პიტერ მედავარი

პიტერ მედავარი
ინგლ. Peter Medawar
დაბადებაშ თარიღი:	28 ფურთუთა, 1915
დაბადებაშ აბანი:	პეტროპოლისი, ბრაზილია
ღურაშ თარიღი:	გჷმათუთა 2, 1987 (72 წანერი)
ღურაშ აბანი:	ლონდონი, ინგლისი
მენოღალობა:	ბრაზილია  გოართოიანაფილი ომაფე
ომენცარე სფერო:	ბიოლოგია
სამუშაშ აბანი :	ბირმინგემიშ უნივერსიტეტი ლონდონიშ ოუნივერსიტეტე კოლეჯი მედიცინაშ რკვიებეფიშ ერუანული ინსტიტუტი
ალმა-მატერი:	ოქსფორდიშ უნივერსიტეტი
ჯოხოშინელი მოგურაფეეფი:	ევრიონ მიტჩისონი
ჯილდოეფი დო პრემიეფი:	ომაფე ჯარალუაშ მაკათური (1949) ბრიტანეთიშ იმპერიაშ ორდენი (1958) ომაფე მენდალი (1959) ამერიკაშ ხელუანობეფიშ დო მენცარობეფიშ აკადემიაშ მაკათური (1959) ნობელიშ პრემია ფიზიოლოგიაშ დო მედიცინაშ დარგის (1960) მოლეკულური ბიოლოგიაშ ევროპული ორგანიზაციაშ მაკათური (1964) რაინდი-ბაკალავრი (1965) მენცარობეფიშ ერუანული აკადემიაშ მაკათური (1965) კოპლიშ მენდალი (1969) ღრისებაშ ორდენი (1981) კალინგაშ პრემია (1985) მაიკლ ფარადეიშ პრემია (1987)

სერ პიტერ ბრაიან მედავარი (ინგლ. Sir Peter Brian Medawar; დ. 28 ფურთუთა, 1915 — ღ. 2 გჷმათუთა, 1987) — ბრაზილიარი-ინგლისარი ბიოლოგი დო ჭარუ. თიში რკვიებეფი ორხველუდჷ ტრანსპლანტაციაშ ვარებაშ რეაქციას დო შეძინილი იმუნოტოლერანტობას. ჸათე რკვიებეფს უღუდჷ ფუნდამენტური შანულობა ორგანოეფიშ ტრანსპლანტაციაშო. 1960 წანას მედავარის გინოჩეს ნობელიშ პრემია ფიზიოლოგიაშ დო მედიცინაშ დარგის. მედავარიქ პრემია მიპალუ ავსტრალიარი მენცარი მაკფარლეინ ბერნეტიწკჷმა ართო, ნამუქჷთ თეორიულო წჷმარინუ შეძინილი იმუნოტოლერანტობაშ კონცეფცია.

დებადჷ ბრაზილიაშ ნოღა პეტროპოლისის. პიტერი ჭიჭე რდუნ თეშ, მედავარეფიშ ფანიაქ ოცხოვრებშა ბრიტანეთიშა გეგნორთჷ. პიტერ მედავარი გურაფულენდჷ ზოოლოგიას ოქსფორდიშ მაგდალინ-კოლეჯის, ნამუთ 1935 წანას გათუ. მენცარობაშ დოქტორიშ ხარისხი მიპალუ 1947 წანას. მედავარი 1947 წანაშე რდჷ ბირმინგემიშ უნივერსიტეტიშ ზოოლოგიაშ პროფესორო დო 1951 წანაშე ლონდონიშ ოუნივერსიტეტე კოლეჯიშ ზოოლოგიაშ დო ანატომიაშ პროფესორი. ართი პერიოდის მუშენდჷ მედიცინაშ რკვიებეფიშ ერუანული ინსტიტუტიშ დირექტორო. 1977–1983 წანეფს რდჷ ომაფე ინსტიტუტიშ ექსპერიმენტული ანატომიაშ პროფესორი.

მედავარი რე ავტორი შხვადოშხვა წინგეფიშ, ომენცარე ნახანდეფიშ დო სტატიეფიშ. თიში პოპულარული პუბლიკაციეფიშე ეიოშანალიე: "ადამიერიშ მუმალი", "მენცარული არზიშ ინდუქცია დო ინტუიცია", "თელარაშ მენცარობა", "მენცარობაშ ლიმიტეფი", "პროგრესიშ იმენდი", "ინდივიდიშ უნიკალურობა" დო შხვა.

რესურსეფი ინტერნეტის

• ენციკლოპედია ბრიტანიკა
• პიტერ მედავარი Nobelprize.org-ის