თუდოლენი სილეზიაშ სავოევოდე

**თუდოლენი სილეზიაშ სავოევოდე**
**პოლ. Województwo Dolnośląskie**
გერბი;	შილა;
ქიანა	პოლონეთი
სტატუსი	სავოევოდე
მიშმურს	30 პოვიატი
ფორჷნს	169 გმინას
ადმინ. ცენტრი	ვროცლავი
შხუ ნოღა	ვროცლავი
დორსხუაფაშ თარიღი	1999 წანაშ 1 ეკენია
მადუდე	ვოევოდი
ოფიც. ნინა	პოლონური
მახორობა (2024)	2 868 242
მეჭედალა	144,1 კოჩი/კმ²
ფართობი	19 946,77 კმ²
აბრევიატურა	DLS
კოდი ISO 3166-2	PL-02
ავტომ. ონომერე შანეფი	D, V
	ოფიციალური ვებ-ხასჷლა
	Lower Silesian Voivodeship

თუდოლენი სილეზიაშ სავოევოდე (პოლ. Województwo dolnośląskie^ⓘ, vɔjɛˈvut͡stfɔ dɔlnɔˈɕlɔ̃skjɛ) — პოლონეთიშ 16 სავოევოდეშე ართ-ართი ქიანაშ ობჟათე-ბჟადალშე, ნანანოღა — ვროცლავი. დირსხჷ 1999 წანას, ჸოფირი ვროცლავიშ, ლეგნიცაშ, იელენია-გურაშ, ვაუბჟიხიშ დო ნორთობურო ლეშნოშ დო კალიშიშ სავოევოდეეფიშ ტერიტორიეფიშ აკოკათუათ. სავოევოდოშ აკოდგინალუაშა მიშმურს ისტორიული სილეზიაშ ბჟადალი დო თუდოლენი სილეზიაშ უკაბეტაშ ნორთი, თაშნეშე კუოძკოშ დიხა, ჟიმოლენი ლუჟიცაშ ბჟაეიოლი დო ისტორიული საქსონიაშ (ბოგატინიას დო გოხოლუაშ ტერიტორიეფს) მორჩილი ნორთი. მოხურგე ქიანეფი რე გერმანია დო ჩეხეთი. სავოევოდეს უხურგანს ლუბუშიშ, ველიკოპოლსკიშ დო ოპოლეშ სავოევოდეეფი. 2023 წანაშ 30 მანგიშ მუნაჩემეფით სავოევოდეს ოხორანს 2 883 133 ადამიერი.

ისტორია

1975–1998 წანეფიშ სავოევოდეეფი თეხანური თუდოლენი სილეზიაშ სავოევოდეშ ხურგეფს

თუდოლენი სილეზიაშ სავოევოდექ გიჭყჷ 1999 წანას, გეჸვენჯი წიმოხიანი სავოევოდეეფიშ ადმინისტრაციული დორთუალაშე:

იელენია-გურა (ედომუშამო)
ლეგნიცა (ედომუშამო)
ვაუბჟიხი (ედომუშამო)
ვროცლავი (ედომუშამო)
კალიში (ოლეშნიცაშ პოვიატიშ გმინეფი: ჯიადოვა კუოდა, მიენძიბუჟი, სიცუვი)
ლეშნო (გურაშ პოვიატიშ გმინეფი).

გეოგრაფია

2024 წანაშ 1 ღურთუთაშ მუნაჩემეფით, სავოევოდეშ ფართობი რე 19,947.04 კმ², ნამუთ პოლონეთიშ ფართობიშ 6.4%-ის აკმადგინანს^[1].

2012 წანაშ 31 ქირსეთუთაშ დგომარობათ, თუდოლენი სილეზიაშ სავოევოდეშ ტყალეფიშ ფართობი 591,3 ვითოში ჰექტარს აკმადგინანდჷ, ნამუთ სავოევოდეშ 29,6%-ის აკმადგინანდჷ. ტყალეფიშ 9,7 ვითოში ჰექტარი ერუანული პარკეფს უკებუ.