო 1850 წანას იუტაშ ტერიტორიაშ ნორთიქ იჸუ. 1859 წანას კომსტოკ-ლოდის ვარჩხილიშ მეგორუაშ უკული ათე აკანაფს დჭყჷ მახორობაშ მალი ტემპეფით ძინაქ, მუქჷთ ხე უნწყუ 1861 წანას ნევადაშ ტერიტორიაშ დორსხუაფას იუტაშ ტერიტორიაშ ბჟადალ ნორთის. 1864 წანაში 31 გიმათუთას ნევადაქ იჸუ ააშ-იშ წკარით 36-ა შტატიქ.[5]

აზრტული ლაჸაფეფიშ ლეგალიზაფაქ, დიარაშ დო დათხიაშ პროცედურაშ სიეფექ ნევადა XX ოშწანურაშ თარი ტურისტულ ცენტრო გინაშქჷ.[6][7] ტურიზმიშ ინდუსტრია შტატიშ მიშნაველიშ თარი წყუ რე.[8] ნევადაშ შტატი მოსოფელს ორქოშ მაწარმებელეფს შქას მაანთხა აბანს რე.[9]

ნევადას ოფიციალურო „ვარჩხილიშ შტატის“ უძახჷნა თიშ ისტორიას დო ეკონომიკას ვარჩხილიშ დიდი შანულობაშ გეშა. თინა ხოლო ჩინებული რე მუჭოთ „ლჷმას დუნაბადი შტატი“, თიშენ ნამჷდა თიქ დუდიშალა ომენოღალე ლჷმაშ პერიოდის მიპალუ დო „აბზინდიშ შტატი“ სიმბოლური ჩანარიშ გეშა.

ნევადა ააშ-იშ უდიდაში კილერი ტერიტორიაშ მაღვენჯი შტატი რე, ნამჷსჷთ ვაპალუ ოსქირონე ხურგა კანადაწკჷმა დო მექსიკაწკჷმა.

სქოლიო[რედაქტირაფა | წყუშ რედაქტირაფა]

  1. Table 2. Annual Estimates of the Population of Combined Statistical Areas: April 1, 2000 to July 1, 2009 (CBSA-EST2009-02) (CSV). 2009 Population Estimates. United States Census Bureau, Population Division (2010-03-23). კითხირიშ თარიღი: 2010-04-19.
  2. http://www.census.gov/popest/cities/tables/SUB-EST2009-04-32.csv
  3. Federal Land Acres in Nevada. US Dept. of the Interior, Bureau of Land Management. დოარქივაფილი რე ორიგინალშე 2006-09-30-ს. კითხირიშ თარიღი: 2009-05-07.
  4. "Early Native Americans", "nevada-history.org", accessed Dec 27, 2010
  5. Rocha, Guy "Myth #12 – Why Did Nevada Become a State?", "Nevada State Library and Archives", accessed Jan 9, 2011
  6. Bible, Bill "Protect Gaming's Legacy", "Las Vegas Sun", August 11, 2000, accessed Jan 9, 2011
  7. Jain, Priya "Betty Goes Reno", "Slate", July 21, 2010, accessed January 9, 2011
  8. "Nevada Employment & Unemployment Estimates for November 2010", "Nevada Department of Employment, Training, and Rehabilitation"
  9. "Frequently Asked Questions", Nevada Mining Association, accessed January 7, 2011

რესურსეფი ინტერნეტის[რედაქტირაფა | წყუშ რედაქტირაფა]