ლვივი

ვიკიპედიაშე
ნოღა
ლვივი
უკრ. Львів
ნოღა ლვივიშ ოპერაშ დო ბალეტიშ თეატრი
ნოღა ლვივიშ ოპერაშ დო ბალეტიშ თეატრი
ნოღა ლვივიშ ოპერაშ დო ბალეტიშ თეატრი
შილა გერბი
შილა გერბი
ქიანა უკრაინაშ შილა უკრაინა
ოლქი ლვივი
რაიონი ლვივი
კოორდ. 49°51′00″ ოორ. გ. 24°01′00″ ელ. გ. / 
დინოხოლენი დორთუალა 6 რაიონი
მერი ანდრეი სადოვი
მაართა შინუა 1256
ფართობი 182,01 კმ²
ცენტრიშ სიმაღალა 289
ოფიციალური ნინა უკრაინული
მახორობა 724 713 კოჩი (2019)
მეჭედალა 3982 კოჩი/კმ²
ბორჯიშ ორტყაფუ UTC+2, ზარხულს UTC+3
ტელ. კოდი +380 32
ოფოსტე ინდექსი 79000–79490
ოფიციალური ვებ-ხასჷლა www.city-adm.lviv.ua/

ლვივი ორენი უკრაინა

ლვივი

ლვივი (უკრ. Львів; პოლ. Lwów; რუს. Львов; გერმ. Lemberg) — უდიდაში ნოღა ბჟადალ უკრაინას, ლვივიშ ოლქიშ დო რაიონიშ ადმინისტრაციული, კულტურული და ოგონათუე-ომენცარე ცენტრი რე. შხუ ორეწუალე ცენტრი დო ოტრანსპორტე ნოსქვი. მახორობას უჯოხონა გალიციაშ დო ბჟადალ უკრაინაშ ნანანოღა. 2019 წანაშო, ნოღას 724 713 ადამიერი ოხორანდჷ, ნამუეფშე 88% უკრაინალი, 9% რუსი დო 1% პოლონარი რდჷ, გეძინელი 200 000 ადამიერი ირდღარო მიშმეშჷ გალეგანობეფშე. მახორობაშ მეჯინათ, ლვივი ქიანაშ მაშქვითა ნოღა რე.

ლვივი, ართ-ართი ვერსიაშ მეჯინათ, დარსხჷ კიევიშ რუსეთიშ დიდ თარქ დანიელ გალიციალქ XIII ოშწანურას. 1272 წანას, ლვივქ გალიჩ-ვოლინიშ სათაროშ ნანანოღათ გჷნირთჷ. 1349-1772 წანეფს რდჷ პოლონეთიშ დო რეჩ-პოსპოლიტაშ აკოდგონალუას. 1772-1918 წანეფს — ჰაბსბურგეფიშ მონარქიაშ აკოდგინალუას რდჷ, მუჭოთ გალიციაშ დო ლოდომერიაშ ომაფეშ ნორთი, 1918 წანას ბჟადალ უკრაინაშ ოკათე რესპუბლიკაშ აკოდგინალუას რდჷ, 1919-1939 წანეფს, კინ პოლონეთიშ რესპუბლიკაშ აკოდგინალუას რდჷ. 1939-1941 დო 1944-1991 წანეფს — უკრაინაშ სსრ-იშ ნორთი რდჷ.

ნოღა ლვივიშ დღა ეიშანუაფუ მესიშ მაართა შურიშხა დღას.

ლვივიშ თარი ოგონათუე აბანეფი რე ლვივიშ უნივერსიტეტი დო ლვივიშ პოლიტექნიკური უნივერსიტეტი. თაშნეშე ნოღას ფილარმონიული ორკესტრი დო ლვივიშ ოპერაშ დო ბალეტიშ თეატრი რე. ისტორიული ცენტრი იუნესკოშ მოსოფელიშ მონძალაშ ძეგლეფიშ ერკებულშა რე მიშაღალირი დო თაქ მიარე არქიტექტურული ოქინაფუეფი რე. 2006 წანას, ნოღაქ დორსხუაფაშე 750 წანაშ დუდი იზეიმჷ. 2012 წანას — უკრაინაშ თი ოთხი ნოღაშ შქას ქჷმოხვადჷ, სოდე იმანჯჷ მოსოფელიშ ჩემპიონატიქჷნ.

ისტორია[რედაქტირაფა | წყუშ რედაქტირაფა]

ისტორიულო ორხველუდჷ:
გალიჩ-ვოლინიშ სათარო 1199–1349

პოლონეთიშ ომაფე 1349–1370
უნგრეთიშ ომაფე 1370–1387
პოლონეთიშ ომაფე 1387–1569
პოლონეთ-ლიტვაშ წორომაჸალობა 1569–1772
ჰაბსბურგიშ მონარქია 1772–1804
ავსტრიაშ იმპერია 1804–1867
ავსტრია-უნგრეთიშ იმპერია 1867–1918
უკრაინაშ შილა ბჟადალი უკრაინაშ ოკათე რესპუბლიკა 1918–1919
პოლონეთიშ შილა პოლონეთიშ მაჟირა რესპუბლიკა 1919–1939
სსრრ (ოკუპაცია) 1939–1941
მასუმა რაიხი (ოკუპაცია) 1941–1944
სსრრ (ოკუპაცია) 1944–1945
სხუნუეფიშ რსხუშ შილა სსრრ 1945–1991
უკრაინაშ შილა უკრაინა 1991–ასეშა


იუნესკოშ შილა მოსოფელიშ მონძალა
UNESCO, ობიექტი № 865
რუს.ინგლ.ფრ.

გალერეა[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]