ეინარ ჰერცშპრუნგი
| ეინარ ჰერცშპრუნგი | |
| დან. Ejnar Hertzsprung | |
.jpg) ეინარ ჰერცშპრუნგი (მარძგვანი) დო კარლ შვარცშილდი გეტინგენიშ ობსერვატორიას, 1909 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
გჷმათუთა 21, 1967 (94 წანერი) |
| ღურაშ აბანი: |
როსკილე, დანია |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: |
კოპენჰაგენიშ პოლიტექნიკუმი |
| ჯილდოეფი დო პრემიეფი: |
ასტრონომიაშ ომაფე ჯარალუაშ ორქოშ მენდალი (1929) |
ეინარ ჰერცშპრუნგი (დან. Ejnar Hertzsprung; დ. 8 გჷმათუთა, 1873, კოპენჰაგენი, დანია — ღ. 21 გჷმათუთა, 1967, როსკილე, დანია) — დანიარი ქიმიკოსი დო ასტრონომი.
ბიოგრაფია დო მენცარული რკვიებეფი[რედაქტირაფა | წყუშ რედაქტირაფა]
ეინარ ჰერცშპრუნგი გურაფულენდჷ კოპენჰაგენიშ პოლიტექნიკუმს. გურაფაშ თებაშ უკული მუშენდჷ ლეიდენიშ უნივერსიტეტიშ ობსერვატორიას. 1937-1946 წანეფს რდჷ ლეიდენიშ ობსერვატორიაშ დირექტორი. 1913 წანას ჰერცშპრუნგიქ ზიმუ შხვადოშხვა ცეფეიდეფიშახ დისტანცია პარალაქსიშ გიმორინაფათ. ჰერცშპრუნგიქ აკეთჷ მურიცხეფიშ კლასიფიკაცია თინეფიშ სპექტრალური ტიპიშ დო გოვითარაფაშ ეტაპეფიშ მეჯინათ. ჰერცშპრუნგიქ, მურიცხეფიშ კლასიფიკაციაშ ბორჯის გიმირინუ ამერიკალი ასტრონომიშ ანტონია მორიშ კლასიფიკაცია. 1911–1913 წანეფს ჰერცშპრუნგიქ დო ჰენრი ნორის რასელიქ ზოხორინელო აკიმუშუს ჰერცშპრუნგ-რასელიშ დიაგრამა, ნამუთ ასეშახ გიმირინუაფჷ მურიცხეფიშ ტიპეფიშ დო მურიცხული ევოლუციაშ ეიონწყჷმალო. ეინარ ჰერცშპრუნგიქ მიოგორუ ჟირ ასტეროიდის: (1627) ივარის დო ამურის. ეინარ ჰერცშპრუნგი რდჷ შხვადოშხვა პრემიეფიშ დო ჯილდოეფიშ ლაურეატი. 1929 წანას ასტრონომიაშ ომაფე ჯარალუაქ ჰერცშპრუნგის გინოჩჷ ორქოშ მენდალი. 1937 წანას ჰერცშპრუნგიქ მიპალუ პრესტიჟული ბრიუსიშ მენდალი. ჰერცშპრუნგიშ ჯოხონობაშ რე ართი ასტეროიდი დო ართ-ართი კრატერი თუთას.