ედვარდ დონალ ტომასი

ვიკიპედია-შე
ნავიგაციაზე გადასვლა ძიებაზე გადასვლა
ედვარდ დონალ ტომასი
ინგლ. Edward Donnall Thomas
Edward Donnall "Don" Thomas.jpg
დაბადებაშ თარიღი:

15 მელახი, 1920

დაბადებაშ აბანი:

მარტი, ტეხასი, ააშ

ღურაშ თარიღი:

გჷმათუთა 20, 2012 (92 წანერი)

ღურაშ აბანი:

სიეტლი, ვაშინგტონიშ შტატი, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

მედიცინა

სამუშაშ აბანი :

ვაშინგტონიშ უნივერსიტეტი
ბასეტიშ მედიცინაშ ცენტრი

ალმა-მატერი:

ტეხასიშ უნივერსიტეტი (ოსტინი)
ჰარვარდიშ მედიცინაშ სკოლა

ჯოხოშინელი მოგურაფეეფი:

ელოის გიბლეტი

ჩინებული რე მუჭოთ:

ლეიკემიაშ კურნალობაშ მეთოდიშ, ძვალიშ ტვინიშ ტრანსპლანტაციაშ დუმარსხუაფალი

ჯილდოეფი დო პრემიეფი:

ნობელიშ პრემია ფიზიოლოგიას დო მედიცინას (1990)
მენცარობაშ ერუანული მენდალი (1990)

ედვარდ დონალ ტომასი (ინგლ. Edward Donnall "Don" Thomas; დ. 15 მელახი, 1920, მარტი, ტეხასი, ააშ — ღ. 20 გჷმათუთა, 2012, სიეტლი, ვაშინგტონიშ შტატი, ააშ) — ამერიკალი ექიმი, ვაშინგტონიშ უნივერსიტეტიშ პროფესორი ემერიტუსი, 1990 წანას ნობელიშ პრემიაშ ლაურეატი ფიზიოლოგიაშ დო მედიცინაშ დარგის (ჯოზეფ მიურეიწკჷმა ართო). ტომასიქ, მუშ ოსური, ჰემატოლოგი დოთი ტომასიწკჷმა ართო, დარსხუ ძვალიშ ტვინიშ ტრანსპლანტაციაშ მეთოდი, ლეიკემიაშ კურნალობაშო.

ბიოგრაფია[რედაქტირაფა | წყუშ რედაქტირაფა]

ედვარდ დონალ ტომასი გურაფულენდჷ ქიმიას დო ქიმიურ ინჟინერიას, ტეხასიშ უნივერსიტეტის (ოსტინი). 1941 წანას ტომასიქ მიპალუ ბაკალავრიშ ხარისხი დო 1943 წანას მაგისტრიშ ხარისხი. ტომასიქ გურაფა გაგინძორჷ ჰარვარდიშ მედიცინაშ სკოლას დო 1946 წანას მიპალუ მედიცინაშ დოქტორიშ ხარისხი. რეზიდენტურას გურაფულენდჷ პეტერ ბენტ ბრიგემიშ ჰოსპიტალს. 1955 წანაშე რდჷ ბასეტიშ მედიცინაშ ცენტრიშ თარი ექიმი. ბასეტიშ ცენტრის ორთუდჷ ექსპერიმენტეფს დო ოკვირუდჷ ნამდა ჭუკეფი, ნამუსით მეღებულ აფუდეს რადიაციაშ ლეტალური დოზა, ძვალიშ ტვინიშ მიშაჸონაფაშ უკულ გინმასკიდუდეს. ტომასი ჭუკეფიშ უკულ ჯოღორეფშე ხოლო ორთუდჷ ექსპერიმენტეფს. ტომასიქ დო მუშ ოსურქ დოროთი (დოთი) ტომასიქ დარსხის ლეიკემიაშ კურნალობაშო ძვალიშ ტვინიშ ტრანსპლანტაციაშ მეთოდი.

პერსონალური რინა[რედაქტირაფა | წყუშ რედაქტირაფა]

ედვარდ დონალ ტომასიშ ოსური რდჷ დოროთი (დოთი) მარტინ ტომასი, ჰემატოლოგი. ჸუნდეს სუმი სკუა. დოთი ტომასი მუშ ქომონჯიშ ექსპერიმენტეფს მონაწილენდჷ დო მიშეღჷ დიდი თია ძვალიშ ტვინიშ ტრანსპლანტაციაშ დორსხუაფაშა. ჯორჯ სანტოსიქ, გიშარჩქინელ ტრანსპლანტოლოგიქ თქუ ნამდა ედვარდ დონალ ტომასი ქო რე ძვალიშ ტვინიშ ტრანსპლანტაციაშ მუმა და, დოროთი თე პროცედურაშ დიდა რე. ედვარდ დონალ ტომასიქ ღურუ 2012 წანაშ 20 გჷმათუთას, გურიშ ლახალათ. დოროთი (დოთი) ტომასიქ ღურუ 2015 წანაშ 9 ღურთუთას.

ჯილდოეფი დო პრემიეფი[რედაქტირაფა | წყუშ რედაქტირაფა]

  • 1979: ფილიპ ლევინიშ პრემია
  • 1981: კეტერინგიშ პრემია
  • 1987: კარლ ლანდშტაინერიშ პრემია
  • 1990: მენცარობაშ ერუანული მენდალი
  • 1990: გაირდნერიშ პრემია
  • 1990: ნობელიშ პრემია ფიზიოლოგიაშ დო მედიცინაშ დარგის
  • 1990: ტერი ფოქსიშ პრემია
  • 1990: მენცარობაშ საპრეზიდენტო მენდალი
  • 1992: ჯორჯ კობერიშ მენდალი

რესურსეფი ინტერნეტის[რედაქტირაფა | წყუშ რედაქტირაფა]