გიორგი გახარია

ვიკიპედია-შე
Jump to navigation Jump to search
გიორგი გახარია
გიორგი გახარია
Flag of Georgia.svg
Greater coat of arms of Georgia.svg
საქორთუოშ 14-ა პრემიერ-მინისტრი
პოსტის გერინაშ ბორჯი
3 ეკენია, 2019 – ასეშა
პრეზიდენტი  სალომე ზურაბიშვილი
წიმოხონიმამუკა ბახტაძე

პოსტის გერინაშ ბორჯი
13 გერგობათუთა, 2017 – 3 ეკენია, 2019
პრეზიდენტიგიორგი მარგველაშვილი,
სალომე ზურაბიშვილი
პრემიერ-მინისტრიმამუკა ბახტაძე
წიმოხონიგიორგი მღებრიშვილი

პოსტის გერინაშ ბორჯი
30 პირელი, 2019 – ასეშა
პრეზიდენტისალომე ზურაბიშვილი
პრემიერ-მინისტრიმამუკა ბახტაძე

პოსტის გერინაშ ბორჯი
27 გერგობათუთა, 2016 – 13 გერგობათუთა, 2017
პრეზიდენტიგიორგი მარგველაშვილი
პრემიერ-მინისტრიგიორგი კვირიკაშვილი
წიმოხონიდიმიტრი ქუმსიშვილი
მონძედიმიტრი ქუმსიშვილი

დუნაბადი19 მელახი, 1975 (1975-03-19) (44 წანერი)
ქართი, საქორთუოშ სსრ
მენოღალობასაქორთუოშ შილა საქორთუო
ერუანობაქორთუ
პოლიტიკური პარტიაქორთული ორცება — დემოკრატიული საქორთუო
მუმაზაურ გახარია

გიორგი ზაურიშ სქი გახარია (დ. 19 მელახი, 1975) — ქორთუ პოლიტიკოსი, საქორთუოშ პრემიერ-მინისტრი დო ვიცე-პრემიერი, ქიანაშ დინოხოლენი საქვარეფიშ მინისტრი 2017 წანაშ 13 გერგობათუთაშე 2019 წანაშ 2 ეკენიაშახ დო ერუანული უშქურანჯალაშ სხუნუშ მელამოსე 2019 წანაშ 30 პირელშე.[1]

ბიოგრაფია[რედაქტირაფა | წყუშ რედაქტირაფა]

გონათუა[რედაქტირაფა | წყუშ რედაქტირაფა]

1992–1994 წანეფს გურაფულენდჷ ივანე ჯავახიშვილიშ ჯოხოდვალაშ ქართიშ სახენწჷფო უნივერსიტეტის ისტორიაშ ფაკულტეტის. 1994–1999 წანეფს გურაფულენდჷ მიხეილ ლომონოსოვიშ ჯოხოდვალაშ მოსკოვიშ სახენწჷფო უნივერსიტეტის. გიორგი გახარია პოლიტიკური მენცაობეფიშ მაგისტრი რე.[2] 2 წანაშ გოძვენას, 2002-2004 წანეფს გურაფულენდჷ მიხეილ ლომონოსოვიშ ჯოხოდვალაშ მოსკოვიშ სახენწჷფო უნივერსიტეტიშ უმაღალაშ ბიზნეს სკოლას (ბიზნესიშ მართუაშ მაგისტრი). 2006-2009 წანეფს მიხეილ ლომონოსოვიშ ჯოხოდვალაშ მოსკოვიშ სახენწჷფო უნივერსიტეტიშ გჷმორინაფონი ბიოტექნოლოგიაშ მოჭანაფილი ლექტორი რდჷ.

ბიზნესსაქვარუა[რედაქტირაფა | წყუშ რედაქტირაფა]

2004 წანაშ მესიშე 2008 წანაშ გერგობათუთაშახ SFK Group-იშ გენერალური დირექტორი, მუშ შედეგო 2008 წანაშ გერგობათუთაშე — Lufthansa Service Holding AG. (LSG, Frankfurt am Main) Germany GR & ბიზნესიშ გოვითარაფაშ დირექტორი რდჷ ბჟაეიოლ ევროპას, ზსწ-შ ქიანეფს დო რუსეთიშ ფედერაციას 2013 წანაშ ფურთუთაშახ.

პოლიტიკური კარიერა[რედაქტირაფა | წყუშ რედაქტირაფა]

პოლიტიკური კარიერა დიჭყჷ 2013 წანაშ მელახშე, მუჟამსჷთ საქორთუოშ ბიზნესომბუდსმენო გჷნირთჷ დო პოსტის იკენდჷ 2016 წანაშ კვირკვეშახ. 2014 წანაშ ქირსეთუთაშე 2016 წანაშ ეკენიაშა ეკონომიკური სხუნუშ მელამოსე რდჷ. 2016 წანაშ 27 გერგობთუთაშე 2017 წანაშ 13 გერგობათუთაშახ - საქორთუოშ ეკონომიკაშ დო ჸონიერი გოვითარაფაშ მინისტრი. დინოხოლენი საქვარეფიშ მინისტრი2017 წანაშ 13 გერგობათუთაშე 2019 წანაშ 2 ეკენიაშახ[3] 2017 წანას 13 გერგობათუთას დორინაფილქ იჸუ დინოხოლენი საქვარეფიშ მინისტრო. იკენს ვიცე-პრემიერიშ პოსტის.[4] 2019 წანაშ 30 პირელშე —ერუანული უშქურანჯალაშ სხუნუშ მელამოსე[5]

დინოხოლენი საქვარეფიშ ომინისტრე[რედაქტირაფა | წყუშ რედაქტირაფა]

Giorgi Gaharia and Ilham Aliyev

2017 წანაშ გერგობათუთას საქორთუოშ თარობას თარობაშ მაკათურეფიშ თირუაქ მოხვადჷ. კერზოთ, დინოხოლენი საქვარეფიშ მინისტრიშ დო გიორგი მღებრიშვილიშ აბანს, 2017 წანაშ 13 გერგობათუთაშე 2019 წანაშ 3 ეკენიაშახ, დინოხოლენი საქვარეფიშ მინისტრიშ პოსტის გიორგი გახარია იკენდჷ.

ქვიითი პატრული[რედაქტირაფა | წყუშ რედაქტირაფა]

პოსტიშ დორინაფაშე მუსხირენ თუთაშახ დინოხოლენი საქვარეფიშ ომინისტრეს ოპატრულე პოლიციაშ დეპარტამენტის, ტურისტეფიშ დო ტურისტული ზონეფიშ უშქურანჯობაშო გიჭყჷ ქვიითი პატრულიშ გიმენდჷნართიქ. ქვიით პატრულეფქ 3 მარიანი დინოხოლენი საქვარეფიშ ომინისტრეშ აკადემიაშ სპეციალური გინოზადუაშ კურსი მიკორთეს დო თინეფშე ირს უჩქჷ ართ ვარდა უმოსი ურცხო ნინა. თინეფს უღჷნა თეხანური ოპოლიციე აკოანჯარაფა, თინეფს შქას, უახალაში წარმებაშ ოურდუმე ვიდეოკამერეფი.[6] [7] [8] [9]

ადამიერიშ ნებეფიშ თხილუაშ დეპარტამენტი[რედაქტირაფა | წყუშ რედაქტირაფა]

2018 წანაშ 11 ღურთუთას, გიორგი გახარიაშ მინისტრო დორინაფაშე 1 თუთაშა, ომინისტრეს გიჭყჷ ადამიერიშ ნებეფიშ თხილუაშ დეპარტამენტიქ,[10] ნამუსჷთ ოვალუდჷ უნარღელჸუას ბორჯული რეაგირაფა დო ეფექტიანი ნაკვერუაშ მანჯება თიჯგურა კატეგორიაშ საქვარეფშე, მუჭომით რე: ფანიური დჷნოშური, ოსურეფიშოთ ნძალობუა, დისკრიმინაციული შანით ნაქიმჷნა დჷნოშური, ტრეფიკინგი, მარდუეფიშით/შოთ ნაქიმჷნა დჷნაშებუ.[11] 2019 წანაშ 24 კვირკვეშახ დეპარტამენტიშ დირექტორი რდჷ ლონდა თოლორაია.[12]. 2019 წანაშ 24 კვირკვეშე დეპარტამენტშ დუდენს ნინო ცაციაშვილი.[13]

რესურსეფი ინტერნეტის[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]

  1. გიორგი გახარია ეროვნული უსაფრთხოების საბჭოს მდივანი იქნება
  2. police.ge - გიორგი გახარია
  3. გიორგი გახარია - Police.ge
  4. გიორგი გახარია - მთავრობის წევრები - Gov.ge
  5. ეროვნული უსაფრთხოების საბჭოს მდივნის ფუნქცია გიორგი გახარიას დაეკისრა
  6. ქვეითი პატრული ტურისტების დასაცავად რადიო თავისუფლება
  7. სად და როგორ დაიცავს ქვეითი პატრული ტურისტებს ImediNews.ge
  8. დღეიდან თბილისის ქუჩებში ქვეითი პატრული იმუშავებს - ტაბულა
  9. ტურისტულ ზონებში ქვეითი პატრული დაიწყებს პატრულირებას
  10. შინაგან საქმეთა სამინისტროში ადამიანის უფლებათა დაცვის დეპარტამენტი შეიქმნა
  11. შინაგან საქმეთა სამინისტროს ადამიანის უფლებათა დაცვის ახალი დეპარტამენტის ხელმძღვანელები დაინიშნენ
  12. შინაგან საქმეთა სამინისტროს ადამიანის უფლებათა დაცვის ახალი დეპარტამენტის ხელმძღვანელები დაინიშნენ
  13. შსს-ის ადამიანის უფლებათა დაცვისა და გამოძიების ხარისხის მონიტორინგის დეპარტამენტის დირექტორად ნინო ცაციაშვილი დაინიშნა