ფრენსის კრიკი

ვიკიპედიაშე
ფრენსის კრიკი
ინგლ. Francis Crick
დაბადებაშ თარიღი:

8 მანგი, 1916

დაბადებაშ აბანი:

ნორტჰემპტონი, ინგლისი

ღურაშ თარიღი:

კვირკვე 28, 2004 (88 წანერი)

ღურაშ აბანი:

სან-დიეგო, კალიფორნია, ააშ

მენოღალობა:

გოართოიანაფილი ომაფეშ შილა გოართოიანაფილი ომაფე
ამერიკაშ აკოართაფილი შტატეფიშ შილა ააშ

ომენცარე სფერო:

მოლეკულური ბიოლოგია, ფიზიკა

სამუშაშ აბანი :

კემბრიჯიშ უნივერსიტეტი
ლონდონიშ ოუნივერსიტეტე კოლეჯი
კავენდიშის ლაბორატორია
მოლეკულური ბიოლოგიაშ ლაბორატორია
სოლკიშ ბიოლოგიური რკვიებეფიშ ინსტიტუტი

ალმა-მატერი:

ლონდონიშ უნივერსიტეტი
კემბრიჯიშ უნივერსიტეტი

ომენცარე ხემანჯღვერი:

მაქს პერუცი

ჯილდოეფი დო პრემიეფი:

ომაფე საზოგადოებაშ მაკათური (1959)
ალბერტ ლასკერიშ პრემია (1960)
გაირდნერიშ პრემია (1962)
ნობელიშ პრემია ფიზიოლოგიაშ დო მედიცინაშ დარგის (1962)
EMBO-შ მაკათური (1964)
ომაფე მენდალი (1972)
კოპლიშ მენდალი (1975)
სერ ჰანს კრებსიშ მენდალი (1977)
ალბერტიშ მენდალი (1987)

ხეშმოჭარუა:

ფრენსის ჰარი კომპტონ კრიკი (ინგლ. Francis Harry Compton Crick; დ. 8 მანგი, 1916, ნორტჰემპტონი, ინგლისი — ღ. 28 კვირკვე, 2004, სან-დიეგო, კალიფორნია, ააშ) — ინგლისარი მოლეკულური ბიოლოგი, ბიოფიზიკოსი დო ნეირომენცარი. კრიკიქ, ჯეიმს უოტსონიქ დო როზალინდ ფრანკლინქ მიშეღეს დიდი თია დნბ-შ მოლეკულაშ ჰელიქსური სტრუქტურაშ რკვიებაშა. 1953 წანას კრიკიშ დო უოტსონიშ ჟურნალ "Nature"-ს გჷმობჟინაფილ მენცარულ სტატიას გიარსხუ დნბ-შ სტრუქტურაშ დო ფუნქციეფიშ რკვიებაქ. 1962 წანას ჟირხოლო მენცარს, მორის უილკინსიწკჷმა ართო, გინოჩეს ნობელიშ პრემია ფიზიოლოგიაშ დო მედიცინაშ დარგის, ნუკლეინიშ ბჟეშ მოლეკულური სტრუქტურაშ დო შურდგჷმილ ორგანიზმეფს თიშ ინფორმაციაშ გინოჩამაშ ფუნქციაშ ძირაფაშ დო მენცარული რკვიებაშ გეშა. ფრენსის კრიკი შინელი რე მუშ ცენტრალური დოგმათ მოლეკულურ ბიოლოგიას, ნამუთ ეთმონწყუნს ნამდა, მუჟამს ინფორმაცია გინმურს ნუკლეინიშ ბჟეეფშე (დნბ, რნბ) ცილეფშა, უკულ თის უკახალე - ნუკლეინიშ ბჟეეფშა, ვადართინე. ფრენსის კრიკი რდჷ შხვადოშხვა პრემიეფიშ, ჯილდოეფიშ ლაურეატი დო მენცარული ნახანდეფიშ, პუბლიკაციეფიშ, სტატიეფიშ დო წინგეფიშ ავტორი. ფრენსის კრიკიშ ჯოხონობაშ რე სამედიცინო რკვიებეფიშ დო ინოვაციეფიშ ინსტიტუტი, ნამუქჷთ დირსხუ 2010 წანას, ლონდონს. ფრენსის კრიკიშ ინსტიტუტი რე გოართოიანაფილი ომაფეშ კიბოშ რკვიებაშ, ლონდონიშ იმპერიული კოლეჯიშ, ლონდონიშ ომაფე კოლეჯიშ დო ლონდონიშ ოუნივერსიტეტე კოლეჯიშ პარტნიორი ინსტიტუტი.

ლიტერატურა[რედაქტირაფა | წყუშ რედაქტირაფა]

  • John Bankston, Francis Crick and James D. Watson; Francis Crick and James Watson: Pioneers in DNA Research (Mitchell Lane Publishers, Inc., 2002)
  • Edward Edelson,"Francis Crick And James Watson: And the Building Blocks of Life, Oxford University Press, 2000.

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: