ვალტერ ნერნსტი
| ვალტერ ნერნსტი | |
| გერმ. Walther Nernst | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
გერგობათუთა 18, 1941 (77 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : |
გეტინგენიშ უნივერსიტეტი |
| ალმა-მატერი: |
ციურიხიშ უნივერსიტეტი |
| ომენცარე ხემანჯღვერი: | |
| ჯოხოშინელი მოგურაფეეფი: |
ფრენსის საიმონი |
| ჯილდოეფი დო პრემიეფი: |
ორდენი ხელუანობეფიშა დო მენცარობეფიშა მიშნაღელი თიაშო (1917) |
.svg){kind=small}
ვალტერ ჰერმან ნერნსტი (გერმ. Walther Hermann Nernst; დ. 25 მანგი, 1864, ბრიზენი, პრუსიაშ ომაფე — ღ. 18 გერგობათუთა, 1941, ციბელე, მასუმა რაიხი) — გერმანალი ქიმიკოსი. უმოსო მოღალენდჷ თერმოდინამიკას, ფიზიკური ქიმიას, ელექტროქიმიას დო მონგარი რსხულეფიშ ფიზიკას. ნერნსტიშ თეორემას უღუდჷ კაბეტი შანულობა თერმოდინამიკაშ მასუმა კანონიშ გოვითარაფაშო. ჸათეშ გეშათ ნერნსტის გინოჩეს ნობელიშ პრემია ქიმიაშ დარგის 1920 წანას. ნერნსტი, თაშნეშე შინელი რე განტოლებათ, ნამუთ თიქ 1887 წანას წჷმარინუ.
დებადჷ ნოღა ბრიზენს (ასეიანი ვომბჟეზნო, პოლონეთი). გურაფულენდჷ ფიზიკას დო მათემატიკას ციურიხიშ, ბერლინიშ, გრაციშ დო ვიურცბურგიშ უნივერსიტეტეფს. ოდოქტორე დისერტაცია თხილუ ვიურცბურგიშ უნივერსიტეტის, ფრიდრიხ კოლრაუშიშ ხემანჯღვერობათ 1887 წანას.
გურაფაშ თებაშ უკულ ნერნსტი მუშენდჷ ჰაიდელბერგიშ უნივერსიტეტის. გეტინგენიშ უნივერსიტეტის მუშობაშ ბორჯის აკადგინჷ ოხემანჯღვერე "თეორიული ქიმია", ნამუქჷთ მალას ითანგჷ ინგლისურ, ფრანგულ დო რუსულ ნინეფშა.
1905 წანას ნერნსტიქ წჷმარინუ "ახალი სიტიბაშ თეორემა", ნამუსჷთ უკულ გიარსხუ თერმოდინამიკაშ მასუმა კანონქ. ნერნსტიქ ოძირუ ნამდა მუჟამსჷთ ტემპერატურა დეხოლებჷ აბსოლუტურ ნულს, თაშნეშე ენტროპია ეხოლებჷ ნულს დო დუდიშული ენერგია ნულიშ ეშე რე.
ვალტერ ნერნსტი რდჷ შხვადოშხვა პრემიეფიშ დო ჯილდოეფიშ ლაურეატი. 1932 წანას გიშაგორილქ იჸუ ლონდონიშ ომაფე ჯარალუაშ მაკათურო.