დავით ქირია

ვიკიპედიაშე
დავით ქირია
პიჯული ინფორმაცია
ერუანობა ქორთუ
დაბადებაშ თარიღი 9 ფურთუთა, 1988 (1988-02-09) (36 წანერი)
დაბადებაშ აბანი ზუგდიდი, საქორთუო
სიმაღალა 170 სმ.
წონა 70 კგ.
სპორტი
ქიანა საქორთუოშ შილა საქორთუო
სპორტი აშიჰარა კარატე, კიკბოქსინგი, სავატე
მაწვართალი სიეფ ვებერი, ნიეკი ჰოლცკენი, ბაჩუკი ფარცვანია

დავით ქირია (დ. 9 ფურთუთა, 1988, ზუგდიდი, საქორთუო) — ქორთუ კიკბოქსიორი. ლჷმენს ლექინი წონაშ კატეგორიას. 2014 წანაშ 8 მელახის, ხორვატიაშ ნანანოღა ზაგრების გჷნირთჷ მოსოფელიშ ჩემპიონო K1-Glory ვერსიას, ლექინი წონაშ კატეგორიას.


კარიერა[რედაქტირაფა | წყუშ რედაქტირაფა]

დებადჷ ინგირს, ზუგდიდიშ მუნიციპალიტეტის, საქორთუოს. 9 წანერქ დიჭყჷ აშიჰარა კარატეშ დოგურაფა აშიჰარა კარატეშ საირქიანო ორგანიზაციას.[1] 10 წანერი რდჷნ, თეჸურეშე დიჭყჷ კარატეშ ტურნირეფშა გიშულა მუშ მაწვართალწკჷმა, ბაჩუკი ფარცვანიაწკჷმა ართო. მოგვიანაფილო გინორთჷ ჰოლანდიაშა, სოდეთ ვარჯიშენდჷ აშიჰარა კარატეშ საირქიანო ორგანიზაციაშ დჷმარსხუაფალ დეივ იონკერწკჷმა Golden Glory-შ დარბაზის ლეგენდარულ მონკა წონაშ კატეგორიას მაჩხუპერ სემ შილტწკჷმა ართო.[2] 2009 წანას თიქ მიიგჷ ევროპაშ ჩემპიონატი კიოკუშიკაი კარატე კამაკურას.[3][4]

2008 წანას თურქეთის, სტამბოლს მანჯებულ Ring Masters Olympia-შ ოშქაშე ლექინ წონაშ კატეგორიას მანჯებულ ტურნირს თიქ გინორთჷ ფინალშა, სოდეთ სუმრაუნდამ ჩხუპის დემარცხჷ სომრაკ კამსინგწკჷმა.[5]

ათეშ უკული, ქირიაქ გინილჷ ოშქაშე წონაშ კატეგორიაშა. 2010 წანაშ 17 პირელს, თიქ აკათჷ 8 სუპერმაჩხუპერიშ ტურნირს ფრანკფურტის, გერმანიას. თიშ უმკუჯინუო, ნამჷ-და ნანთხალფინალს წაგჷ მარკო პიკეწკჷმან, თიქ იშენით გიშელჷ გვერდფინალშა შემსი ბექირიშ მანგიორო, ნამუსჷთ ჩხვინდიშ ტახუაშ გეშა ნირზიშა ვაგიშართინჷ. უკულ თიქ წაგჷ კრის ვან ვენპოეპწკჷმა.[6]

სპორტიშ მუსხირენ გომორსილ მაჩხუპერწკჷმა წისაფილი ბრელი წარე მარცხიშ უკული, ქირიაქ საბოლათ ქომიოჭირინუ დიდ გომორძგუას K-1-იშ ვეტერან უილიამ დინდერწკჷმა ხუთრაუნდამ ჩხუპის ასენს, ჰოლანდიას.[7]

ქირიაქ 2014 წანაშ 8 მელახის, ხორვატიაშ ნანანოღა ზაგრების მანჯებულ GLORY-შ ორგანიზაფილი მოსოფელიშ ჩემპიონიშ ტიტულიშ მატჩის გიმორძგვჷ. ლექინი წონაშ კატეგორიაშ (70 კგ-შახ) ფინალურ აკოხვალამას სურინამალ ენდი რისტის მა-5 რაუნდის ნოკაუტით გიორჯგინჷ.

ოშინალიე, ნამჷ-და GLORY-იშ ოფიციალურ რეიტინგის თი ბორჯიშო მაართა აბანს რდჷნ ფერ რისტის ოჭიშის 44 გომორძგუა უმანგარენდჷ დო ხვალე 3 მარცხი უღუდჷ, მორო ქორთუ მაჩხუპერწკჷმა იშენით მუთუნქ ვაქიმინჷ.[8]

2017 წანაშ 26 გერგობათუთას დავით ქირიაქ პარიზის მანჯებული ფრანგული კიკბოქსინგიშ (სავატე) მოსოფელიშ ჩემპიონატის გვერდფინალს გიორჯგინჷ უკრაინალ მაჩხუპერს სერგეი კალიუბას, ოდო ფინალს თაშნეშე დიდ ნძალეფით გიორჯგინჷ მოქიმინჯე ჩემპიონ ფრანგ ლუდოვიკ ნასიბოუს დო მოსოფელიშ ჩემპიონიშ ორტყაფუშ მინჯეთ გინირთჷ.

ტიტულეფი[რედაქტირაფა | წყუშ რედაქტირაფა]

კარატე[რედაქტირაფა | წყუშ რედაქტირაფა]

კიკბოქსინგი[რედაქტირაფა | წყუშ რედაქტირაფა]

  • Glory
    • ლექინი წონა: ჩემპიონი
  • აკოწყორილი ჩხუპეფი
    • MFN ჩემპიონი
  • Ring Masters Olympia
    • 2008 წანაშ Ring Masters Olympia: ფინალისტი

სავატე[რედაქტირაფა | წყუშ რედაქტირაფა]

  • კუნგფუშ მოსოფელიშ თასიშ ჩემპიონი
    • 2017 KFWC savate pro -70 კგ: ჩემპიონი

სქოლიო[რედაქტირაფა | წყუშ რედაქტირაფა]

  1. Ashihara International Karate Organisation (AIKO). კითხირიშ თარიღი: 2016-01-24.
  2. Rian Scalia. Davit Kiria: Road To GLORY Final 8 Video. კითხირიშ თარიღი: 2016-01-24.
  3. Kickboxing: America's Hollenbeck draws world number one in Glory Final 8. კითხირიშ თარიღი: 2016-01-24.
  4. 話題の成分クレアチニン|あまり耳にしない成分の恐るべく効果. კითხირიშ თარიღი: 2016-01-24.
  5. YouTube. YouTube. კითხირიშ თარიღი: 2016-01-24.
  6. http://www.groundandpound.de/allgemein/news/marco-pique-gewinnt-tournament/&usg=ALkJrhi_CpJWcNIbCpsx443_Yr7QjI2HNw[ღურელი რსხილი]
  7. Ashihara International Karate Organisation (AIKO) (2010-10-09). კითხირიშ თარიღი: 2016-01-24.
  8. დავით ქირია მოსოფელიშს ჩემპიონია!. კითხირიშ თარიღი: 2014-03-10.