მარკიზ დე სადი
| მარკიზ დე სადი | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ქირსეთუთა 2, 1814 (74 წანერი) |
| ღურაშ აბანი: |
შარანტონი, ვალ-დე-მარნი, საფრანგეთიშ ომაფე |
| ერუანობა: | |
| საქვარუა: | |
| პერიოდი : | |
| Magnum opus: |
სოდომიშ 120 დღა (1785) |
| ჟანრი: |
ეროტიკა, პროზა, ფილოსოფია, გოთური ლიტერატურა |
| ნინა: | |
|
| |
დონასიენ ალფონს ფრანსუა დე სადი (ფრანგ. Donatien Alphonse François de Sade; დ. 2 მანგი, 1740, პარიზი, საფრანგეთიშ ომაფე — ღ. 2 ქირსეთუთა, 1814, შარანტონი, ვალ-დე-მარნი, საფრანგეთიშ ომაფე) — ფრანგი ჭარუ, ფილოსოფოსი დო პოლიტიკოსი. რე ავტორი რომანეფიშ, კუნტა თხობელუეფიშ, პიესეფიშ, დიალოგეფიშ, ფილოსოფიური დო პოლიტიკური ნახანდეფიშ. მუში ლიტერატურული კარიერაშ ბორჯის ნამთინე ნახანდიქ ანონიმურო გიშართჷ.
მარკიზ დე სადი შინელი რე ეროტიკული ნაწარმებეფით, სოდეც ფილოსოფიური მოტივეფი პორნოგრაფიას რე მერსხუაფილი. დე სადიშ ნაჭარეფს უმოსო ეჭარილი რე სექსუალური ფანტაზიეფი, სადისტური დო სადომაზოხისტური თემეფი, სქესობური აქტიშ შხვადოშხვა ფორმეფი, მაგალთო ანალური სექსი (ნამუსჷთ დე სადი სოდომიას უძახუდჷ), სექსუალური ორგიეფი დო შხვა. ზიტყვა დო ტერმინი სადიზმი დო სადისტი დე სადიშ ჯოხოშე მოურს. დე სადის რელიგია ვაწანდჷ, რდჷ ათესტი დო აბსოლუტურ ზოხორინელობას დო დუდიშალას მეჸუნდჷ. დე სადიშ აზრით ოკო არსებენდკო ოჯარალე, უფასო ბორდელეფი, ნამუეფსჷთ სახენწჷფო დაფინანსენდჷ.
მარკიზ დე სადის მუში ფილოსოფიური პოზიციეფიშ გეშა სახენწჷფოწკჷმა პრობლემეფქ ქაშუ. თინა ბრელშა რდჷ ჭოფილი დო 32 წანას ჯიხას დო სახანგოს ხედჷ. მარკიზ დე სადი შკვითი წანას ხედჷ ვენსენსიშ ჯიხას, ხუთი წანას ბასტილიას, ართი თუთას კონსერჟერიას, ართი წანას სანტ-პელაჟიშ ჯიხას, ვითოჟირი წანას შარანტონიშ სახანგოს დო შხვადო. დე სადიშ ნაჭარეფიშ უმენტაშობა ჯიხას რე ჭარილი. თიში ნაწარმებეფიშ სიუჟეტეფს რე გერსხილი ფრანგული, ესპანური დო იტალიური კინო-ფილმეფი.
საფრანგეთიშ რევოლუციაშ ბორჯის დე სადიქ გიშაგორილქ იჸუ ერუანული კონვენტიშ დელეგატო.
მარკიზ დე სადი ღურუ 1814 წანაშ 2 ქირსეთუთას, შარანტონიშ სახანგოს, 74 წანერქ.
მარკიზ დე სადიშ ნახანდეფქ დიდი გოლინა იღვენუ ზიგმუნდ ფროიდიშ, ჟან ჟენეშ, ჟორჟ ბატაიშ, შარლ ბოდლერიშ, სიმონა დე ბოვუარიშ, ანჯელა კარტერიშ, სემიუელ ბეკეტიშ, იუკიო მისიმაშ დო შხვა ავტორეფიშ დო ფილოსოფოსეფიშ კარიერაშა.
ქოძირით თაშნეშე[რედაქტირაფა | წყუშ რედაქტირაფა]
ლიტერატურა[რედაქტირაფა | წყუშ რედაქტირაფა]
- Marquis de Sade: his life and works. (1899) by Iwan Bloch
- The Marquis de Sade, a biography. (1961) by Gilbert Lély
- Philosopher of Evil: The Life and Works of the Marquis de Sade. (1962) by Walter Drummond