იონიაშ ზუღა
იონიაშ ზუღა იდვალუაფუ სქირონაშქა ზუღაშ ოორუეშე დო ადრიატიკაშ ზუღაშ ობჟათეშე. ზუღაშ ბჟაეიოლშე იდვალუაფუ იტალიაშ რეგიონეფი — კალაბრია დო სიცილია, კინე თაქ იდვალუაფუ იტალიაშ ჩქონი სალენტო ხოლო. იონიაშ ზუღაშ ოორუე-ბჟადალშე იდვალუაფუ ალბანეთი, ოორუე-ბჟადალშე — შანულამი კოკეფი, ნამუთ საბერძნეთის ორხველჷ, თინეფშეეიოშინალი რე: კერკირა, ზაკინფი, კეფალინია, ითაკა დო ლეფკასი. საბერძნეთიშ აკოდგინალუაშა მიშმურს იონიაშ კოკეფიშ არქიპელაგი ხოლო. იონიაშ ზუღა იდვალუაფუ მოსოფელიშ ართ-ართ არძაშე აქტიური სეისმურ ზონას.
იონიაშ ზუღაშ ფართობი რე - 169 ვთშ კმ ², მაქსიმალური სიტომბა - 5121 მ, თენა რე სქირონაშქა ზუღაშ არძაშე ტომბა აკანი. ფურთუთას ზუღაშ ტემპერატურა ალმადგინანს - 14 °C, მარაშინათუთას - 25,5 °C. თიში გეოგრაფიული კოორდინატეფი რე: / .[1][2]
გეოგრაფია
[რედაქტირაფა | წყუშ რედაქტირაფა]
გოფაჩუალა
[რედაქტირაფა | წყუშ რედაქტირაფა]ოერეფოშქაშე ჰიდროლოგიური ორგანიზაცია ზუღაშ ხურგეფს გეჸვენჯიშობურო გჷთმოთანჯუნს:[3]
ოორუეშე. ალბანეთის მადვალუ წყარმალუ ბუტრინტიშ ნოველაშე (39°44'N), კარაგოლიშ კოდმეშე კერკირაშახ (39°45'N), წყარპიჯიშ ღოზიშ მანგას კერკირაშე კაფალიშ კოდმეშახ (39°45'N) დო უკული სანტა-მარიდე-ლუჩიაშ კოდმეშახ იტალიას.
ბჟაეიოლშე. ალბანეთისმადვალუ წყარმალუ ბუტრინტაშ ნოველაშე (39°44'N) გიმე წყარპიჯი ღოზიშ გოჸუნაფას მატაპანიშ კოდმეშახ.
ბჟადალშე. მატაპანიშკოდმეშე პასეროშ კოდმეშახ, სიცილიაშ უკიდაში ობჟათე ჭურჭული.
ობჟათეშე. სიცილიაშ ობჟათე წყარპიჯი დო იტალიაშ ობჟათე-ბჟადალი წყარპიჯი სანტა-მარიდე-ლუჩიაშ კოდმეშახ.
ოქიანუეფი
[რედაქტირაფა | წყუშ რედაქტირაფა]ობჟათშე ოორუე-ბჟადალშა, უკულ ოორუეშე ობჟათე-ბჟაეიოლი გეჸვენჯობათ:
- სირაკუზა, ონიშოლი (ობჟ.)
- კატანია, ონიშოლი (ობჟ.)
- ტარანტო, ონიშოლი (ოორ.)
- სარანდა, ონიშოლი დო წყარპიჯი (ოორ-ბჟაეიო.)
- პარგა, მორჩილი ონიშოლი
- პრევეზა, ონიშოლი (ბჟაეიო.)
- ანტიკური პალეროსი
- ასტაკოსი
- ფისკარდო, მორჩილი პორტი
- კერი
- ზახარო, წყარპიჯი დო ტერმინალი
- მეთონი, მორჩილი ონიშოლი დო სანაპირო
- იონიაშ კოკეფი
ჸუჯეფი დო საროტეფი
[რედაქტირაფა | წყუშ რედაქტირაფა]- მესინიშ საროტი, (ობჟ.)
- კატანიაშ ჸუჯი, (ობჟ.)
- ტარანტოშ ჸუჯი, (ოორ-ბჟად.)
- ამბრასინიშ ჸუჯი, (ბჟაეიო.)
- პატრასიშ ჸუჯი, მითმიარსხუ კორინთოშ ჸუჯის (ობჟ.-ბჟაეიო.)
- კიპარისიაშ ჸუჯი, (ობჟ.-ბჟაეიო.)
- მესინიშ ჸუჯი, (ობჟ.-ბჟაეიო.)
- ლაკონიაშჸუჯი, (ობჟ.-ბჟაეიო.)
რესურსეფი ინტერნეტის
[რედაქტირაფა | წყუშ რედაქტირაფა]- Preveza Weather Station SV6GMQ - ტაროსიშ არსებული დგომარეობა Archived 2011-07-21 ვებ-ხასჷლას Wayback Machine. (ინგლისურო დო ბერძენულო)
სქოლიო
[რედაქტირაფა | წყუშ რედაქტირაფა]- ↑ Barale, Vittorio (2008). "The European Marginal and Enclosed Seas: An Overview", რედ. Vittorio Barale and Martin Gade (eds): Remote Sensing of the European Seas. Springer Science+Business Media, 3–22 ხს.. ISBN 978-1402067716. კითხირიშ თარიღი: 28 August 2009.
- ↑ NCMR - MAP Archived 2009-08-28 ვებ-ხასჷლას Wayback Machine.
- ↑ Limits of Oceans and Seas, 3rd edition. International Hydrographic Organization (1953). კითხირიშ თარიღი: 7 February 2010.