ნიკოლაევი

ნოღა ნიკოლაევი უკრ. Миколаїв ნოღა ნიკოლაევიშ სხუნუშ დგჷმილი შილა გერბი ქიანა  უკრაინაუკრაინა ოლქი ნიკოლაევინიკოლაევიშ ოლქი|ნიკოლაევი რაიონი ნიკოლაევი კოორდ. 46.966667,3246°58′00″ ოორ. გ. 32°00′00″ ელ. გ. დინოხოლენი დორთუალა 4 რაიონი მერი ოლექსანდრ სენკევიჩი დირსხუ 1789 ნოღა 1789  წანაშე ფართობი 260 კმ² ცენტრიშ სიმაღალა 42 მ ოფიციალური ნინა უკრაინული მახორობა 483 186 კოჩი (2019) მეჭედალა 1858 კოჩი/კმ² ბორჯიშ ორტყაფუ UTC+2, ზარხულს UTC+3 ტელ. კოდი +380 512 ოფოსტე ინდექსი 54000-490 ოფიციალური ვებ-ხასჷლა www.mykolayiv.osp-ua.info/ ნიკოლაევი

ნიკოლაევი (უკრ. Миколаїв) — ართ-ართი თარი ნოღა ობჟათე უკრაინას. ნოღა იდვალუაფუ ობჟათე ბუგიშ დო ინგულიშ აკართაფუს, წყარმალუ ინგულიშ ლიმანიშ წყარპიჯის. ნიკოლაევიშ ოლქიშ დო ნიკოლაევიშ რაიონიშ ადმინისტრაციული ცენტრი. ნოღაშ აორენქ გოპიჯჷ თიში ინფრასტრუქტურა დო გოვითარაფაშ მალობა. რუსეთიშ იმპერიას ნიკოლაევი რდჷ მაართა აბანი უჩა ზუღას, სოდე გიჭყჷ ნიშაკოგაფაშ ოსხირქ. სხუნუეფიშ რსხუშ ბორჯის ნიკოლაევი კილერი ნოღა რდჷ, თიშ გეშა, ნამჷ-და ნიკოლაევს იდვალუდჷ უდიდაში დო უჭყანიარაში ფულირი სტრატეგიული ოწარმეეფი (თინეფი ასეთ რსებენა დო ქისქილიდეს მუნეფიშ ინფრასტრუქტურა მორო მიოდინეს ჯოხვინეფი), თინეფს შქას რე: 61 კომუნარიშ ჯოხოდვალაშ ნიშაკმაგაფალი სახენწჷფო ქარხანა (1788) (თაქ რე აკოგაფილი რუსეთიშ უჩა ზუღაშ ფლოტიშ ბოლო ფლაგმანი ორაკეტე კრეისერი „მოსკვა“ ), უჩა ზუღაშ გემაკაგაფალი ქარხანა (1897) ართ-ართი უდიდაში ქარხანა ევროპას (თაქ აკმაგანდეს სხუნუეფიშ ავიამაღელეფს), ნიშაკმაგაფალი ქარხანა ოკიანე (1951), ზორია — მაშპროექტი ობჟათე ტურბინამაგაფალი ქარხანა, ართ-ართი უჭყანაში დო წჷმოძნელი ტექნოლოგიეფით. ალუმინიშ მასალაშ გინმამუშებელი ქარხანა. ნოღას 4 ონიშლი რე: ოწყარმალონე ონიშლი, ნიკოლაევიშ ოზუღე ოვაჭარე ონიშლი, ონიშოლი „ოკტიაბრსკოე“ (თაშ ჯოხოდვალირი ოურდუმე ონიშოლი) დო ონიშოლი „ნიკა ტერა“ აკა კერზო ონიშლი უკრაინას. თაქ გოვითარაფილი რე მონკა დო ქექე, ოჭკომალიშ ხერეჭუა, თაშნეშე ჭყანიერო რე გოვიტარაფილი ოფუტეშ მეურნობა (ოლქის), კულტურა, რსებენს მუსხირენი უნივერსიტეტი დო მიარე უმაღალაში ოგურაფუეფი. ნიკოლაევშე რენა გეჸვენჯი ჩინებული ადამიერეფი: იგორ კრუტოი, ალექსანდრე სეროვი. ნიკოლაევიშ ნიშაკოგაფაშ ინსტიტუტი გათუეს ვალერი დო კონსტანტინე მელაძეეფქ. ნოღაშ პატიოცემელო ასტეროიდის გიოდვეს თიშ ჯოხო, ნამუქჷთ მეგორაფილქ იჸუ ყირიმიშ ასტროფიზიკური ობსერვატორიაშით.