დინორეშა გინულა

გავრილოვიშ სერი

ვიკიპედიაშე
გავრილოვიშ სერიშ მაჟირა დღა — 21 მანგი. აქციიაშ მოთხირეფი ართ-ართი მაკათურიშ ხეს.
გავრილოვიშ სერიშ მაჟირა დღა — 21 მანგი. პროტესტიშ ცენტრალური ნორთი დო გიშმაულარეფიშ ტრიბუნა.
გავრილოვიშ სერიშ მაჟირა დღა — 21 მანგი. პროტესტიშ ცენტრალური ნორთი დო გიშმაულარეფიშ ტრიბუნა.

გავრილოვიშ სერი (რუს. Ночь Гаврилова) — ოპროტესტე გიშულეფი დო აკორაბადუა ქართის 2019 წანაშ 20, 21 დო 22 მანგის, ნამუთ ქართის მართლმადიდებელობაშ ოპარლამენტოშქაშე ასამბლეაშ სესიაშ ბორჯის რუსეთიშ დუმაშ დეპუტატიშ სერგეი გავრილოვიშით საქორთუოშ პარლამენტიშ მადუდეშ, ირაკლი კობახიძეშ დახვენჯიშ დაკებას დო საქორთუოშ პარლამენტის რუსულ ნინაშა ასამბლეაშ სესიაშ მანჯებას მაჸუნუ.

დეპუტატ გავრილოვიშ ოსუმარე „რედისონიშე“ გჷმოჸნაფაშ უკული აქციაქ საქორთუოშ პარლამენტიშ დგჷმილიშ წჷმი გეგჷნძორუ. ოპროტესტე აქციაქ 21 მანგიშს გვიან სერით დო ოჭმარეს გეგჷნძორუ. აბანობური დო ოერეფოშქაშე ვაოთავრობე ორგანიზაციეფიშ მოარზაფათ, ომენოღალე პროტესტიშ ოაწმარენჯეთ გჷმორინაფილი რდჷ ვაპროპორციული ოპოლიციე ჭყანა. [1]აქციაშ აკოფაჩუაშ ბორჯის კლინიკეფშა 240 მენოღალე გეგნიონეს, ნამუეფშე 80 სამართალმათხილე რდჷ. დოღამაკებულეფშე 2-ქ თოლი მიოდინუ, თინეფს შქას 18 წანერი ჯღაბიქ, ნამუთ, თიში დაშ რაგადით, უბრალე მუკმალი რდჷ დო აქციას ვაკათუდჷ. დოღამაკებეფი მიღეს 30-შე უმოსი ჟურნალისტიქ. [2]

ოპროტესტე რეღმაშ შედეგო 21 მანგის პოსტი ქიდიტუ საქორთუოშ პარლამენტიშ მადუდექ ირაკლი კობახიძექ, ასამბლეაშ საქორთუოს მანჯებაშ ინიციატორქ, საქორთუოშ პარლამენტიშ დეპუტატ ზაქარია ქუცნაშვილქ მანდატშე ვარი თქუ.

მოლინეფიშ ვითარაფა[რედაქტირაფა | წყუშ რედაქტირაფა]

მართლმადიდებელობაშ ოპარლამენტოშქაშე ასამბლეაქ ქართის 2019 წანაშ 19 მანგის გინჭყუ. სახენწჷფო ცერემონიეფიშ დოხორეს (ავლაბარიშ დოხორე) ასამბლეაშ 26-ა სესიაშ ფარგალეფს მანჯაფილ მეღება საქორთუოს უკრაინაშ ელჩიქ, იგორ დოლგოვქ პროტესტიშ შანო ბორჯიშე კინოხ ქჷდიტუ. თექ ზუსტას თიმწკჷმა მოხვადჷ, მუჯამსჷთ ზიტყვათ გიშმეშუ რუსი დეპუტატი, ასამბლეაშ პრეზიდენტი სერგეი გავრილოვი. უკრაინაშ ელჩიქ გჷმაცხადჷ, ნამჷ-და თის ვაკოდუ რუსეთიშ ფედერაციაშ წჷმმარინაფალშ ზიტყვა მოურჩქილუდჷკონ. [3]

20 მანგის რუსული დელეგაციაქ პარლამენტიშ პლენარულ დარბაზშა გემნორთუ. ასამბლეაშ პრეზიდენტი, სერგეი გავრილოვქ პარლამენტის ირაკლი კობახიძეშ დახვენჯის ქჷდოდოხოდუ დო ხუნა რუსულ ნინაშა მიდეჸონუ. ზუსტას თე ფაქტიქ გჷმიჭანუ დეპუტატეფიშ დო მენოღალეეფიშ პროტესტი.[4] ასამბლეაშ სესიაშ დოჭყაფაშე მუსხირენ სათიშ უკული პრეზიდიუმშა გემშიჭკირეს „ევროპული საქორთუოშ“ დო „ართოიანი ნაციონალური ყარაფიშ“ დეპუტატეფქ საქორთუოშ დო ევრორსხუშ შილეფით. თინეფქ სპიკერატიშ აბანი დეკეს.[5] ქორთუ დო რუს დეპუტატეფს შქას ზიტყვიერი მერინაქ მოხვადჷ, ნამ ბორჯისჷთ „ევროპული საქორთუოშ“ მაკათურქ აკაკი ბობოხიძექ რუსეთიშ დელეგაციას რუსულ ნინაშა უგამჷ: „მა ბჸვცილუნდჷ თქვანიანეფს, ბჸვილუნდჷ დო ხოლო დობჸვილუნქ აფხაზეთის... გეგნოლით თაურეშე“. [6] უკულიანს აკაკი ბობოხიძექ ჟურნალისტეფწკჷმა გაცხადჷ: „ქო, მა ვორექი აფხაზეთიშ ლჷმაშ მაკათური დო ვამიღუ კორონი უკახალე დიბკინე რუსეფიშ წჷმი. მორო ვართი თიშ კორინი მიღუ, ნამჷ-და აწორინალაქ მოხვადასჷნ... იმენდი მიღუ, ნამჷ-და ჩქიმი ზიტყვეფიშ რსულებაშ უციობა ვეუაფუნ“. [7] აკაკი ბობოხიძე რუს დეპუტატეფს წყარიშ გობუნას უპირენდჷ, მორო მეჩირთუ დო წყარი, რუსეთიშ დელეგაციაშ მანგიორო, ესტონეთიშ წჷმმარინაფალს გეგნაბუ. თიშ უკული, მუთაკაკი ბობოხიძექ ქიგეგუ, ნამჷ-და წყარი რუსი დეპუტატიშ მანგიორო, ესტონეთიშ წჷმმარინაფალკს გეგნაბუნ, თიშე ქემერთუ, ქახუტოლუ დო ბოდიშ გუნუგუ. მორაგადეფიშ შედეგო ასამბლეაქ მიოტუ საქვარუა საქორთუოშ პარლამენტის დო ოსუმარე „რედისონშა“ გეგნორთჷ.

რუსი დეპუტატი სერგეი გავრილოვიშ „რედისონიშ“ ტერიტორიაშე უშქურანჯობაშ ნინალაშ წორომახანდეეფიშ ალაჸუნათ გეგმიონეს. აქციაშ მაკათურეფქ ავტომანქანაშახ მიოულარი რზა გეგნოკლილეს დო რუს დეპუტატის წყარიტ მოფშა ბოთილეფი დო შხავდოშხვა მეკონეფი ოჸოთეს. გავრილოვიშ ტერიტორიაშე გიშაჸონაფს მენოღალეეფს დო პოლიციას შქას მერაგადინქ მაჸუნუ, აქციაშ მუსხირენი მაკათური პოლიციაქ ტერიტორიაშე გეგშიჸონუ.[8]

2019 წანაშ 20 მანგიშ 19:00 სათის, საქორთუოშ პარლამენტიშ წჷმი ოპრპტესტე აქციაქ ქჷდიჭყუ. რუსთაველიშ გამზირს ვითოშობათ ადამიერქ დიშაყარუ. აქციაშ მაკათურეფიშ ნორთიშჸრე პარლამენტიშ დგჷმილშა ნძალთ მინულაშ ცადებაქ პოლიციაწკჷმა ნძალამერინელი აწორინალა გჷმიჭანუ. დოხოლაფირო სერიშ 12 საათშო პოლიციაქ დო სპეცრაზმიქ მომიტინგეეფიშ აკორაბადუა ქჷდიჭყეს. 5 სათიშ გოძვენას თინეფი აქციაშ რაბადუას რეზინიშ ტყვიეფით, გაზიშ დო წყარიშ ხირჩიშ საშუალებათ ოცადუდეს.[9] აბანური დო საირქიანო ორგანიზაციეფიშ მოარზაფათ, სამართალმათხილეეფიშ ქიმინჯიქ გინაჩირთჷ კანონიშ ფარგალეფს.[1] დაშლის შესახებ პოლიციას აქციაზე მყოფი ადამიანები არ გაუფრთხილებია.[10]

სინთელუანობაშ სამინისტროშ ინფორმაციათ, აქციას 240 ადამიერქ დეღამაკუ. თაურეშე 80 პოლიციალი რდჷ, 31 — ჟურნალისტი, შხვა — აქციაშ მაკათურეეფი რე. კინე თე სამინისტროშ ინფორმაციათ, ართი პაციენტიშ დგომარობა მონკა რე. ჟირ ადამიერს რეზინიშ ტყვიაშ მოხვალამაშ შედეგო თოლიშ ეშაღალაქ ოხვილურქ იჸუ [9]

აქციაქ გეჸვენჯი დღასჷთ იგჷნძორუ. ქართიშ მოხ, ოპროტესტე გიშულეფქ ქჷდიჭყჷ ქუთეშის, ფუთის დო შხვა ნოღეფს. აქციაშ მაკათურეფიშ ართ-ართი თარი მოთხირი რდჷ დინოხოლენი საქვარეფიშა მინისტრიშ, გიორგი გახარიაშ გინორინაფა. [11] თინეფქ საქორთუოშ თარობას ულტიმატუმი წჷმურინეს.

რეაქცია[რედაქტირაფა | წყუშ რედაქტირაფა]

მომიტინგეეფიშ აკორაბადუაშ გეშა დორხველი პოზიცია დაფიქსირეს პოსტიშ პიჯეფქ, დიპლომატეფქ დო ვაოთარობე ორგანიზაციეფქ. მაართა ორგანიზაცია, ნამუქჷთ აკორაბადუაშ გეშა გაჷნაცხადი გაბჟინესჷნი, ევროპულ-ქართული ინსტუტი რდჷ.[12] გჷნაცხადის ინსტიტუტიქ მუსხირენი მოთხირი წჷმარინუ. მოგვიანაფათ, ართობურ გჷნაცხადი გაბჟინუ 39 ვაოთარობე ორგანიზაციაქ.[13]

20 მანგის საქორთუოშ პარლამენტის საქორთუოს გერმანიაშ ელჩი ჰუბერტ ქნირშიქ ქემერთუ. მუჭოთ თიქ მან ჟურნალისტეფს გუცხადჷნ, თიქ ეცადჷ ვითარაფას გორკვიაფას. ელჩიქ აქციაშ არძა მაკათურს მოუჭანუ დოთხილუან თინჩალა დო ვეგჷმირინუან ნძალაშმერინაფა.[14]

21 მანგის, რუსეთიშ პრეზიდენტი ვლადიმირ პუტინქ ხე მაჭარუ ზოჯუას, ნამშ მეჯინათ 8 კვირკვეშე რუსულ ავიაკომპანიეფს საქორთუოშა რუსეთიშ მენოღალეეფიშ გინოჸონაფა ობორჯეთ ვაშულებჷნა. ზოჯუას ირაგადუაფუ, ნამჷ-და ეშანილი ქიმინუეფი რუსეთიშ ფედერაციაშ ერუანული უშქურანჯობაშ უნაღღელჸოფურო დო დჷნაშებუური დო უკანონე ქიმინჯეფშე რუსეთიშ ფედერაციაშ მენოღალეეფიშ თხილუაშ ღანკით იხორციელებუ. [15] [16]

პოლონეთიშ დო [[უკრაინა|უკრაინა]შ] გალენური საქვარეფიშ სამინისტროეფქ ქართის აქციაშ მაკათურეფს ალარინალა გჷმუცხადეს. პოლონეთიშ გალენური უჭყაფაშ გჷნაცხადიშ მეჯინათ, გასაგები რე კათაშჭ პროტესტი, ნამუთ რუსი დეპუტატეფიშ საქორთუოშა მოულაქ გჷმიჭანუ.[2]

უკრაინაშ გალენური საქვარეფიშ სამინისტრო ილისქიდუანს ქიანაშ ხეშუულებაშ დო აქციაშ მაკათურეეფიშ მენტებას რუსული ოკუპაციაშოთ. უკრაინაშ გალენური უჭყაფაშ პრესსპიკერიშ გჷნაცხადით, „უკრაინა ადასურენს სოლიდარობას ქორთუ კათაწკჷმა თინეფიშ ბურჯაფის სუვერენიტეტიშ დო ტერიტორიული თელუანობაშო, ადასურენს ალარინას საქორთუოს დემოკრატიული ინსტიტუტეფიშ დო დემოკრატიაშ გეჸვენჯი გოვითარაფას“.[2]

სქოლიო[რედაქტირაფა | წყუშ რედაქტირაფა]

  1. 1.0 1.1 არასამთავრობო ორგანიზაციების განცხადება 20 ივნისს განვითარებულ მოვლენებზე. „საერთაშორიოს გამჭირვალობა“ (21 ივნისი, 2019). კითხირიშ თარიღი: 21 ივნისი, 2019.
  2. 2.0 2.1 2.2 უკრაინაშ დო პოლონეთიშ გალენური უჭყაფეფი აქციაშ მაკათურეფს ალურენა
  3. უკრაინაშ ელჩიქ ქართის რუს დეპუტატის ვაურჩქილუ
  4. ვინ არიან მართლმადიდებლობის საპარლამენტთაშორისო ასამბლეის მუდმოვმოქმედი წევრები საქართველოდან. on.ge (20 ივნისი, 2019). კითხირიშ თარიღი: 21 ივნისი, 2019.
  5. „ევროპულმა საქართველომ“ სპიკერატის ადგილის დაკავებით გავრილოვის გამოსვლა გააპროტესტა. ვიდეო. Imedinews. კითხირიშ თარიღი: 22 ივნისი, 2019.
  6. აკაკი ბობოხიძექ რუსი დეპუტატიშ მანგიორო წყარი ესტონეთიშ წჷმმარინაფალს გეგნაბუ. რადიო თავისუფლება. კითხირიშ თარიღი: 22 ივნისი, 2019.
  7. აკაკი ბობოხიძე: რუსი დეპუტატის ნაცვლად წყალი ესტონელს შევასხი. რადიო თავისუფლება. კითხირიშ თარიღი: 22 ივნისი, 2019.
  8. სერგეი გავრილოვი „რედისონის“ ტერიტორიდან გაიყვანეს — აქციის მონაწილეებმა რუს დეპუტატს წყლით სავსე ბოთლები და სხვადასხვა საგნები ესროლეს. „ინტერპრესნიუსი“. კითხირიშ თარიღი: 21 ივნისი, 2019.
  9. 9.0 9.1 გავრილოვის ღამე - როგორ დაიწყო დარბევა და რამდენი ადამიანი დაშავდა. „ტაბულა“ (20 ივნისი, 2019). კითხირიშ თარიღი: 21 ივნისი, 2019.
  10. პოლიციამ აქციის დაშლა რეზინის ტყვიებითა და ცრემლსადენი გაზით დაიწყო. netgazeti.ge (20 ივნისი, 2019). კითხირიშ თარიღი: 21 ივნისი, 2019.
  11. აქციის მონაწილეების მხრიდან ერთ-ერთი მთავარი მოთხოვნა, გიორგი გახარიას გადადგომაა. საქართველოს პირველი არხი (22 ივნისი, 2019). კითხირიშ თარიღი: 22 ივნისი, 2019.
  12. EGI Statement განცხადება 20-21 ივნისის ღამის მოვლენბეთან დაკავშირებით. ევროპულ-ქართული ინსტიტუტი (21 ივნისი, 2019). კითხირიშ თარიღი: 21 ივნისი, 2019.
  13. არასამთავრობო ორგანიზაციების განცხადება 20 ივნისს განვითარებულ მოვლენებზე. „საერთაშორისო გამჭირვალობა“ (21 ივნისი, 2019).
  14. საქართველოში გერმანიის ელჩი პარლამენტში მივიდა Archived 2019-06-22 ვებ-ხასჷლას Wayback Machine.
  15. პუტინმა 8 ივლისიდან საქართველოსთან საჰაერო მიმოსვლა დროებით აკრძალა. Imedinews (21 ივნისი, 2019).
  16. ვლადიმერ პუტინი რუსეთიდან საქართველოში ფრენებს კრძალავს. საქართველოს პირველი არხი (21 ივნისი, 2019).