ფობოსი (ჟიშე) დო დეიმოსი (გიმე)
მოროხიშ ალმაშარეეფიშ ორბიტეფი
პლანეტა მოროხის ჟირი ალმაშარე ჸუნს: ფობოსი (ბერძენ. φόβος „შიში“) დო დეიმოსი (ბერძენ. δείμος „მერმენწი“). ჟირხოლო ალმაშარე დორხველ ლირეს გართანა თი რთაფაშ პერიოდით, მუთ მოროხის გართანან, თეშ გეშა ირო მიკორთელი რენა პლანეტაშჸურე ართი დო იგივე კუნთხუთ. ჟირხოლო ალმაშარეს უღუ ფორმა. ფობოსი (26,8×22,4×18,4 კმ) მუსხირენით უმოსი რე დეიომსშე (15×12,2×10,4 კმ). მოროხიშ მეკონჭაფაშ ჭყანა ჭიეჭიეთ არჩქალენს ფობოსიშ ყარაფის, აკუნტარენს თიშ ორბიტას, ნამუთ, საბოლოოთ, მოროხიშ ჟინპიჯშა გენთხაფას გჷმიჭანუანს. დეიმოსი, სააწმარენჯოთ, მოროხის დეთხიებუ.
