იაპონიაშ დინოხოლენი ზუღა
| იაპონიაშ დინოხოლენი ზუღა | |
|---|---|
| |
| იაპონიაშ დინოხოლენი ზუღაშ მიოჯინი | |
| ზოგადი ინფორმაცია | |
| ოკიანეშ ღანჩო | რჩქალი ოკიანე |
| ტიპი | დინოხოლენი |
| გეოგრაფიული კოორდინატეფი | / |
| ფართობი | 18000 კმ² |
| ოშქაშე სიტომბა | 20-60 მ |
| უდიდაში სიტომბა | 241 მ |
| სიგჷრძა | 445 კმ |
| სიგანა | 55 კმ |
| ქიანა |  იაპონია
|
| კოკი | ჰონსიუ კიუსიუ სიკოკუ |
| წყარიშ ტემპერატურა | 16-27 °C |
| ჯიმუამობა | 30—34 ‰ |
| ონიშოლი | ოსაკა კობე ხიროსიმა სიმონოსეკი კიტაკიუსიუ |
| ფაუნა | 500 გვარობაშ ოზუღე ჩხოლარი |
იაპონიაშ დინოხოლენი ზუღა, სეტო-ნაიკაი — ზუღა რჩქალ ოკიანეს. ოორუეშე დო ბჟაეიოლშე აკოხურგელი რე კოკი ჰონსიუშ ბჟადალი ნორთიშ ობჟათ წყარპიჯით, ობჟათე-ბჟადალშე უხურგანს კოკი კიუსიუშ წყარპიჯი, ობჟათეშე კოკი სიკოკუშ ოორუე წყარპიჯი. ზუღა უმენტაშო იზოლირებული რე იაპონიაშ დო ფილიპინიშ ზუღეფშე დო ხვალე უგნუხურგუეთ რე მერსხილი თინეფწკჷმა, ოორუეშე ინწრო დო თხითხუ (10-10,5 მ) კამონიშ საროტი რე. რჩქალი ოკიანეს მითმიარსხუ კიიშ დო ბუნგოშ საროტეფით, იაპონიაშ ზუღას — სიმონოსეკიშ საროტით. ზუღა გინოზინდილი რე დოხოლაფირო განედიშ მალობათ. კოკეფშქაფონი კონტინენტური ზუღა რე. სიგჷრძა 445 კმ, სიგანე 55 კმ, ფართობი 18 000 კმ². მაქსიმალური სიტომბა 241 მ. ოშქაშე სიტომბა 20-60 მ. ჯიმუამობა 30-34 ‰.
ზუღას დოხოლაფირო 3000 კოკი რე, ნამუთ იკენს ზუღაშ ოფრჩაშ უმენტაშ ნორთის. კოკეფი გიშართილი რე მიარე მუდანობაშ საროტით. წყარპიჯეფი ძალამ დოწეწილი რე. ზუღაშ შქა ნორთი ძალამი მორჩილწყარამი რე. ზუღა ეშადგჷ ოორუე გვერდოსფეროს სუბტროპიკულ ზონას. ზუღა წჷმარინუანს იაპონიაშ შამულამ დინოხოლენ ოზუღე შარას. ზოთონჯს აზიაშ მატერიკშა იფაჩუ მაღალი წნევაშ ჸინჩი ოლქი, რჩქალი ოკიანეშ ოორუე ნორთის გოფაჩილი რე ალეუტიშ მინიმუმი, ნამუშ ცენტრი ილოკალიზებუ ალეუტიშ რანწკიშ ბჟაეიოლ ნორთის. თეშენ იაპონიაშ დინოხოლენი ზუღაშ ღილე ოფირჩეფს გოპატჷნაფილი რე ოორუე-ბჟადალიშ დო ოორუეშ ბორიეფი (ზოთონჯიშ მუსონი), ნამუშ გომაჟირაფა 60%-ის გინმანჭუ, თინეფიშ სიჩქარა ოშქაშეთ ომანგჷ - 3-4 მ/მრ-ს (ზოხო თუთეფს თე მაძირაფალი ძინულენს). წყარპიჯეფიშ რთულ ოროგრაფიას გოლინა უღჷ ბორიეფიშ მალობაშა დო სიჩქარაშა.
ზოხო რაიონეფს (კამონიშ საროტი) ბორიეფი მალობაშჸურე ძალამ ვაჸინჩიერი რე. თქ ბორიაშ სიჩქარა ოშქაშეთ ონჭუ 4-6 მ/მრ-ს.წყარპიჯიშ შხვა მუნაკვთეფს ბორიეფი შხირას ონჭუნა შტორმულ ნძალას (ბუნგოშ საროტი, ჰონსიუშ წყარპიჯი დო შხვა). თე სეზონს ზუღაშ დიდ ნორთის იფიქსირებუ 2-4, აკან-აკან - 6-12 შტორმული დღა. შტილი ძალამი მერეთ რე. ზარხული ჩხე დო ძალამ ლამე რე. მანგიშ შქა რიცხუეფს ძალიერი მუნაფეფი ფორუნა ცას დო დღა ვენკურს წვემაშ უმუშო. დუმახასიათებელი რე მუნაფილი, ჩხე, წვემამი ამინდეფი სინთიერი დღალეფიშ უმუშო. უჯვეშაში ზონაშ წყარპიჯეფი იზომიერებუ ბრიზით, მარა სერიშ საათეფს რგილი ზუღშ ბრიზი მეთმეჭყორდუ დო ტაროსი ჩხეთ, ლამეთ დო მონკათ გჷნმირთუ.
თარი ონიშოლეფი: კობე, ოსაკა, სიმონოსეკი დო შხვა.
რესურსეფი ინტერნეტის
[რედაქტირაფა | წყუშ რედაქტირაფა]
შეგილებუნა ქოძირათ მედიაფაილეფი თემაშე „იაპონიაშ დინოხოლენი ზუღა“ ვიკიოწკარუეს.- იაპონიაშ დინოხოლენი ზუღა — დიდი სხუნუეფიშ ენციკლოპედია[ღურელი რსხილი] (რუს.)
- იაპონიაშ დინოხოლენი ზუღა — ენციკლოპედია ბრიტანიკა (ინგლისური)
ლიტერატურა
[რედაქტირაფა | წყუშ რედაქტირაფა]- Б. С. Залогин, А. Н. Косарев., Моря, Мысль, Москва, 1999.