მორის უილკინსი

ვიკიპედიაშე
მორის უილკინსი
ინგლ. Maurice Wilkins
დაბადებაშ თარიღი:

15 ქირსეთუთა, 1916

დაბადებაშ აბანი:

პონგაროა, ახალი ზელანდია

ღურაშ თარიღი:

გჷმათუთა 5, 2004 (87 წანერი)

ღურაშ აბანი:

ბლეკჰიტი, ლონდონი, ინგლისი

მენოღალობა:

გოართოიანაფილი ომაფეშ შილა გოართოიანაფილი ომაფე

ომენცარე სფერო:

ბიოფიზიკა, ფიზიკა

სამუშაშ აბანი :

ლონდონიშ ომაფე კოლეჯი
ბირმინგემიშ უნივერსიტეტი
კალიფორნიაშ უნივერსიტეტი (ბერკლი)
სენტ-ენდრიუშ უნივერსიტეტი

ალმა-მატერი:

კემბრიჯიშ უნივერსიტეტი
ბირმინგემიშ უნივერსიტეტი

ომენცარე ხემანჯღვერი:

ჯონ რენდალი

ჯილდოეფი დო პრემიეფი:

ლასკერიშ პრემია (1960)
ნობელიშ პრემია ფიზიოლოგიაშ დო მედიცინაშ დარგის (1962)
EMBO-შ მაკათური (1964)

მორის ჰიუ ფრედერიკ უილკინსი (ინგლ. Maurice Hugh Frederick Wilkins; დ. 15 ქირსეთუთა, 1916, პონგაროა, ახალი ზელანდია — ღ. 5 გჷმათუთა, 2004, ბლეკჰიტი, ლონდონი, ინგლისი) — ახალ ზელანდიას დაბადებული ინგლისარი ბიოფიზიკოსი, ნუკლეინიშ ბჟეეფიშ მოლეკულური სტრუქტურაშ დო შურდგჷმილ ორგანიზმეფს თიშ ინფორმაციაშ გინოჩამაშ ფუნქციაშ ძირაფაშ დო მენცარული რკვიებაშ გეშა, გინოჩეს ნობელიშ პრემია 1962 წანას, ფიზიოლოგიაშ დო მედიცინაშ დარგის (ფრენსის კრიკი დო ჯეიმს უოტსონიწკჷმა ართო). მორის უილკინსიქ გიმირკვიუ ფოსფორესცენცია, იზოტოპიშ გორთუალა, ოპტიკური მიკროსკოპია, რენტგენული დიფრაქცია, რადარიშ ფუნქციეფი დო შხვა. უმოსო შინელი რე დნბ-შ სტრუქტურაშ რკვიებათ. მორის უილკინსი გურაფულენდჷ კემბრიჯიშ დო ბირმინგემიშ უნივერსიტეტეფს. ბირმინგემიშ უნივერსიტეტის თხილუ ოდოქტორე დისერტაცია 1940 წანას, ჯონ რენდალიშ ხემანჯღვერობათ. გურაფაშ თებაშ უკულ მუშენდჷ შხვადოშხვა ინსტიტუტეფს. რდჷ ლონდონიშ ომაფე საზოგადოებაშ მაკათური დო ბრიტანეთიშ იმპერიაშ ორდენიშ ლაურეატი.

ლიტერატურა[რედაქტირაფა | წყუშ რედაქტირაფა]

  • Robert Olby; "Francis Crick: Hunter of Life's Secrets", Cold Spring Harbor Laboratory Press, 2009.

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: