იტალიური ვიკიპედია

ვიკიპედიაშე
ვიკიპედიაშ შანი იტალიური ვიკიპედია
Wikipedia in italiano
მიოწურაფუ: it.wikipedia.org
კომერციული: ვარი
საიტიშ ტიპი: რშვილური ენციკლოპედია
რეგისტრაცია: ვა რე უციო
ნინა: იტალიური
მინჯე: ფონდი ვიკიმედია
მუშობაშ დოჭყაფა: 2001 წანაშ 11 მანგი
სტატიეფიშ მუდანობა: 1,853,824
ხასჷლეფიშ მუდანობა: 7,943,460
რედაქტირაფეფიშ მუდანობა: 138,041,538
რეგისტრირაფილი მახვარებუ: 2,492,351
აქტიური მახვარებუ: 8,080
ადმინისტრატორი: 120
სიტომბა: 187.5

იტალიური ვიკიპედია (იტალ. Wikipedia in italiano) — ვიკიპედიაშ ნორთი იტალიურ ნინაშა. დირსხუ 2001 წანას. 2011 წანაშ 4 გჷმათუთაშ მუნაჩემეფით, იტალიური ვიკიპედია იკათუანდჷ 847 218 სტატიას. ინგლისური, გერმანული დო ფრანგული ვიკიპედიეფიშ უკული იტალიური ვიკიპედია სტატიეფიშ მუდანობაშ მეჯინათ მაანთხა აბანს იკენდჷ.[1] აქტიურობა იტალიურ ვიკიპედიას მიოხე 2001 წანაშ 11 მანგიშე. 2007 წანაშო სტატიეფიშ მუდანობა გჷთმითანჯუდჷ 250 ვითოში სტატიათ. 2011 წანაშ მესიშ დგომარობათ, იტალიურ ვიკიპედიას სტატიეფიშ მუდანობაქ 800,000 ვითოშის ქჷმიოჭირინუ.

2011 წანაშ პროტესტი[რედაქტირაფა | წყუშ რედაქტირაფა]

იტალიურ ვიკიპედიას გჷმორაგადელი პროტესტი (2011 წანაშ 4-6 გჷმათუთა)

2011 წანაშ 4 გჷმათუთას, იტალიურ ვიკიპედიაქ კანონპროექტიშ DDL intercettazioni პროტესტიშ შანო ქიმინჯალა მეჭყვიდჷ. ხეთეშე ენციკლოპედიაშ არძა ხასჷლაქ დიკილჷ.[2]

კანონპროექტი, ნამუსჷთ გჷთმოსხუნუნდჷ იტალიაშ პარლამენტი, ითოლიშწორენს ინტერნეტ-რესურსეფს რსებული არძანერი ინფორმაციაშ უციო გჷნომორსებას ვარდა ეშაღალას, ნამუსჷთ გჷმაცხადაფალი თიში რეპუტაციაშო ოზარალეთ მირჩქინასჷნ. თეწკჷმა ოხვილური ვეჸუაფუდჷ სასამართალო გჷნოჭყვიდირი ვარდა სამართალმათხილე ორგანოეფიშ ფორმალური მოთხირეფი.[3]

თე კანონპროექტის პროტესტი გჷმუცხადჷ იტალიურ ვიკიპედიაქ, ნამუშ ადმინისტრატორეფქ „დოფორეს“ ენციკლოპედიას რსებული არძა ინფორმაცია. ფონდ ვიკიმედიაქ კინ თიმ დღას იტალიურ ვიკიპედიას ალარჷნალა გჷმუცხადჷ.[4] საართო ჯამს, პეტიცია ნაძირეფი რე დოხოლაფირო ბრუო მილიონშახ.[5]

2011 წანაშ 6 გჷმათუთას საიტიქ გინწყჷ, ნამუთ დიო ხოლო ოძირანდჷ თარ ბანერს, სოდე ენწყჷმილი რდჷ ოგიშაგორუე მოჩამილობა. ასე რჩქვანელობურ რეჟიმს მუშენს.

რესურსეფი ინტერნეტის[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]


ვიკიპედია
ვიკიპედია

ვიკიპედია იკათუანს გჷნართას
იტალიურ ნინაშა
Wikipedia italiana