ესპანური ვიკიპედია

ვიკიპედიაშე
ვიკიპედიაშ შანი ესპანური ვიკიპედია
Wikipedia en español
მიოწურაფუ: es.wikipedia.org
კომერციული: ვარი
საიტიშ ტიპი: რშვილური ენციკლოპედია
რეგისტრაცია: ვა რე უციო
ნინა: თარგი:L es
მინჯე: ფონდი ვიკიმედია
მუშობაშ დოჭყაფა: 2001 წანაშ 11 მესი
სტატიეფიშ მუდანობა: 1,933,511
ხასჷლეფიშ მუდანობა: 8,107,716
რედაქტირაფეფიშ მუდანობა: 157,923,321
რეგისტრირაფილი მახვარებუ: 7,075,337
აქტიური მახვარებუ: 15,144
ადმინისტრატორი: 58
სიტომბა: 198.6

ესპანური ვიკიპედია (ესპ. Wikipedia en español) — დუდიშული ონლაინ ენციკლოპედია ვიკიპედიაშ ნორთი ესპანურ ნინაშა. 2012 წანაშ ღურთუთაშო 862 100 სტატიაშე უმოსის იკათუანდჷ. ესპანურ ვიკიპედიაქ დირსხუ 2001 წანას დო სტატიეფიშ მუდანობაქ 2006 წანაშ 8 მელახის 100 000-ის მიოჭირინუ. ასე, სტატიეფიშ მუდანობაშ მეჯინათ ვიკიპედიას მაამშვა აბანი უკებჷ. 2011 წანაშ 26 გჷმათუთას პოლონურ ვიკიპედიას გუწორუ, მარა 30 გჷმათუთას ნიდერლანდურ ვიკიპედიაქ უკახალე ქეკიტუ. დიდი ხანიშ გოძვენას, ესპანური გჷნართი სიდიდათ მაამშხვა რდჷ, სოიშახ 2005 წანაშ მესის გიანწყაფუდჷ პორტუგალიურინ, თიმ წანაშ მარაშინათუთას იტალიური ვიკიპედია, უკული შხვეფით, ნამუშ შედეგო ესპანურ ვიკიპედიაქ მა-10 აბანშა გეგნორთჷ. 2007 წანაშ 18 გერგობათთას, სტატიეფიშ მუდანობაქ 300 000 აკადგინჷ. 2013 წანაშ 17 მესის, ესპანური ვიკიპედიაშ სტატიეფიშ მუდანობაქ 1 მილიონს გჷნაჩირთჷ.

2002 წანაშ ფურთუთას, გჷნართიშ მიარე მახვარებუ ვათანხმუდჷ (უკულიანს უარაფილ) ფინანსეფიშ მოჭირინაფას რეკლამაშ რზათ, ნამუეფქჷთ ვიკიპედიას გეგშერთეს დო გჷმაქიმინეს ფორკი Enciclopedia Libre Universal en Español. აკორთაფაშ უკული, ვიკიპედიას ძალამი მერკე აქტიურაფა რდჷ პროგრამული უნარღელჸოფაშ გოახალაფაშ მასუმა ფაზაშახ, ნამუსჷთ უკული მედიავიკიქ გიადჷ ჯოხოთ. თე მომენტშე ახალ მახვარებუეფიშ მუდანობაქ კინ ძინა დიჭყჷ. ჟირხოლო პროექტი წორორსებას აგჷნძორენს, მარა ესპანური ვიკიპედია თე ჟირ შქას უზიტყვეთ უმოსი აქტიური რე.

ზჷმა დო მახვარებუეფი[რედაქტირაფა | წყუშ რედაქტირაფა]

ესპანურ ვიკიპედიას მახვარებუეფიშ მაჟირა უდიდაში მახორობა ჸუნს ინგლისურიშ უკული.[1] მორო, სტატიეფიშ მუდანობაშ მეჯინათ მაამშვა რე, თიშ უმკუჯინალო, ნამჷ-და თიშ წჷმი მარენჯი ვიკიპედიეფს თი ნინეფშა მორაგადეებიშ ბრელით მორჩილ მახორობა ჸუნსჷნ, სამანგათ გერმანულ, ფრანგულ დო იტალიურ ვიკიპედიეფს. ხარისხიშ მეჯინათ, სამანგათ სტატიაშ ზჷმათ (2 KB-შე უმოსი: 40%) ვით უდიდაშ ვიკიპედიაშ შქას მაჟირა აბანს რე გერმანულიშ უკული.[2]

2006 წანაშ მუნაჩემეფით, ქიანეფიშ მეჯინათ, თიაშ მიშმაღალარი თარ ქიანა რდჷ ესპანეთი (რედაქტირაფეფიშ 39,2%), თის გეჸუნდჷ არგენტინა (10,7%), ჩილე (8,8%), ნიდერლანდი (8,4%), მექსიკა (7,0%), ვენესუელა (5,1%), პერუ (3,5%), ააშ (3,1%), კოლუმბია (2,7%), ურუგვაი (1,3%) დო გერმანია (1,1%).[3]

თი ქიანეფს შქას, სოდე ესპანური ოფიციალური ნინა რენ, არგენტინას, ესპანეთის, ვენესუელას, მექსიკას დო ჩილეს ფუნქციონირენს ფონდ ვიკიმედიაშ აბანური გჷნართეფი.

ენციკლოპედიაშ გჷმორინაფა ესპანეთის[რედაქტირაფა | წყუშ რედაქტირაფა]

Netsuus-იშ რკვიაშ მეჯინათ, ესპანეთის, ვიკიპედიაშ მახვარებუეფიშ 97% ესპანურ ვიკიპედიას გჷმირინუანს, 2,17% კატალანურს, 0,64% გალისიურს დო 0,26% ბასკურს.[4]

გინორთეფი შხვა ვიკიპედიეფშე[რედაქტირაფა | წყუშ რედაქტირაფა]

  • 2004 წანაშე, ესპანური ვიკიპედია მეურე ხვალე დუდიშულ სურათეფს, fair use — საართო ხონარიშ მეჩამათ ივარუ.[5] 2006 წანაშე გჷნოჭყორდჷ, ნამჷ-და ვარია თქუან აბანურო ეხარგელ ფაილეფშე დო გჷმირინუან ხვალე ვიკიოწკარუეშ ფაილეფი.[6]
  • ფრანგული დო ინგლისური ვიკიპედიეფშე გინორთით, ესპანურს 2007 წანაშ ღურთუთაშახ ვაჸუნდჷ საარბიტრაჟე კომიტეტი.
  • დეჭიჭარჷ სტატიაშ დუდჯოხოშ ელახ რსებულ კანკალე თანგიქ, სამანგათ სანავიგაციე ვარდა გეოგრაფიულ კოორდინატეფიშიქ.[7]
  • 2004 წანაშ მარაშინათუთაშე, ხონარიშ მეჩამაშ ოსხირით ადმინისტრატორეფს ჯოხონა bibliotecarios (ბიბლიოთეკარეფი).

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ:

სქოლიო[რედაქტირაფა | წყუშ რედაქტირაფა]

  1. Alexa:Wikipedia Traffic Details[ღურელი რსხილი]
  2. Wikipedia Statistics Tables - Articles over 2Kb
  3. Edits by project and country of origin as described in Meta.
  4. Especial: Lenguas Oficiales en Wikipedia. Netsuus.com. დოარქივაფილი რე ორიგინალშე 2007-09-30-ს. კითხირიშ თარიღი: 2007-07-26.
  5. Votaciones/2004/Usar sólo imágenes libres, Spanish Wikipedia
  6. Votaciones/2006/Cambiar políticas y reglas de uso de imágenes, Spanish Wikipedia
  7. Plantillas de navegación, Spanish Wikipedia


ვიკიპედია
ვიკიპედია

ვიკიპედია იკათუანს გჷნართას
ესპანურ ნინაშა
Wikipedia en español