კეიტ უინსლეტი

ვიკიპედია-შე
გეგნორთი: ნავიგაცია, გორუა
კეიტ უინსლეტი
Kate Winslet March 18, 2014 (headshot).jpg
დაბადებაშ ჯოხო კეიტ ელიზაბეთ უინსლეტი
დაბადებაშ აბანი რედინგი, დიდი ბრიტანეთი
დებადჷ 5 გჷმათუთა, 1975 (1975-10-05) (ხანი 42)
საქვარუა არტისტი
აკოქიმინჯალაშ წანეფი 1991–ასეშა
ალმასქუ(ეფი) ჯიმ თრიპლტონი (1998–2001)
სემ მენდესი (2003–2010)
აკადემიაშ ჯილდოეფი
ოსკარი
ორქოშ გლობუსიშ ჯილდოეფი
ორქოშ გლობუსი
BAFTA ჯილდოეფი
BAFTA

კეიტ ელიზაბეთ უინსლეტი (ინგლ. Kate Elizabeth Winslet; დ. 5 გიმათუთა 1975) — ბრიტანეთიშ იმპერიაშ ორდენიშ მაღვენჯი ინგლისარი არტისტი. შხვადოშხვა ბორჯის 6-შა რდჷ ნომინირაფილი ოსკარიშ პრემიას. გიმორძგჷ ხვალე ართშა ნომინაციას საუჯგუშო არტისტი ოსურიშ რსულებური როლიშო ფილმის „მაკითხერი“. დოჯილდაფირი რე კინოარტისტეფიშ გილდიაშ, ბრიტანული კინოაკადემიაშ, ჰოლივუდიშ გალენ ქიანაშ პრესაშ ასოციაციაშ პრემიეფით; ხოლო 2-შა რდჷ ნომინირაფილი ემიშ პრემიას დო 3-შა ორქოშ გლობუსის.

კარიერა დიჭყჷ 1991 წანას ართ-ართ ბრიტანულ ტელესერიალს. კინოდებიუტიქ აჸუ 1994 წანას ფილმის „ცალური სქილედეფი“, მუშ უკულით კინოკრიტიკოსეფქ უინსლეტიშ მოქიმინჯალა დადებითო აფასეს. უკული რდჷ ფილმეფი „გინაფა დო გონება“ დო „ტიტანიკი“. ათე ეკონიაქ იჸუ უინსლეტიშ კარიერას არძაშე ხვემიშმალუანი კინოთ.

2000 წანაშე მოჸუნელი უინსლეტიშ კინომოქიმინჯალას კინოკრიტიკოსეფი მაღალ ფასებას არზენა. ათე პერიოდის ოშინალი რე რსულებური როლეფი ფილმეფს: „მარკიზ დე სადიშ კალამი“ (2000), „აირისი“ (2001), „ერებამი გონებაშ ირიათოიანი სინთელუა“ (2004), „ჯადური ქიანა“ (2004), „ჭიჭე ბაღანეფი“ (2006), „მაკითხერი“ (2008), „რევოლუციური შარა“ (2008). ეკონია ფილმის რსულებური როლიშ უკული New York Magazine-იშ ამერიკალი კინოკრიტიკოსიქ დევიდ ედელშტეინქ შინუ:

ვიკიციტატა
„კეიტ უინსლეტი რე მუში მოითირიშ ინგლისურ ნინას მორაგადე საუჯგუშო არტისტი.“

კომერციული თოლწონუათ უინსლეტიშ წჷმოძინელი ნამუშერეფი რე რომანტიკული კომედია „შვებულება გინოთირუათ“ დო ანიმაციური ფილმი „ინორჩხილი“ (ჟირხოლო 2006). ათე ეკონიას ახონარენს ართ-ართ პერსონაჟის.

ბიოგრაფია[რედაქტირაფა | წყუშ რედაქტირაფა]

კეიტ უინსლეტიქ დებადჷ 1975 წანაშ 5 გჷმათუთას ნოღა რედინგის, მუამუშიშ ონჩურე ღანჩოეფიშ კონტრაქტორიშ როჯერ უინსლეტიშ დო დიამუშიშ მე­ბუ­ფე­ტეშ სალი ბრიჯესიშ ფანიას. ჸუნს ჟირი და დო ართი ჯიმა. კეიტიშ უნჩაში და ანა დო უკლაში და ბეთი ხოლო არტისტეფი რენა. ჸუნს უკლაში ჯიმა.

კეიტ უინსლეტიქ 11 წანაშ ასაკის რედრუფიშ სკოლაშ თეატრის დიჭყჷ დრამას გურაფა. ართი წანაში უკული გჷმორჩქინდჷ ოტელევიზიე რეკლამას. მუჭოთ არტისტიქ კარიერა დიჭყჷ 1991 წანას, მუჟამსჷთ მიღჷ როლი ართ-ართ ოტელევიზიე სერიალს. 1990-იანი წანეფიშ დაჭყაფურს პარალელურო გიშეშჷ თეატრისჷთ. უინსლეტიშ მაართა არძაშე შანულამ გოხუალაქ კინემატოგრაფიას მოხვადჷ 1994 წანას პიტერ ჯექსონიშ ფილმის „ცალური სქილედეფი“. 1996 წანას თიქ აკათჷ მაიკლ უინტერბოტომიშ ფილმის „ჯუდი“.[1][2]უინსლეტიშ რსულება დადებითო აფასესჷ[3]

შხვადოშხვა ბორჯის აჸუ ოლაჸაფექ ფილმეფს: „ტიტანიკი“, „მარკიზ დე სადიშ კალამი“, „დევიდ გეილიშ რინა“, „ჯადური ქიანა“, „ერებამი გონებაშ ირიათოიანი სინთელუა“, „მაფაშ ედომუშამი მახვენჯეფი“, „მაკითხერი“ დო შხვ. ოსკარიქ მიაჩჷ რსულებური როლიშო ფილმის „მაკითხერი“. მიპალუ 3 ორქოშ გლობუსი დო 2 ბაფტა, ხოლო გრემიშ დო ემიშ პრემიაქ. ოსკარიშ პრემიას გვალო აკოძინელო 6-შა რდჷ ნომინირაფილი.

ფილმოგრაფია[რედაქტირაფა | წყუშ რედაქტირაფა]

წანა მარგალურო ოდაბადური ჯოხოდვალა როლი
1991 წკურუმია სეზონი Dark Season რიტა
1992 უკახალე მეღება Get Back ელეანორი
1994 ცალური სქილედეფი Heavenly Creatures ჯულიეტი
1995 მაართა აიარი მაფა ართურიშ კარს A Kid in King Arthur's Court პრინცესა სარა
1995 გინაფა დო გონება Sense and Sensibility მარიანა
1996 ჯუდი Jude სიუ
1996 ჰამლეტი Hamlet ოფელია
1997 ტიტანიკი Titanic როუზი
1998 ექსპრესი მარაკეშის Hideous Kinky ჯულია
1999 ჰარი ფერიეფიშ ქიანას Faeries ბრიჯიტი
1999 წიმინდა ფურკი Holy Smoke! რუთ ბარონი
2000 მარკიზ დე სადიშ კალამი Quills მედი
2001 ენიგმა Enigma ესტერი
2001 საქირსო ამბე Christmas Carol: The Movie ბელი
2001 აირისი Iris აირის მერდოკი
2003 დევიდ გეილიშ რინა The Life of David Gale ბიტსი
2004 ერებამი გონებაშ ირიათოიანი სინთელუა Eternal Sunshine of the Spotless Mind კლემენტინა
2004 ჯადური ქიანა Finding Neverland სილვია
2005 ჸოროფა დო სიგარეტეფი Romance & Cigarettes ტულა
2006 მაფაშ არძა კოჩი All the King's Men ენ სტენტონი
2006 ჭიჭე ბაღანეფი Little Children სარა
2006 ინნარჩხი Flushed Away რიტა
2006 შვებულება გინოთირუათ The Holiday აირისი
2006 წყარსგიმეიანი ოქიანეშ ფულირეფი Deep Sea 3D მთხრობელი
2008 ძღაბი დო მელა The Fox and the Child მთხრობელი
2008 მაკითხერი The Reader ჰანა
2008 რევოლუციური შარა Revolutionary Road ეიპრილი
2011 მილდრედ პირსი Mildred Pierce მილდრედ პირსი
2011 ინფიცირაფა Contagion ერინ მირსი
2011 ჭყვადუა Carnage ნენსი
2014 ხანდაშ დღა Labor Day ადელ უილერი
2015 სტივ ჯობსი Steve Jobs ჯოანა ჰოფმანი

რესურსეფი ინტერნეტის[რედაქტირაფა | წყუშ რედაქტირაფა]

Commons-logo.svg
ვიკიოწკარუეს? რე ხასჷლა თემაშენ:

სქოლიო[რედაქტირაფა | წყუშ რედაქტირაფა]

  1. Jude (1996). Metacritic. კითხირიშ თარიღი: 4 February 2009.
  2. Jude — Box Office Data. The Numbers (9 August 2007). კითხირიშ თარიღი: 4 February 2009.
  3. Corliss, Richard. “Grim Rapture“, Time magazine, 28 October 1996. კითხირიშ თარიღი: 4 February 2008.