ბარდა (ნოღა)

ვიკიპედია-შე
Jump to navigation Jump to search
ნოღა
ბარდა
აზერ. Bərdə
უჯვეშაში ხინჯი ნოღა ბარდას
უჯვეშაში ხინჯი ნოღა ბარდას
ქიანა აზერბაიჯანიშ შილა აზერბაიჯანი
რეგიონი არანი
რაიონი ბარდა
კოორდ. 40°22′59″ ოორ. გ. 47°07′07″ ელ. გ. / 
ცენტრიშ სიმაღალა 76
ოფიციალური ნინა აზერბაიჯანული
მახორობა 41,277 კოჩი (2010)
ბორჯიშ ორტყაფუ UTC+4, ზარხულს UTC+5
ტელ. კოდი +994 2020
ოფოსტე ინდექსი AZ 0900

ბარდა ორენი აზერბაიჯანი

Locator Dot2.gif
ბარდა

ბარდა, ბარდავი (აზერ. Bərdə, არაბ. بردع‎‎, სომეხ. Պարտավ) — ნოღა აზერბაიჯანს, ყარაბაღიშ რზენს, ეყარმალუ ტერტერიშ ჟირზოლო წყარპიჯის, ბარდაშ რაიონიშ ადმინისტრაციული ცენტრი.

ასეიანი ნოღა ბარდაშე მუსხირენი კილომეტრიშ მოჩილათათ ისტორიული ბარდავიშ აკნაცჷმეფი რე. მუჭოთ ჩქჷნ, ნოღა თაქ დიო ხოლო IV ოშწანურას რდჷ. V ოშწანურას ბარდავი ალბანეთიშ მაფეფიშ დო ალბანეთიშ ქირსიანული ოხვამეშ ოხვისტე ნოღა რდჷ, თეშ მუჭოთ შანულამი ოვაჭარე დო კულტურული ცენტრი. 627 წანას ნოღა ჯაბღუ-ხაკანქ გეჭოფჷ დო თიში მახორობა გეშაჭყვიდჷ. VIII ოშწანურაშ დაჭყაფუს არაბეფქ გეჭოფეს. ნოღა ოქერვანე რზეფიშ შარააკართაფუს იდვალუაფდჷ დო შხუ ოვაჭარე-ომოხელე ცენტრი რდჷ. X ოშწანურას სალარიდეფს დოჸუნდჷ, კინ თი ოშწანურას ოორუეშე მოულირი რუსეფქ ქჷდეკინეს. 1192—1193 წანეფს, ქორთუეფიშ ჯარქ დოლესქერჷ. უკულიან ოშწანურეფს უგუჩემებუ ლჷმეფიშ შედეგო ნოღაქ გეფარჩაკუ. XVIII ოშწანურაშ I ნორთის თათარ-მონღოლეფიშ ლესქერუეფიშ უკული ბარდავიქ ოფუტეთ გჷნირთჷ.

ოქინაფუეფი[რედაქტირაფა | წყუშ რედაქტირაფა]

ბარდავს ასქილადირი რე შქა ოშწანურეფიშ ხურეთმონძღვარალაშ ართ-ართი შანულამი ძეგლი - მავზოლეუმი (1322, ხურეთმონძღვარი აჰმედ ეიუბ ალ-ჰაფიზ-ოღლუ). დინდარულო გონწყილი ჟირპორტალამი, ანგურათ აკნაგებუ ცილინდრული ფორმაშ ყორში გოლამფირი რე უბრალო დო მოჭიირქელი ანგურათ. თექ გოხოლუას მაჟირა, თ. ჯ. ახსადანბაბაშ (XIV ს.) მავზოლეუმიშ აკნაცჷმეფი რე (მუჭით ჩქჷნ, აკნაგებუ რე კინე თი ხურეთმონძღვარიშით), თაშნეშე ასქილადირი რე იმამ-ზადეშ მავზოლეუმ-მეჩეთი (XVII-XIX ოშწანურეფი).

ლიტერატურა[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]