ლუდვიგ ფოიერბახი

ლუდვიგ ფოიერბახი
	ლუდვიგ ფოიერბახი
	გერმ. Ludwig Feuerbach
დაბადებაშ თარიღი:	28 კვირკვე, 1804
დაბადებაშ აბანი:	ლანდსჰუტი, ბავარიაშ საკურფიურსტო
ღურაშ თარიღი:	ეკენია 13, 1872 (68 წანერი)
ღურაშ აბანი:	რეხენბერგი, ნიურნბერგიშ გოხოლუას, გერმანიაშ იმპერია
მენოღალობა:	ბავარიაშ ომაფე
ომენცარე სფერო:	ფილოსოფია,; ანთროპოლოგია
ალმა-მატერი:	ჰაიდელბერგიშ უნივერსიტეტი; ბერლინიშ უნივერსიტეტი; ერლანგენიშ უნივერსიტეტი
ხეშმოჭარუა:

ლუდვიგ ანდრეას ფონ ფოიერბახი (გერმ. Ludwig Andreas von Feuerbach; დ. 28 კვირკვე, 1804, ლანდსჰუტი, ბავარიაშ საკურფიურსტო — ღ. 13 ეკენია, 1872, რეხენბერგი, ნიურნბერგიშ გოხოლუას, გერმანიაშ იმპერია) — გერმანალი ფილოსოფოსი დო ანთროპოლოგი.

დებადჷ გიშარჩქინელი გერმანალი იურისტიშ პაულ იოჰან ანსელმ ფონ ფოიერბახიშ ფანიას. გურაფულენდჷ თეოლოგიას ჰაიდელბერგიშ უნივერსიტეტის. ჸათაქ ფოიერბახიქ, კარლ დობიშ გოლინათ დეინტერესჷ ჰეგელიშ ფილოსოფიათ. 1824 წანაშე ფოიერბახიქ გურაფა გაგინძორჷ ბერლინიშ უნივერსიტეტის. ოდოქტორე დისერტაცია თხილუ 1828 წანას, ერლანგენიშ უნივერსიტეტის.

ლუდვიგ ფოიერბახიშ არძაშე უმოსო შანულამი დო გოლინიანი ნახანდი რე "ქირსიანობაშ არსი", ნამუქჷთ 1841 წანას გიშართჷ დო ნამუთ ქირსიანობაშ კრიტიკა რე. ჸათე ნახანდიქ დიდი გოლინა იღვენუ უკულიანი პერიოდიშ ინტელექტუალეფიშ ჩარლზ დარვინიშ, კარლ მარქსიშ, ზიგმუნდ ფროიდიშ, ფრიდრიხ ენგელსიშ, რიხარდ ვაგნერიშ დო ფრიდრიხ ნიცშეშ არზუანობაშა.

ფოიერბახი რდჷ ათეიზმიშ ადვოკატი დო ანთროპოლოგიური მატერიალიზმიშ პროპონენტი. ფოიერბახი, მუში ფილოსოფიური ნაჭარეფიშ უმენტაშობას, კრიტიკულო აანალიზენს რელიგიას. ფოიერბახიშ იდეეფქ დიდი გოლინა იღვენუ ისტორიული მატერიალიზმიშ გოვითარაფაშა.

რესურსეფი ინტერნეტის[რედაქტირაფა | წყუშ რედაქტირაფა]