თარგი:დღაშ მოლინეფი:07-26

აფონსო I

მალდივეფიშ რესპუბლიკაშ ზოხორინალაშ დღა (1965); კარგილიშ გომორძგუალაშ დღა

1139 : გრაფ აფონსუქ (სურათის) პორტუგალიაშ პირველ მაფათ გეგმიცხადჷ, კჷნე თიმ დღას პორტუგალიაქ კასტილიაშე გეგშერთჷ.

1788 : ბრიტანალ კოლონიზატორეფქ ავსტრალიას სიდნეი ქჷდარსხუეს.

1847 : ლიბერიაქ აფრიკაშ პირველ ზოხორინელ ქიანათ გჷნირთუ.

1945 : მაჟირა მოსოფელიშ ლჷმაშ მორსხუეეფქ პოტსდამიშ აპიჯალას მაჭარეს ხე.

1953 : ფიდელ კასტროქ წორომოარზეეფწკჷმა ართო ქეგიანთხჷ მონკადაშ კაზარმას, ნამუშით კუბაშ რევოლუციაქ დიჭყჷ.

1956 : ასუანიშ კაშხალიშ დოფინანსებაშე მოსოფელიშ ბანკიშ ვარიშ გეშა ეგვიპტეშ ლიდერ გამალ აბდელ ნასერქ სუეციშ სვირიშ ნაციონალიზაცია გჷმაცხადუ, ნამუქჷთ ერეფოშქაშე სკანდალიშ სამანჯელო გჷნირთუ.

1974 : საფრანგეთიქ კოკ მურუროას გვრიზილიურ ანჯარიშ გჷმოცადება მანჯჷ.