პოლონეთიშ ნოღეფიშ ერკებული

თენა რე პოლონეთიშ ნოღეფიშ დო დაბეფიშ ერკებული, ნამუთ აკმოდირთუ ოთხ ნორთიშე: პოლონეთიშ არძა, 107 ნოღაშ ერკებულ მახორობაშ მუდანობაშ მეჯიანთ, ნამუსჷთ ეკოჸუნს ქიანაშ თარ მეგაპოლისეფიშ ეჭარუა.

2022 წანაშ 30 პირელიშ მუნაჩემეფით, პოლონეთის 2471 მუნიციპალიტეტ (გმინა) რე:

თინეფშე 1513 რე ოფუტე გმინა, ნამუეფჷთ აკმოდირთჷნა ოფუტეშ ტერიტორიეფშე, თინეფშე ირ 314 იროიან პოვიატიშ ართ-ართ ნორთ რე, მარა ვაწჷმარინუანა თინეფიშ ცენტრეფს,
შხვა 968 იკათუანს დოხორელ პუნქტეფს, ნამუთ იკლასიფიცირებჷნა მუჭოთ ნოღა ვარ-და დაბა, თინეფს შქას:
- 666 დაბა ოფუტეშ გოხოლუეფიშამო იგამაგებუ ართამ აბანობურ თარობაშით კჷნე თე ჯოხოშ ონოღე-ოფუტე გმინაშ სახეთ, ნამუთ რჩქვანელობურო იდვალუაფუ თეჯგურა დაბას (მარა ირო ვარი; ასეშო ნოვე-სკალმიეჟიცეშ გმინა აკა ონოღე-ოფუტე გმინა რე, ნამუთ დაბას ვედვალუაფჷნ); თეჯგურა ესვარილ მუნიციპალიტეტეფ (გმინეფი) ირო მიშმულა რეგულარულ პოვიატიშ აკოდგინალუაშა, ნამუთ იდვალუაფუ დაბას, თეჯგურა შვანს რე კჷნე თე ჯოხოდვალაშ მოღვენ დაბა (მარა რე გიმნარკეფი; სამანგათ, ვარშავა ბჟადალიშ პოვიატი, ნამუშ აბანობურ თარობა იდვალუაფუ ნოღა ოჟარუვ-მაზოვიეცკის, მუჟანსჷთ გდანსკიშ პოვიატიშ აბანობურ თარობა იდვალუაფუ ნოღა პრუშჩ-გდანსკის, თეწკჷმა თინეფიშ ჯოხოეფ შხვანერო გეთმიოწურუანა; თეშ მოხ, ჟირ ჟირობიექტიან ოფიციალურო „დეფისურ“ პოვიატი, იდვალუაფჷნა თიჯგურა პოვიატეფს, სოდე ჟირ ართიანიშმაიდა ნოღა ჯოხოშ გეშა მახორობა ართიანს აწურედესჷნ, კერზოთ, სტშელცე-დრეზდენკოშ დო როპჩიცე-სენჯიშუვიშ პოვიატეფი; საბოლათ, გვალამი ბიეშჩადიშ პოვიატის ჯოხოქ გიადჷ გვალაშ ქჷნდჷრიშ პატიცემათ დო ვართ მუშ ადმინისტრაციულ ცენტრიშ მეჯინათ)
- 302 ნოღას დო დაბას უღჷნა ზოხორინელ ონოღე გმინაშ სტატუსი; თეწკჷმა, თინეფშე კანკალე რე კჷნე თი ჯოხოდვალაშ ოფუტეშ ცენტრ (გოხოლუაშ დოხორელ პუნქტეფით), თიშ უმკუჯინალო, ნამჷ-და ვა რენა თიშ ტერიტორიაშ ნორთჷნ;
  - 195 ზოხო ნოღა, ნამუეფშე ირ მიშმურს რეგულარულ პოვიატიშ აკოდგინალუაშა დო კანკალეშა თიშ ცენტრ რე, ეკონია შვანს რჩქვანელობურო კჷნე თი ჯოხოშ მოღვენი, მარა რე სუმ გჷმნარკი (თინეფშე ჟირ რე ბინომინალურ „დეფისურ“ პოვიატი, თეწკჷმა ჩარნკუვ-ტშჩიანკაშ პოვიატის ჯოხოქ გიადჷ ჟირ ართიანიშმაიდა ნოღაშ გჷნძეხანიშ ნირზიშ გეშა, მუჟანსჷთ ბიერუნ-ლენჯინიშ პოვიატის ჯოხოქ გიადჷ, თიშ ადმინისტრაციულ ცენტრიშ გინოღალირქ იჸუ პირველჸოფურ ცენტრ ტიხიშენ, ნოღა პოვიატიშ სტატუსით, თე ჟირი მონირზე ნოღაშე ართ-ართი; მასუმა გჷმნარკი — გვალამ ტატრაშ პოვიატი, ნამუსჷთ ჯოხოქ გიადჷ გვალაშ ქჷნდჷრიშ პატიცემათ დო ვართ თიშ ადმინისტრაციულ ცენტრიშ ჯოხოშ მეჯინათ)
  - 107 ნოღა (ნოღაშ მერიშ ვარ-და ნოღაშ პრეზიდენტიშ გამაგალათ), თინეფს შქას რე:
    - 41 ნოღა, ნამუეფჷთ აკოქიმინელ რე ჟირ ვარ-და უმოს მუნიციპალიტეტშე დო აკოქიმინჷნა კჷნე თე ჯოხოდვალაშ რეგულარულ პოვიატის, ნამუთ ირო იდვალუაფუ ნოღას
    - 66 ნოღას უღჷ პოვიატიშ ნებეფიშ სტატუსი (ზოხორინელ ნოღა), ნამუთ რე ონოღე გმინა, თაშნეშე ქიმინჯენს მუჭოთ პოვიატ მუშ ნებეფით სავოევოდეშ ფარგანეფს; თეწკჷმა, თინა შილებე ორდას რჩქვანელობურ პოვიატიშ ადმინისტრაციულ ცენტრი, თეჯგურა შვანს რჩქვანელობურო კჷნე თე ჯოხო (ჟირ გჷმნარკიშ მოხ, კერზოთ, ლოძი ბჟაეიოლიშ პოვიატი, ნამუსჷთ გეძინელ შან უღჷ ბჟაეიოლი', ანდანე ნოღას უხურგანს ბჟადალშე), თაშნეშე გვალამ კარკონოშეშ პოვიატიშ ადმინისტრაციულ ცენტრ იდვალუაფუ იელენია-გურას (ნამუთ ვენშმურს პოვიატიშ აკოდგინალუაშა), ჯოხოქ გიადჷ გვალამ ქჷნდჷრიშ პატიცემათ დო ვართ ადმინისტრაციულ ცენტრიშ ჯოხოშ მეჯინათ), თიშ უმკუჯინალო, ნამჷ-და პოვიატიშ ტერიტორიულ აკოდგინალუაშა ვენშმურსჷნ
      - 37 ნოღა რე 100 000 უმოს მახორობათ, თინეფს შქას
        18 ნოღა, ნამუეფჷთ ნინალენა მუჭოთ ვოიევოდაშ რეზიდეცია ვარ-და სავოევოდეშ სეიმიკი, თეშ გეშა თინეფშა ვაოფიციალურო უჯოხონა სავოევოდეშ ნოღეფ ვარ-და ნანანოღეფ (თიშ უმკუჯინალო, ნამჷ-და პოლონეთის გვალო 16 სავოევოდე რენ; გინორთი თით რე გჷმოჭანაფილი, ნამჷ-და ჟირხოლო დჷნაწესებუეფ იდვალუაფუ ართ ნანანოღას, ანუ 16 სავოევოდეშე 14-ის),
        თინეფშე 11 ნოღას იდვალუაფუ სააპელაციო სასამართალო დო შხვა ჟისავოევოდე დჷნაწესებუეფი,
        თინეფიშ რიცხუშა მიშმურს ქიანაშ ნანანოღა — აკა პოლონურ ნოღა 1 000 000 უმოს მახორობათ დო აკა რე, ნამუთ იგამაგუ პარლამენტიშ სპეციალურ აქტით.

კანკალე შვანეფს, პოვიატიშ ნებეფიშ მოღვენ ნოღა შილებე ორდას ართნერო მუჭოთ კჷნე თე ჯოხოშ მოღვენ ოფუტე გმინაშ, თეშ კჷნე თე ჯოხოშ მოღვენ იროიან პოვიატიშ ცენტრი, თიშ უმკუჯინალო, ნამჷ-და თინეფშე აკაშ ტერიტორაშ ნორთიშა ვენშმურსჷნ, სამანგათ, შედლცე, სკიერნიევიცე, სუუპსკი. პოლონეთის აკა ნოღა ვა რე ზოხო სავოევოდე, მორო ულირს თეჯგურა სტატუს 5 ნოღას უღუდჷ.