იაპონური ვიკიპედია

ვიკიპედია-შე
გეგნორთი: ნავიგაცია, გორუა
ვიკიპედიაშ შანი იაპონური ვიკიპედია
ウィキペディア日本語版
Wikipedia-logo-v2-ja.svg
მიოწურაფუ: ja.wikipedia.org
კომერციული: ვარი
საიტიშ ტიპი: რშვილური ენციკლოპედია
რეგისტრაცია: ვა რე უციო
ნინა: იაპონური
მინჯე: ფონდი ვიკიმედია
მუშობაშ დოჭყაფა: 2002 წანაშ ეკენია
სტატიეფიშ მუდანობა: 835,509
ხასჷლეფიშ მუდანობა: 2,281,686
რედაქტირაფეფიშ მუდანობა: 46,214,611
რეგისტრირაფილი მახვარებუ: 685,131
აქტიური მახვარებუ: 11,692
ადმინისტრატორი: 58
სიტომბა: 60.7

იაპონური ვიკიპედია (იაპონ. ウィキペディア日本語版) — ვიკიპედიაშ ნორთი იაპონურ ნინაშა. დუდიშული ღილე ინტერნეტ ენციკლოპედია. 2012 წანაშო იაპონურ ვიკიპედიას 800 ვითოშშე უმოსი სტატია რდჷ. ასეშო იაპონური ვიკიპედია სტატიეფიშ მუდანობაშ მეჯინათ 9 აბანს რე დო თე მაძირაფალით ეკასქიდუ ინგლისურ, გერმანულ, ფრანგულ, ნიდერლანდურ, იტალიურ, პოლონურ, ესპანურ დო რუსულ ვიკიპედიეფს. იაპონურ ვიკიპედიაქ 2002 წანაშ ეკენიას დირსხუ. 2006 წანაშო იაპონურ ვიკიპედიას 200 ვითოში სტატია რდჷ, 2008 წანას სტატიეფიშ მუდანობაქ 500 ვითოშს მიოჭირინუ. 2011 წანაშ მელახშო სტატიეფიშ მუდანობათ 7 აბანი დეკინჷ. იაპონური ვიკიპედია ვაინდოევროპულ ნინეფშა რსებულ ვიკიპედიეფს შქას უდიდაში რე.

2001 წანაშ მელახის დირსხუ 3 ვაინგლისურნინამ ვიკიპედიაქ – გერმანული, კატალანური დო იაპონური. იაპონური ვიკიპედიაშ ხასჷლაშ მიოწურაფუ რდჷ nihongo.wikipedia.com დო რსებული ხასჷლეფი ლათინური ანბანით ვარდა რომაძიშა რდჷ ჭარილი, თიშენ ნამჷ-და თი ბორჯიშ პროგრამული უნარღელჸოფა იაპონურ სიმბოლოეფშო ვამუშენდჷ. თარ ხასჷლას ვერტიკალური ტექსტეფიშ აკოქიმინუაშ ცადება რდჷ. მაართა სტატიას ჯოხოდჷ „Nihongo No Funimekusu“. 2001 წანაშ ქირსეთუთაშახ იაპონურ ვიკიპედიას ხვალე 2 სტატია რდჷ. იაპონურ ვიკიპედიას ასე 64 ადმინისტრატორი რე, აქტიური მახვარებუეფიშ რიცხუ შანულამი რე. ნიუ-იორკ ტაიმზიშ მეჯინათ, ვიკიპედიაშ იაპონური ნინაშ ნორთის სტატიეფიშ დიდი ნორთი ენძღვიებუ პოპ-კულტურას, კერზოთ: კინოფილმეფს, ანიმაციას, მუსიკას, კომიქსეფს.[1]

რესურსეფი ინტერნეტის[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]


ვიკიპედია

ვიკიპედია იკათუანს გჷნართას
იაპონურ ნინაშა
ウィキペディア日本語版