გრივნა

უკრაინული გრივნა უკრ. українська гривня
<100 გრივნა 50 კაპიკი
კოდი ISO 4217	UAH
ქიანა	უკრაინა
აკმოდირთუ	100 კაპიკშე
სიმბოლო	₴
ხურდეფი	1, 2, 5, 10, 25, 50 კაპიკი, 1 გრივნა
ბანკნოტეფი	1, 2, 5, 10, 20, 50, 100, 200, 500 გრივნა
ცენტრალური ბანკი	უკრაინაშ ერუანული ბანკი
ვებ-ხასჷლა	www.bank.gov.ua

გრივნაშ სიმბოლო

გრივნა, თაშნეშე ჰრივნა (უკრ. гривня) — უკრაინაშ ერუანული ფარაშ ართული 1996 წანაშე. გრივნაქ დოთირუ კარბოვანეცი, კუნტახანური ფარაშ ართული, ნამუთ მიშაღალირჷ რდჷ სხუნუეფიშ რსხუშ აკოცჷმაშ უკული (კარბოვანეცი რუბლიშ ექვივალენტი რე უკრაინულ ნინაშა). 1 გრივნა აკმოდირთუდჷ 100.000 კარბოვანეცშე. გრივნა აკმოდირთუ 100 კაპიკშე.

გრივნაშ სიმბოლო რე უკრაინული ასო ჰე-შ კურსივი, ჟირფა ჰორიზონტალური ღოზით, მუთ სტაბილურობას შანენს. გრივნაშ აბრევიატურა რე "გრნ" (грн., hrn). ISO 4217-იშ მეჯინათ გრივნაშ სავალუტო კოდი რე UAH, ვარდა 980. გრივნაშ სიმბოლოშ სპეციფიურ დიზაინქ, 2003 წანას უკრაინაშ ერუანულ ბანკიშე გჷმოცხადებული კონკურსიშ შედეგო გიშეგორუ.

2006 წანაშ 21 ფურთუთას გრივნაშ კურსი რდჷ 5.05 გრივნა 1 დოლარწკჷმა, ვარდა 6.01253 გრივნა 1 ევროწკმა უკრაინაშ ერუანული ბანკიშ ოფიციალური მუნაჩემეფით.

ასეიანი მომოულაშ ბანკნოტეფი

ღირებულება დო ზჷმეფი	სურათი		თარი ფერი	ავერსი	რევერსი იშაშკუმალაშ თარიღი
₴1 118 x 63 მმ.			ჸვინთელი-ცაშფერი	ვლადიმირ I დიდი (958–1015), ნოვგოროდიშ პრინცი, კიევიშ დიდი პრინცი დო კიევიშ რუსეთიშ მამართალი.	ვლადიმირ I–იშ ჯიხაშ კიდალა კიევს.	22 მესი, 2006
₴2 118 x 63 მმ.			ფორთოხალიშფერი	იაროსლავ ჭკვერი (978–1054), ნოვგოროდიშ პრინცი, კიევიშ დიდი პრინცი დო კიევიშ რუსეთიშ მამართალი.	კიევიშ წიმინდე სოფიაშ საკათედრო ოხიდა.	24 ეკენია, 2004
₴5 118 x 63 მმ.			ცაშფერი	ბოგდან ხმელნიცკი (1595-1657), ზაპოროჟალი კაზაკეფიშ გეტმანი	ოხვამე ოფუტე სუბოტივს.	14 მანგი, 2004
₴10 124 x 66 მმ.			ჟოლოშფერი	ივან მაზეპა (1639–1709), ზაპოროჟალი კაზაკეფიშ გეტმანი	კიევ-პეჩორაშ ლავრა	1 გერგობათუთა, 2004
₴20 130 x 69 მმ.			წვანე	ივან ფრანკო (18561916), პოეტი დო ჭარუ	ლვოვიშ ოპერაშ დო ბალეტიშ თეატრი	1 ქირსეთუთა, 2003
₴50 136 x 72 მმ.			იაშფერი	მიხაილო გრუშევსკი (1866–1934), ისტორიკოსი დო პოლიტიკოსი.	უკრაინაშ ცენტრალური რადაშ დგმილი ("მარწაფალეფიშ ჸუდე" კიევს).	29 მელახი, 2004
₴100 142 x 75 mm			ზეთიშხილიშფერი	ტარას შევჩენკო (1814-1861), პოეტი დო არტისტი	კობზარი თიშ მაჸვენჯი ბოშწკჷმა ართო.	20 ფურთუთა, 2006
₴200 148 x 75 მმ.			ვარდიშფერი	ლესია უკრაინკა (1871-1913), პოეტი დო ჭარუ	ლიუბარტაშ ყორში.	28 მესი, 2007
₴500 154 x 75 მმ.			ბურნათი	გრიგორი სკოვოროდა (1722–1794), ჭარუ დო კომპოზიტორი	კიევო-მოგილიანსკიშ აკადემიაშ ართ-ართი დგმილი.	15 ეკენია, 2006

რესურსეფი ინტერნეტის

ვიკიოწკარუეს^? რე ხასჷლა თემაშენ:

გრივნა

• History of Hryvnia
• National Bank of Ukraine announcement of Hryvnia Sign Archived 2007-03-10 ვებ-ხასჷლას Wayback Machine. (უკრაინული)
• Proposed symbols for hryvnia during design competition Archived 2007-09-30 ვებ-ხასჷლას Wayback Machine. (უკრაინული)
• Pictures of hryvnia bills introduced in 1997
• The first Ukrainian Money (1917-1922)