ბჟაშ გეუკუმელაფა (2017 წანაშ 21 მარაშინათუთა)

ვიკიპედია-შე
გეგნორთი: ნავიგაცია, გორუა
2017 წანაშ 21 მარაშინათუთაშ ბჟაშ გეუკუმელაფაშ სქემა
ბორჯიშ მეტრაჟიანი ბჟაშ რსული გეუკუმელაფაშ გინოღალირი ვიდეო Falls Park on the Reedy-ის, გრინვილს (ობჟათე კაროლინა)

2017 წანაშ 21 მარაშინათუთაშ ბჟაშ გეუკუმელაფა — 145 საროსიშ ბჟაშ რსული გეუკუმელაფა, ნამუშ ედომუშამი ფაზა ააშ-იშ ტერიტორიას იძირებედჷ. გეუკუმელაფაშ ოშა-გოშა ფაზეფი თაშნეშე იძირებედჷ ოორუე ამერიკას, ნორთობურო ბჟადალ ევროპას, ობჟათე ამერიკას დო აზიაშ უძგალაშ ოორუე-ბჟაეიოლს.

თე გეუკუმელაფა 1999 წანაშ 11 მარაშინათუთაშ საროსიშით ბჟაშ რსული გეუკუმელაფაშ გომაჟირაფა რე. მოჩამილი საროსიშ გეჸვენჯი გეუკუმელაფა 2035 წანაშ 2 ეკენიას მოხვადუ.

ააშ-იშ თარი დოხორელი პუნქტეფი, სოდე შილებედჷ ბჟაშ რსული გეუკუმელაფაშ ძირაფა

დოხორელი პუნქტი ბორჯი UTC Η ხანგჷნძალა
სეილემი (ორეგონი) 17:18:16 39,9° 1 წთ 55 მერქა
მადრასი (ორეგონი) 17:20:26 41,6° 2 წთ 02 მერქა
აიდაჰო-ფოლსი 17:33:52 49,5° 1 წთ 41 მერქა
კასპერი (უაიომინგი) 17:43:51 54,0° 2 წთ 25 მერქა
გრანდ აილენდი (ნებრასკა) 17:59:48 59,9° 2 წთ 34 მერქა
კარბონდეილი 18:21:23 63,7° 2 წთ 38 მერქა
ნეშვილი 18:28:18 64,2° 2 წთ 00 მერქა
კოლუმბია (ობჟათე კაროლინა) 18:43:03 61,9° 2 წთ 30 მერქა

კარბონდეილი უნიკალურ აბანო გჷნირთუ, სოდე შილებედას იჸი 2 რსული ბჟაშ გეუკუმელაფაშ ძირაფა 7 წანაშ გოძვენას 2017 დო 2024 წანეფს.

21 მარაშინათუთაშ ბჟაშ გეუკუმელაფას ჯოხოთ გიადჷ „დიდ ამერიკულ გეუკუმელაფაქ“ (ინგლ. Great American Eclipse), თიშ გეშა, ნამჷ-და თინა მაართა ბჟაშ გეუკუმელაფა რდჷ ამერიკაშ აკოქიმინუაშ (1776) ბორჯიშე, ნამუშ რსული ფაზაშ ძირაფა ააშ-იშ ტერიტორიაშე შილებედჷნ. წჷმოხიანი თეჯგურა გიშაკერძაფილ ბჟაშ რსულ გეუკუმელაფაქ, ნამუთ ხვალე თე ტერიტორიაშე იძირებედჷნ, 1257 წანაშ 13 მანგის მოხვადჷ[1].

გალერეა[რედაქტირაფა | წყუშ რედაქტირაფა]

SE2017Aug21T.gif
გეუკუმელაფაშ მალობაშ ანიმაცია
Map of the solar eclipse 2017 USA OSM Zoom2.png
გეუკუმელაფაშ მალობა ააშ-იშ რუკას
2017 Total Solar Eclipse (NHQ201708210100).jpg
ბჟაშ რსული გეუკუმელაფა ნოღა სეილემს (ორეგონი)


რესუსეფი ინტერნეტის[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]