ბელაქანი (აზერ. Balakən; ხუნძურო Билкан) — ნოღა აზერბაიჯანს, ბელაქანიშ რაიონიშ ადმინისტრაციული ცენტრი. შაქი-ზაქათალაშ რეგიონიშ ეკონომიკური ზონაშ ნორთი. მახორობაშ უმენტაშობას აზერბაიჯანალეფი აკმადგინანს, დოხოლაფირო ნახუთალი ხუნძეფი რე, თაშნეშე ოხორანა ქორთუეფი (ინგილოეფი).
1803 წანაშ 9 მელახის, ბელქანქ ეჭოფილქ ოჸუ რუსეთიშ იმპერიაშ გენერალ-მაიორიშ გულიაკოვიშით. 1918-21 წანეფს ნოღა ბელაქანი საქორთუოშ დემოკრატიული რესპუბლიკაშ აკოდგინალაუშა მიშმეშჷ. 1921 წანას, რუსეთიშ პოლიტიკური დუდალაშ მეწურაფათ, კავკაციარ კომუნისტეფქ ნოღა ბელაქანი, ზაქათალაშ დო კახწკჷმა ართო, საქორთუოს უკანონეთ გეგლაჭკირეს დო აზერბაიჯანს გინაჩჷ.
