ტიტანიკი (ფილმი)

ტიტანიკი (ფილმი)
ფაილი:Titanic ver2.jpg
ჟანრი:	ისტორიულ-რომანტიკული დრამა
რეჟისორი:	ჯეიმზ კამერონი
პროდიუსერი:	ჯეიმზ კამერონი, ჯონ ლანდაუ, რეი სანჩინი
სცენარიშ ავტორი:	ჯეიმზ კამერონი
თარ როლეფს:	ლეონარდო დიკაპრიო კეიტ უინსლეტი ბილი ზეინი კეთი ბეიტსი ფრენსის ფიშერი გლორია სტიუარტი ბერნარდ ჰილი ვიქტორ გერბერი დენი ნუჩი ბილ პექსტონი
კომპოზიტორი:	ჯეიმზ ჰორნერი
მონტაჟი:	ჯეიმზ კამერონი, კონრად ბეფ IV, რიჩარდ ჰარისი
კინოსტუდია:	20th Century Fox
გჷშულაშ თარიღი:	19 ქირსეთუთა 1997
ხანგჷნძარალა:	194 წნ
ქიანა	ააშ
ნინა:	ინგლისური
მუშნალი:	$ 1,843,201,268
IMDb პროფილი

ტიტანიკი — 1997 წანაშ ამერიკული ფილმი, ნამუშ რეჟისორი რე ჯეიმზ კამერონი. ფილმის წუმორინელი რე ამაჸონეფერი ისტორია ჭკუდი ტიტანიკიშ მეშარეეფიშ, ჯეკ დოუსონიშ დო როუზ დევიტ ბიუკეიტერიშ გეშა, ნამუეფიშ როლეფს არსულენა ლეონარდო დიკაპრიო დო კეიტ უინსლეტი. 2012 წანას ეკრანეფს გიშართჷ ფილმიშ 3-D ვერსიაქ.

გინოღალა

უმკუჯინუო თიში, ნამდა ჯინჯიერი სიუჟეტური ღოზი გუმოგონაფირი რე, ფილმიშ პერსონაჟეფიშ ნორთი ეპონილი რე რეალური პიჯეფიშ მეჯინათ, კამერონიშ მეჯინათ, ტიტანიკიშ ტრაგედიაშ ფონს ჸოროფაშ ისტორია უმოსო მიკმაჟოფალი იჸიდჷ მაჯინეეფშო.

ფილმიშ გინოღალა 1995 წანას დიჭყჷ, მუჟამსჷთ კამერონქ გინიღჷ რეალური ტიტანიკიშ წყარსგიმეიანი ნოსქილადუეფი. ასეიანი სცენეფი გინიღესჷ ჭკუდის ’მსტისლავ კელდის’. ტიტანიკიშ რეკონსტრუქციაქ მოხვადჷ კალიფორნიულ სტუდიას, მუსჷთ გიაძინჷ უკული გინოღალირი მოდელეფი დო კომპიუტერული ეფექტეფით. ფილმიქ მოწოკო დეფინანსჷ კომპანიეფიშ Paramount Pictures დო 20th Century Foxშე. მუში ბორჯიშო ’ტიტანიკი’ იკოროცხუდჷ არძა ბორჯიშ მაღალბიუჯეტამი ფილმო - თიში გინოღალაქ აკანო 200 მილიონი ააშ დოლარქ ქუდოდოხოდჷ. ფილმიშ პრემიერა ულამუდესჷ 1997 წანაშ 2 კვირკვეს, მორო გეძინელი სამუშეფიშ ღოლამაშ გეშა გინიდჷ 19 ქირსეთუთაშო.

ფასება

კრიტიკოსეფქ თისი მაღალი ფასება მეჩესჷ. ამაყონებერი წუმოძინაქ ხვადჷ თისი კომერციულო. ამერიკაშ კინოინსტიტუტიშო ტიტანიკი იკოროცხუ არძა ბორჯიშ წკარით მაამშვა საუჯგუშო ეპიკურ ფილმო. თიქი გინირთჷ არძა ბორჯიშ არძაშე მიშმალუამ ფილმო - მიშულირი ფარა 1.8 მილიარდ ააშ დოლარს ოძინუდჷ. 12 წანაშ გოძვენას თინა სქიდუდ რეკორდსმენო კამერონიშ უკულიან ნახანდა ავატარშა (2009), ნამუშ მიშმალუ, მუში განშე, წოხოლენიშ ციფრეფს ოძინუდჷ.

ჯილდოეფი

ტიტანიკი წუმორინელი რდჷ ამერიკაშ კინოაკადემიაშ ჯილდოს - გვალო 14 ნომინაციას, სოჸურეშეთ 11 ჯილდოქ მიაჩჷ. ათენა რდჷ 1959 წანას ფილმ „ბენ-ჰურიშ“ დოდვალირი რეკორდიშ გომაჟირაფა.

ოსკარი

• საუჯგუშო ფილმი
• საუჯგუშო რეჟისორი: ჯეიმზ კამერონი
• საუჯგუშო ოპერატურა
• საუჯგუშო კოსტუმეფიშ დიზაინი
• საუჯგუშო ხანტურული გაფორმება
• საუჯგუშო მონტაჟი
• საუჯგუშო მუსიკა: ჯეიმზ ჰორნერი
• საუჯგუშო ბირა: ჯეიმზ ჰორნერი

ორქოშ გლობუსი

• საუჯგუშო საუნდტრეკი: ჯეიმზ ჰორნერი
• საუჯგუშო ბირა: ჯეიმზ ჰორნერი

რესურსეფი ინტერნეტის

• შეგილებუნა ქოძირათ მედიაფაილეფი თემაშე „ტიტანიკი (ფილმი)“ ვიკიოწკარუეს.
• ოფიციალური საიტი