ენეოლითიშ ხანა

ვიკიპედიაშე

ენეოლითიშ ხანა (ლათ. aeneus — ლინჯი; ბერძ. lithos — ქუა) — ნეოლითიშე ბრონზეშ ხანაშა გინმალი პერიოდი, მუჟამსჷთ გორჩქინდჷ მუშითნაბადი ლინჯიშ რგილი დამუშებაშ შარათ ხაზირელი ანჯარი. ადამიერი ჭიეჭიეთ ეუფალებუ ლინჯიშ მადანიშ გითობუნაშ შარას, რჩქინდუ ლინჯიშ გითობუნილი ანჯარი დო სამკაული. ენეოლოთიშ ფარანს ქუაშ ანჯარწკჷმა ლინჯიშ ანჯარით ივარებუდჷ. მენცარეფიშ უმენტაშობა ენეოლითის გჷშმასხუნუნს მუჭოთ ზოხო ფარანს ვარინ, მუჭოთ ბრინჯაოშ ფარანიშ ორდოულ ეტაპის — ლინჯიშ ფარანს. შქაწყარმალონას დო ეგვიპტეს ენეოლითი იჭყაფუ ჯვშ. წ. IV ვითოშწანურას, ევროპას — ჯვშ. წ. III ვითოშწანურას. საქორთუოშ ტერიტორიას ენეოლითიშ ძეგლეფი რე: ამირანიშ ზუგი, არუხლოშ ზუგი, იმირიშ ზუგი, შულავერიშ ზუგი, თეთრი წყაროშ ნაოფუტარი.

ლიტერატურა[რედაქტირაფა | წყუშ რედაქტირაფა]