ფედერალური ოლქი

ვიკიპედიაშე

ფედერალური ოლქიფედერაციაშ ადმინისტრაციული დორთუალაშ ართ-ართი ტიპი რე, ნამუთ ითოლიშწორენს ფედერალური თარობაშ ბონი კონტროლიშ გიმე რინას. ფედერალური ოლქეფი შხირას იკათუანა ონანანოღე ოლქეფს, ნამუთ არსებენა შტატის დო მოსოფელიშ არძა ფედერალური მონწყუალაშ ქიანას.

ააშ[რედაქტირაფა | წყუშ რედაქტირაფა]

ააშ-შ ფედერალური თარობაშ ორენი რე ქიანაშ ნანანოღა ვაშინგტონი, ნამუთ ფედერალური ოლქი რე ჯოხოთ "კოლუმბიაშ ოლქი“, ნამუთ ააშ-შ ნამთინ შტატიშ ტერიტორიულ აკოდგინალუაშა ვემიშმურს. შხვა ფედერალურო მართუაფონი რაიონეფი, ნამუთ შტატეფიშ აკოდგინალუაშა მიშმულან, მარა თინეფიშ იურისდიქციაშით ვემართუნან ფედერალური ანკლავეფი ჯოხონა.

ლათინური ამერიკა[რედაქტირაფა | წყუშ რედაქტირაფა]

ტერმინი Distrito Federal, შანენს "ფედერალური ოლქის" ჟირხოლო პორტუგალიურ დო ესპანურ ნინეფს, გჷმირინუაფუ გეჸვენჯი შანულობათ:

აზია[რედაქტირაფა | წყუშ რედაქტირაფა]

მალაიზიას, ტერმინი ფედერალური ტერიტორია (მალაიური: Wilayah Persekutuan) გჷმირინუაფუ ფედერალურ თარობაშე ბონო მართუაფონი სუმი ტერიტორიაშოთ, კერზოთ კუალა-ლუმპური (ერუანული ნანანოღა), პუტრაჯაია (ფედერალური თარობაშ ადმინისტრაციული ცენტრი) დო ლაბუანი (ოერეფოშქაშე ოფშორული ფინანსური ცენტრი).

ინდოეთის, ტერმინი მორსხუე ტერიტორია გჷმირინუაფუ ფედერალურ ერუანულ თარობაშე ბონი კონტროლიშ გიმე მარენჯი შკვითი ტერიტორიაშო, მუნეფიშ თარ მინისტრეფით დო გუბერნატორეფით. თე შკვითი მორსხუე ტერიტორია რე — ანდამანიშ დო ნიკობარიშ კოკეფი, ჩანდიგარჰი, დადრა დო ნაგარ-ჰაველი, დამანი დო დიუ, დელი, ლაქშადვიპი დო პუდუჩერი. თაჸურეშე დელის დო პუდუჩერს ნორთობურო სახენწჷფობური ნება უღუნა მუნეფიშ დორხველური გიშნაგორა თარი მინისტრეფით.

პაკისტანს, ტერმინი ფედერალური ტერიტორია გჷმირინუაფუ სახენწჷფო თარობაშე ბონო კონტროლირაფონი ხუთი ზონაშო დო 12 ისლამაბადიშ მორსხუე სხუნუეფშოთ მუჭოთ ისლამაბადიშ ონანანოღე ტერიტორიან თეშ.

ავსტრალია[რედაქტირაფა | წყუშ რედაქტირაფა]

ავსტარლიაშ ონანანოღე ტერიტორია ინორე შტატი ახალი ობჟათე უელსის. თიშ აკა ნოღა ქანბერა, ავსტრალიაშ ნანანოღა რე.

რუსეთი[რედაქტირაფა | წყუშ რედაქტირაფა]

რუსეთის, ჩხორო ფედერალური ოლქი რე, ნამუთ ფუნქციონირენა მუჭოთ გეძინაფონი ადმინისტრაციული ფა შხვა გიმენგჷნართეფს დო რუსეთიშ ფედერაციაშ შქას მუჭოთ ედომუშამი სახენწჷფო. მარა თინეფს მუთუნი საართო ვაუღუნა თი ტერიტორიეფწკჷმა, ნამუეფით იდვალუაფჷნა ნანანოღაშ გოხოლუას. თეწკჷმა ართო, არსებენს ფედერალური შანულობაშ ფედერალური ნოღეფი, ნამუთ კონსტიტუციათ რე დოდგინელი — მოსკოვი დო სანქტ-პეტერბურგი. ირ ნოღა ითოლიშწორებუ მუჭოთ ფედერაციაშ ზოხო სუბიექტი, ნამუსჷთ თაშნეშე მუნეფიშ დორხველური კანონამდვალუ ორგანოეფი ჸუნა.

თაშნეშე ქოძირით[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]