ბერეს ფრედერიკ სკინერი
| ბერეს ფრედერიკ სკინერი | |
| ინგლ. Burrhus Frederic Skinner | |
.jpg) | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მარაშინათუთა 18, 1990 (86 წანერი) |
| ღურაშ აბანი: |
კემბრიჯი, მასაჩუსეტსი, ააშ |
| მენოღალობა: | |
| ომენცარე სფერო: | |
| სამუშაშ აბანი : |
მინესოტაშ უნივერსიტეტი |
| ალმა-მატერი: | |
| ჯილდოეფი დო პრემიეფი: |
გუგენჰაიმიშ სტიპენდია (1942) |
| ხეშმოჭარუა: |
|
ბერეს ფრედერიკ სკინერი (ინგლ. Burrhus Frederic Skinner; დ. 20 მელახი, 1904 — ღ. 18 მარაშინათუთა, 1990) — ამერიკალი ფსიქოლოგი, ფილოსოფოსი, ჭარუ დო ბიჰევიორისტი. ფშხირას მიშინუანა მუჭოთ ბიჰევიორიზმიშ მუმას.
სკინერიშ არზით ნებაშ დუდშულება (free will) ილუზია რე დო ადამიერიშ მოქმენდალა გერსხილი რე ორდოიანი მოქმენდალეფიშ შედეგეფს დო იმაჟირებუ ხვალე ჸეთი მოქმენდალეფი, ნამუეფსჷთ მოჸუნს ჯგირი შედეგეფი.
სკინერიქ მიშეღჷ დიდი თია რჯებეფიშ ანალიზიშ (რჯება - ქცევა), გიშაკერზაფილო რადიკალური ბიჰევიორიზმიშ გოვითარაფაშა დო დარსხუ რჯებეფიშ ექსპერიმენტული ანალიზი — ფსიქოლოგიაშ ექსპერიმენტული რკვიებეფიშ სკოლა.
სკინერიშ ართ-ართი შანულამი გჷმოგონება რდჷ სკინერიშ კოლოფი, ნამუთ ასე ხოლო გიმირინუაფჷ ფარმაცევტული რკვიებეფიშო. სკინერიშ ომენცარე ნახანდეფიშე ეიოშინალი რე: "ორგანიზმეფიშ რჯებეფი" (1938) დო "ვერბალური რჯებეფი" (1957). თინა თაშნეშე ავტორი რე უტოპიური ნოველაშ ვოლდენი ჟირი, ნამუშ თებაქჷ ვაჭიშუ. მუში ომენცარე კარიერაშ გოძვენას, სკინერი რდჷ 21 წინგიშ დო 180 სტატიაშ ავტორი.
ბერეს ფრედერიკ სკინერი, ჯონ ბროდეს უოტსონი დო რუსი ივანე პავლოვიწკჷმა ართო მერჩქინელი რე თეხანური ბიჰევიორიზმიშ პიონერო.
გურაფულენდჷ ჰამილტონიშ კოლეჯის, სოდეთ მიპალუ ბაკალავრიშ ხარისხი ინგლისური ლიტერატურას, 1926 წანას. უკულ გურაფა გაგინძორჷ ჰარვარდიშ უნივერსიტეტის, სოდეთ თხილუ ოდოქტორე დისერტაცია 1931 წანას. 1936 წანას სკინერიქ მუშობა ქიდიჭყჷ მინესოტაშ უნივერსიტეტის. 1945 წანას გინილჷ ინდიანაშ უნივერსიტეტიშა, სოდეთ 1946-1947 წანეფს რდჷ ფსიქოლოგიაშ დეპარტამენტიშ მადუდე. 1948 წანაშე 1974 წანაშახ რდჷ ჰარვარდიშ უნივერსიტეტიშ ფსიქოლოგიაშ პროფესორი. სკინერი რდჷ შხვადოშხვა პრემიეფიშ დო ჯილდოეფიშ ლაურეატი, ომენცარე ორგანიზაციეფიშ მაკათური დო 20 უნივერსიტეტიშ საპატიო დოქტორი.
ლიტერატურა
[რედაქტირაფა | წყუშ რედაქტირაფა]- Evans, R. I. (1968) B. F. Skinner: the man and his ideas
- Bjork, D. W. (1993) B. F. Skinner: A Life
- Sagal, P. T. (1981) Skinner's Philosophy. Washington, DC: University Press of America.